SHINGRAN 1:5 - Jinghpaw Hanson Version Bible

⁵ kangka re ai sakse wa, si mat ai ni hta na kasha alat, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwipyaw ai gaw nanhte hta anga nga malit ga. Anhte hpe tsawra nna, shi hkum nan a asai hte anhte a yubak kaw na anhte hpe raw dat mi ai hte,

Jinghpaw Common Language Bible 2009

⁵ Kangka re ai sakse wa, si mat ai ni hta na shawng numshawn hkrung rawt wa ai wa, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwi pyaw ai gaw nanhte hta anga nga malit ga law. Anhte hpe tsaw ra nna, shi hkum nan hpe hkungga nawng si hkam ai hte anhte a yubak kaw na raw dat mi ai hte,

SHINGRAN 1:5 Iomraidhean Croise

SHAKAWN KUNGDAWN 51:2

Nye a shut hpyit ai hpe atsai awai kashin kau ya e, Nye a yubak kaw na ngai hpe jaseng la e.

SHAKAWN KUNGDAWN 72:11

Hkawhkam yawng hte gaw shi hpe nawku nna, Masha amyu shagu shi hpe daw nga mu ga.

SHAKAWN KUNGDAWN 89:27

Ngai mung kasha alat shara shi hpe jaw da nna, Mungdan hkawhkam ni hta grau kaba ai wa shatai na we ai.

GA SHAGAWP 14:5

Tengman ai sakse wa masu ga n tsun nga ai; Masu ai sakse wa chyawm gaw masu ga tsun nga ai.

ESAIA 55:4

Yu u, amyu baw ni a sakse wa tai na mung, amyu baw ni a du hte up hkang ai wa tai na mung, ngai shi hpe san da ni ai.

Daniela 2:2

Yup mang htai ya na matu, hkawhkam wa gaw, lakle sara ni, mandan bau ai ni, gumhpan hpan ai ni hte Hkalde sara ni hpe shaga la na, hkang da wu ai: shing rai shanhte sa shang nna, hkawhkam wa man e tsap nga ma ai.

Daniela 7:14

Masha amyu baw shagu hte, ga amyu myu tsun ai ni yawng, shi hpe daw jau na matu, up ai ahkang aya, hpung shingkang hte mungdan, shi hpe ap ya wu ai: shi a up hkang ai gaw n htum n wai, htani htana prat dingsa up hkang ai lam rai nga nna, shi a mungdan gaw hten byak lu ai mungdan n rai.”

JAW JAU 13:58

Hpun nba a ri madung, ri majan hte shanhpyi rai hpa baw rai timung, hkrut kau nna ana mai ai hpang, lang mi bai hkrut ai hta san seng na rai nga ai.

ZEHKARIA 13:1

“Dai shani e, Dawi a nta na ni hte, Yerusalem mare na ni a yubak mara hte agang chyalang kashin kau na hka hpawk, hpaw nga na ra ai.”

MAHTE 20:28

kaning rai nme law, dai Masha Kasha wa pyi, shangun ma hpe yam sha na nga du sa ai n rai; shangun ma a amu hpe galaw daw ya na hte, masha law law a matu mara, shi a asak hpe gawng malai jahpu shatai ya na nga nna du sa ai,” ngu mu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

YAWHAN 13:1

Ya dai Shalai wa ai poi garai n du yang, Yesu gaw ndai mungkan ga nna, shi a Kawa hpang de htawt wa na ahkying du wa sai, chye wu ai rai nna, mungkan ga e nga ai shi a masha ni hpe tsawra nga ai re ai hte maren, jahtum nhtoi du hkra shanhte hpe tsawra mu ai.

YAWHAN 13:34

Nanhte shada da tsawra nga mu, ngu nna tara ningnan ngai nanhte hpe jaw da made ai: ngai nanhte hpe tsawra made ai zawn, nanhte mung shada da tsawra nga na rai myit dai.

YAWHAN 15:9

Wa gaw ngai hpe tsawra ai zawn, ngai mung nanhte hpe tsawra made ai: nye a tsawra ai hta maju jung nga mu.

YAWHAN 18:37

Dai re ai majaw Pilat gaw, “Rai taw, nang hkawhkam teng nga nni?” ngu nna san wu ai. Yesu gaw, “Nang tsun ai hte maren ngai Hkawhkam teng nga nngai: dai ngu nna tengman ai a maga de sakse hkam na matu, ngai shangai jinghkai wa ni ai hte, mungkan ga de du sa ring ngai: tengman ai hte seng ai ni nlang hte gaw, nye a ga nsen madat ma ai,” ngu nna htan wu ai.

YAWHAN 3:11

Ngai nang hpe gaja wa teng teng tsun de ga, Anhte gaw tinang chye ai lam tsun ga ai, mu yu saga ai hte maren sakse hkam ga ai; rai timung anhte a sakse ga hpe, nanhte n hkap la myit dai.

YAWHAN 3:16

Kaning rai nme law, Karai Kasang a Kasha hpe kamsham ai ni nlang hte gaw, hten bya n hkrum ai sha, htani htana asak lu la mu ga nga, Karai Kasang gaw shi a Kasha shingtai hpe jaw kau ai kaw du hkra, mungkan ga hpe tsawra wu ai.

YAWHAN 3:32

Mu mamu na mana a lam shi sakse hkam nga ai; shi hkam ai sakse hpe gade e muk n hkap la ya mu ai.

KASA 20:28

Karai Kasang gaw shi a sai hte mari la ai Hpung hpe yu lahku na matu, Chyoi pra ai Wenyi nanhte hpe Hpung up ni shatai manit dai majaw, nanhte gaw, tinang hkum dai hte, sagu hpung ting hpe, sadi sahka hte yu nga mu law.

KASA 26:23

Hkristu nni nkri hkrum lu na hte, si ai ni kaw na shawng hkrung rawt wa lu nna, shi a amyu hte maigan amyu ni hpe nhtoi lam madun dan lu na ra ai, nga nna byin wa na ra ai lam ni a matu, myihtoi ni hte Mawshe tsun ai lam hta kaga, ngai hpa mung n tsun jan nngai,” ngu wu ai.

ROMA 3:25

Karai Kasang gaw myit sharang nga nna moi shawng na yubak mara ni hpe shalai dat kau ai majaw, shi a dinghpring ai lam hpe shadan dan u ga;

ROMA 8:37

N rai law, anhte hpe tsawra nga ai wa a majaw, ndai yawng hte hpe anhte grau nna hkap dang kau lu ai ni rai ga ai.

1 KORINHTU 6:11

Nanhte nkau mi gaw shing rai chyalu ni rai nga myit dai: rai timung, nanhte gaw anhte a Madu Yesu Hkristu a mying ningsang hte, anhte a Karai Kasang a Wenyi e kashin kamun kau ai mung, shachyoi shapra ai mung, dinghpring ngu ai mung, hkam la manit dai.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

EHPESU 2:4

Shing rai, tawt lai ai bungli a jaw e, anhte chyasi rai nga ga timung, nachying matsan dum chye ai Karai Kasang gaw, shi a tsawra ai myit kaba a marang e anhte hpe tsawra nna,

EHPESU 5:2

Hkristu gaw nanhte hpe tsawra ai hte, manam pyaw ai bat tai hkra, Karai Kasang kaw lahkan lahka hte shagu hkungga, shi hkum hpe di nna, nanhte a matu mara nawng kau ya ai hte maren, nanhte mung tsawra ai hta a hkawm nga mu.

TARA JAHPRANG 18:2

Dai rai nna shanhte gaw hpunau ni zawn sali ga madu lu ai n rai: shanhte hpe tsun da ai hte maren Yehowa gaw shanhte a sali wunli rai nga ai.

TARA JAHPRANG 23:5

Rai timung, na a Karai Kasang Yehowa gaw Balam a ga n hkan ai sha, na a Karai Kasang Yehowa nang hpe tsawra wu ai majaw, dagam ai lam hpe shaman ai shatai kau wu ai,

TARA JAHPRANG 7:8

Yehowa nanhte hpe tsawra ai majaw mung, na nji nwa ni hpe dagam da ai ga shaka shatup mayu wu ai majaw mung, nang yam nga ai Egutu mung na hkawhkam Hpara-u a lata na, shi a n-gun ja ai lata hte nang hpe hkye la nna woi wa nit dai.

KOLOSE 1:18

Dai Hpung ngu ai hkumhkrang a baw, shi rai nga ai. Shi nan lam shagu hta grau ai nhtung nhka tai wa u ga, shi gaw npawt nhpang hte si mat ai ni kaw na alat ningshawng rai nga ai.

1 TIMOHTI 6:13

Anhte a Madu Yesu Hkristu a paw pru ai du hkra, agang chyalang n re ai hte mara n kap ai sha, dai hkang da ai ga hpe nang hkan nang nga u ga,

1 TIMOHTI 6:15

ahkying aten ang wa yang, dai paw pru ai lam hpe, shi madun dan na ra ai. Shi gaw langai sha rai nga ai a rawng ai Daru Magam re ai du, hkawhkam ni a Hkawhkam, madu ni a Madu rai nga ai rai nna,

HEBRE 10:29

dai rai yang gaw, Karai Kasang a Kasha hpe kabye shingkawt kau nna, tinang hkum hpe shachyoi shapra ya ai ga shaka a asai hpe awu asin di kau ai hte, chyeju madun ya ai Wenyi hpe n kaw n law di kau ai wa gaw, dai hta grau ai ari gade hkrum ging ai, ngu nna nanhte nawn da myit ta?

HEBRE 9:14

htani htana Wenyi hte Karai Kasang kaw, shi hkum dai hpe ra n rawng ai sha nawng ya ai Hkristu a asai gaw, ahkrung nga ai Karai Kasang hpe daw jau lu hkra, nanhte a myit masin hpe si ging ai arawn alai hta na, grau nna shachyoi shapra ya lu ai, n rai ni?

1 PETRU 1:19

ana n kap ai, ra n rawng ai Hkristu ngu ai sagu kasha a hpu la ai asai hte sha, galai hkrang la lu na myit dai;

1 YAWHAN 1:7

Shi gaw dai nhtoi hta rawng nga ai hte maren, anhte mung dai nhtoi hta hkawm nga yang gaw, anhte langai hte langai kanawn mazum ai ni rai nga ga ai hte, shi a Kasha Yesu a asai gaw, anhte hta na yubak nlang hte hpe jasan jaseng kau ya mi ai.

1 YAWHAN 4:10

Anhte gaw, Karai Kasang hpe tsawra nga ga ai n rai, shi hkum nan anhte hpe tsawra nga ai hte, anhte a yubak a matu mara gawng malai hkungga tai u ga, shi a Kasha hpe shangun dat ai lam gaw, tsawra ai lam madung rai nga ai.

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 11:3

Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 19:11

Bai, sumsing lamu hpaw malang nga ai hpe, ngai mu nngai, shaloi, yu mu, gumra ahpraw dan pru nna dai hta jawn ai wa gaw, Kangka hte Tengman ngu ai wa rai nga ai; shi gaw dinghpring ai hku tara dara ai hte majan gasat nga ai.

SHINGRAN 19:16

Shi a hpun palawng hte magyi hta, Hkawhkam ni a Hkawhkam, Madu ni a Madu, nga ai amying ka kap nga ai.

SHINGRAN 2:13

Nang de nga ai shara ngai chye nga nngai; Satan a tingnyang dung nga ai shara e nang de nga ndai. Nye a mying nsang hpe nang manoi nga ndai rai nna, Satan de nga ai shara e ngu ai, nanhte a ka-ang e, nye a kangka re ai sakse wa Antipa sat kau hkrum ai nhtoi hte hta pyi, nye a makam masham lam hpe nang n nyet kau ndai.

SHINGRAN 3:14

Bai, Ladoki mare na Hpung a kasa hpe ning ngu ka dat u: Kangka re ai hte tengman ai sakse wa, Karai Kasang hpan tawn da ai a npawt nhpang, Amen ngu ai wa, ning nga nga ai:

SHINGRAN 7:14

Ngai gaw, Nye a Madu e, nang chye nga ndai, ngu nna shi hpe htan we ai. Shaloi shi gaw, Dai ni gaw, dai ru tsang kaba kata na hkrang pru wa nna, tinang a hpun palawng hpe Sagu Kasha a asai hta hkrut jahpraw la ai ni rai nga ma ai.