Shawlumon A Mahkawn Ga 8:9 - Jinghpaw Hanson Version Bible

⁹ Shi bunghku tai yang, shi a ntsa e gumhpraw langchyi gaw da na ra ai; Shi chyinghka tai yang, arit hpunpyen hte kum na ra ai.

Jinghpaw Common Language Bible 2009

⁹ Shi lama bunghku rai yang, anhte gaw shi a ntsa e gumhpraw langchyi langai gap da na ga ai. Rai ti mung, shi lama chyinghka rai yang, anhte shi hpe arit hpunpyen ni hte makawp maga na ga ai.

Shawlumon A Mahkawn Ga 8:9 Iomraidhean Croise

1 HKAWHKAM 6:15

Shi gaw nta shakum kata maga de arit hpunpyen hte magap da wu ai; madang kaw nna magaw du hkra nhku maga de hpunpyen hte shangut da wu ai: nta hpe marau hpunpyen hte nep da wu ai.

Shawlumon A Mahkawn Ga 1:11

Anhte gaw, aja lakan hte gumhpraw gawp ni Na a matu naw galaw ya na ga ai.

Shawlumon A Mahkawn Ga 2:9

Ngai tsawra ai wa gaw, chyahkyi yan shat krang la hte bung nga ai; Yu u, shi gaw anhte a bunghku shinggan de tsap nga ai: Hkuwawt hku mada yu let, Hkinji hku azi yu nga ai.

ESAIA 58:12

Na a amyu matu ni gaw moi na marawng marang ni hpe bai dè na mara ai; nang gaw moi chyaloi nhkoi na npawt nhpang ni hpe, gaw kahtap na ra ai: shing rai, Run ai bunghku hpe lajang ai wa, Shanu na matu lam ni hpe lajang ai wa, nga nna nang hpe shamying na ra ai.

ESAIA 60:17

Magri a malai aja, hpri a malai gumhpraw, hpun a malai magri, nlung a malai ahpri, ngai jashawn na nngai: na a du salang ni hta, ngwipyaw myit, nang hpe woi awn ai ni hta, dinghpring ai myit, ngai bang na nngai.

ESAIA 61:4

Shanhte gaw moi chyaloi nhkoi na akrin akraw shara hpe bai dè da nna, prat mi hte prat mi marawng marang re ai mare ni hte, katsi katsang re ai shara ni hpe lajang tawn da na mara ai.

MAHTE 16:18

Bai, nang hpe ngai tsun de ga, Nang Petru rai nga ndai hte, ndai lunghkrung ntsa e nye a Hpung hpe ngai de da na we ai rai nna. Katsan ga na chyinghka ni, dai hpe dang kau lu na n rai.

KASA 14:27

Shan du wa jang, Hpung masha ni hpe jahpawng tawn nna, Karai Kasang shan hta galaw ai lam yawng mayawng mung, maigan amyu ni hpe dai makam masham lam chyinghka hpaw ya wu ai mung, hkai dan mu ai.

KASA 15:16

‘Dai amu lam ni a hpang e ngai bai wa nna, Daw taw mat ai Dawi a nawku nta hpe bai gap na we ai; De a marawng marang ni ngai bai gaw nna, Dai hpe bai sharawt da na we ai:

TARA JAHPRANG 22:8

Nta magaw na masha hkrat ai a majaw, na nta hta masha sat ai yubak n du lit ga, nang nta nnan galaw ai shaloi, nta magaw ntsa hpe makau grup hkum ban na rai ndai.