Shawlumon A Mahkawn Ga 7:4 - Jinghpaw Hanson Version Bible

⁴ Na a du gaw magwi kawng langchyi hte bung nga ai; Na a myi gaw Heshbon mare na Batrabim chyinghka makau e nga ai hka lawng hte bung nga ai. Na a ladi gaw Damasku mare de man yawng ai, Lebanon langchyi hte bung nga ai.

Jinghpaw Common Language Bible 2009

⁴ Na a du gaw magwi kawng langchyi hte bung nga ai. na a myi ni gaw Heshbon mare dai mare kaba a chyinghka makau na hka lawng ni hte bung nga ai. Na a ladi gaw tsawm htap nga nna Damasku mare sin ai Lebanon langchyi hte bung nga ai.

Shawlumon A Mahkawn Ga 7:4 Iomraidhean Croise

NINGPAWT NINGHPANG 15:2

Shaloi Abram gaw, “Yehowa Madu e, nang ngai hpe hpa chyeju jaw na n ta? Ngai kashu kasha n lu nngai wa mi, nye a dinghku madu na gaw, Damasku mare na, ndai Eliaza ngu ai wa arai nga ai,” ngu wu ai.

2 SAMUELA 8:6

Shaloi Dawi gaw Suri mung na Damasku mare hta sin langa hpyen dap tawn da wu ai: shing rai Suri masha ni Dawi kaw yam nna, hkanse bang ma ai; Dawi sa wa ai lam shagu hta Yehowa makawp maga nga ai.

1 HKAWHKAM 10:18

Dai hta kaga hkawhkam wa gaw hkawhkam tingnyang kaba magwi kawng hte galaw nna, aja jet hte sup da wu ai.

1 HKAWHKAM 10:22

Kaning rai nme law, hkawhkam wa gaw Kiram a sanghpaw li ni hte rau, Tarshi ngu ai sanghpaw li ni hpe mung, nammukdara hta hkawm shangun wu ai: Tarshi ngu ai sanghpaw li ni gaw, masum ning hta lang mi wa du nna, aja gumhpraw, magwi kawng, awoi hte u tawng ni hpe wa htaw ya mu ai.

1 HKAWHKAM 22:39

Ya naw gawn ra ai Ahab a amu ni hte shi galaw ai lam mahkra gaw, shi gaw da ai magwi kawng nta hte, shi de da ai mare ni mahkra a lam, Israela hkawhkam ni a Labau gawn ai laika hta ka da nga ai, n rai ni?

1 HKAWHKAM 7:2

Shi gaw Lebanon maling na Htingnu hpe galaw wu ai: de a galu de dawng latsa, nda de dawng manga shi, tsaw de dawng sumshi rai nga ai; arit hpun shadaw ni gaw ayan mali rai nga nna, arit hpun dingbat ni shadaw ni hta htinggrang nga ai.

1 HKAWHKAM 9:19

bai, Shawlumon a sutgan mahkawng da na mare ni hpe yawng, hpyen leng tawn da na mare ni hte, shi a gumra jawn ai ni a matu mare ni hpe mung; bai, Yerusalem mare hta, Lebanon ginwang hkan e mung, shi up nga ai mungdan shara shagu hkan e mung, shi a pyaw lam matu galaw mayu ai made de da wu ai.

2 HKAWHKAM LABAU 8:6

Balat mare hte, sutgan mahkawng da ai Shawlumon a mare ni yawng hpe, shi a hpyen leng ni tawn da na mare ni hte, shi a gumra jawn ai ni a matu mare ni hpe mung; Yerusalem mare hta, Lebanon ginwang hkan e mung, shi up nga ai mungdan shara shagu hkan e mung, shi a pyaw lam matu galaw mayu ai made de da wu ai.

SHAKAWN KUNGDAWN 144:12

Anhte a shadang sha ni, brang ram ai aten e, nampan zawn kaba wa nna, Anhte a shayi sha ni, htingnu a kasi hkan nna, Tawk ka ai njut shadaw zawn, rai nga ma yang:

SHAKAWN KUNGDAWN 45:8

Na a hpun palawng gaw mura, achyaw, hpun maza mawng nga ai, Magwi kawng htingnu hta na tingse dum ai gaw, nang hpe shapyaw nga ai.

Shawlumon A Mahkawn Ga 1:10

Na a shabyi ni lakan hte mawn nna, Na a du gaw lungseng gali nga ai.

Shawlumon A Mahkawn Ga 4:1

Yu u, nye a nja jan e, nang hpraw tsawm ndai; Gaja wa, tsawm htap nga ndai. Na a myi gaw myi man magap shinggan e, Hkrudu myi hte bung nga ai: Na a kara gaw, Gilead bum lanem e, Hpum nga ai bainam hpung hte bung nga ai.

Shawlumon A Mahkawn Ga 4:4

Na a du gaw, Dawi a langchyi hte bung nga ai: Dai hta e, share ninghkrin ni a ri nhtu hte, N-gang kaji kaba noi da nga ai.

Shawlumon A Mahkawn Ga 4:5

Na a madoi chyu hpang yan gaw, Hka law pan prang e chyai nga ai, Shan nga hkalung marun hte bung nga ai.

Shawlumon A Mahkawn Ga 6:5

Na a myi ngai hpe hkum azi yu et; Dai ni ngai hpe myit kahpra shangun masai. Na a kara gaw, Gilead bum lanem e, Hpum nga ai bainam hpung hte bung nga ai.

ESAIA 54:4

Hkum tsang et, nang gaw kaya kahpa hkrum na n rai; myi man hkum sum et, hkrit kaya hkrum na n rai: kaning rai nme law, ram prat e hkrum ai kaya kahpa hpe, nang malap kau nna, gaida nna hkrum ai shatan nhkan hpe, htawm hpang de dum na n rai.

HEBRE 5:14

Ja ai shahpa chyawm gaw, kaja ai hte n kaja ai hpe chye ginhka lu hkra, tinang a myit mang ai lam hpe len shaman ai hte shakung jahpan chye nna, hkum tsup nga ai ni a matu rai nga ai.