Shawlumon A Mahkawn Ga 5:2 - Jinghpaw Hanson Version Bible

² Ngai yup pyaw nga timung, nye myit dum nga ai: Ngai tsawra ai wa gaw, Ngai jan, nye nja jan, Nye hkrudu, ra n rawng ai nye a num e, hpaw ya e law: Nye baw gaw mari hte, nye kara gaw shana na saiwan hte madi nga ai, nga nna akawk let tsun nga ai.

Jinghpaw Common Language Bible 2009

² Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

Shawlumon A Mahkawn Ga 5:2 Iomraidhean Croise

NINGPAWT NINGHPANG 29:20

Shaloi Yaku gaw Rahkela a matu sanit ning galaw jaw wu ai; Rahkela hpe tsawra nga ai re ai majaw, gade ya na ai zawn n nawn wu ai.

SHAKAWN KUNGDAWN 119:1

Tinang a lam hta mara n rawng ai ni hte, Yehowa a tara hpe hkan nang ai ni, a lu ma ai.

SHAKAWN KUNGDAWN 81:10

Egutu mung na nang hpe shapraw la ai, Na a Karai Kasang Yehowa ngai rai nga nngai: Na a n-gup mahka u, ngai jahpring ya na de ai.

GA SHAGAWP 23:26

Ngai sha e, na a myit masin, ngai hta manoi e; Ngai sa wa ai lam hpe, na a myi azi yu u ga.

Shawlumon A Mahkawn Ga 1:16

Yu u, ngai tsawra ai wa e, nang mahtang Tsawm htap nna, tsawra mai nga ndai;

Shawlumon A Mahkawn Ga 2:10

Ngai tsawra ai wa shaga nna, ngai hpe tsun ai gaw: Nye a nja jan e, nye tsawm htap ai num e, Rawt nna sa wa su.

Shawlumon A Mahkawn Ga 2:14

Bum na lungbra ni hte, nhkap hkan e shanu nga ai, Nye a hkrudu e: Na a myi man ngai mu lu n ga, Na a nsen ngai na lu n ga; na a nsen ngwipyaw nga ai; Na a myi man mung, hpraw tsawm nga ai.

Shawlumon A Mahkawn Ga 2:8

Ngai tsawra wa a nsen law! Yu u, shi du ra ai: Bum ni hpe shi gumtawng lai nna, Kawng ni hpe shingtawt lai nga ai.

Shawlumon A Mahkawn Ga 3:1

Shana aten e, nye yup ra ntsa e, Nye myit masin tsawra ai wa hpe, ngai tam nngai: Ngai tam timung n mu nngai.

Shawlumon A Mahkawn Ga 4:7

Nye a nja nan e, nang hkum ting tsawm htap nga ndai; Hpa htenza ai hkang mung, nang hta n nga ai.

Shawlumon A Mahkawn Ga 4:9

Ngai jan, nye num ningnan e, Nang gaw nye myit masin hpe kashun la nu ai: Na a myi ze du yin rai nna, nang gali ai hkachyi hte Nang nye a myit masin hpe kashun la nu ai.

Shawlumon A Mahkawn Ga 5:11

Shi a baw gaw ja jet hte bung nga ai. Shi a kara gaw htat nna, u hka mun zawn chyang nga ai.

Shawlumon A Mahkawn Ga 5:6

Nye tsawra ai wa matu, ngai hpaw nga yang, Ngai tsawra ai wa gaw kayin nna hkawm mat wa sai: Shi a ga dum let, ngai myit kahpra nga nngai: Ngai shi hpe tam timung, n mu, Shaga timung, n htan pru nga ai.

Shawlumon A Mahkawn Ga 6:9

Nye a hkrudu, ra n rawng ai, nye a jan chyu sha, rai nga ai. Shi gaw kanu a kasha shingtai rai nga ai; Shi hpe shangai ai kanu a tsawra htum ai ma, shi rai nga ai. Amyu shayi sha ni shi hpe mu nna shaman ya mu ai; Hkawhkam jan ni hte lashi num ni pyi shi hpe shakawn ma ai.

Shawlumon A Mahkawn Ga 7:9

Na a n-gup gaw kaja htum ai tsabyi jahku zawn rai nga u ga: Dai tsabyi jahku gaw ngai tsawra ai wa a matu pyaw ai luhpa rai nga nna, Yup pyaw ai ni a n-gup de ndum shami lwi du nga ai.

Shawlumon A Mahkawn Ga 8:7

Hka law law sumtsaw sumra hpe n sat kau lu ai, Hka hpungla ni pyi, dai hpe n lim kau lu ai. Masha wa gaw shi a nta e rawng marawng hpe, sumtsaw sumra matu jaw kau mayu timung, N kaw n law di ai hkrai hkrum na ra ai.

ESAIA 50:6

Ngai gaw kayat ai ni hpe nye a shingma, shabyi mun baw ai ni hpe nye a shabyi, ap ya nngai: kaya jahkrum ai hte mayen mahtaw bun ai kaw na, nye a myi man kayin kau ai n rai.

ESAIA 52:14

Na a lam masha law law wa mau mahka nga ma ai: shi a myi man gaw masha a myi man hta, shi a gawng shing-yan gaw shinggyim masha ni a hkumhkrang hta, ahpraw nsam grau hten wa ai;

Daniela 8:18

Ya shi gaw ngai hpe ga tsun yang, ngai ga hta gum dagup let, nawng mat nga nngai: shi chyawm gaw ngai hpe ahtawk nna, jan rai tsap shangun nngai.

ZEHKARIA 4:1

Ngai hte ga tsun ai lamu kasa bai sa du nna, yup pyaw ai wa hpe jasu ai zawn, ngai hpe jasu let,

MAHTE 7:8

Kaning rai nme law, hpyi ai wa kadai mung lu la ai; tam ai wa mung mu la ai, akawk nga ai wa hpe mung, hpaw ya wu ai.

MAHTE 8:17

Dai gaw, Shi hkum nan, “anhte a ana ahkya hpe la kau ya nna, anhte a nji nmu hte hpe gun la kau nu ai,” nga nna, myihtoi Esaia tsun ai ga dik wa u ga, rai nga ai.

MARKU 1:35

Jahpawt manap jau jau e, nhtoi garai n htoi yang, shi rawt pru nna, nam na machyi shim ai shara de sa wa nhtawm, dai yang e akyu hpyi nga ai.

LUKA 22:44

Myit masin nachying nni nkri hkrum ai majaw, shi grau nna akyu hpyi shaja wu ai: shi a salat mung, sai tum sai pa zawn ga de hkrat lu ai.)

LUKA 6:12

Dai nhtoi hte hta mung shi gaw akyu hpyi na nga, dai bum de pru sa wa nna, shana tup Karai Kasang hpe akyu hpyi let nga nga ai.

LUKA 9:32

Petru hte shi hte rau nga ai yan gaw yup shamwi nga ma ai: rai timung, dum hprang mat ma jang, shi a hpung shingkang hte shi hte rau tsap nga ai yan hpe shanhte mu ma ai.

YAWHAN 10:4

Shi a sagu nlang hte hpe woi shapraw nhtawm, sagu ni a shawng e sa wa wu ai rai nna, sagu ni mung shi a nsen hpe chye chyap ma ai majaw, shi kaw hkan nang ma ai.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

EHPESU 5:14

Dai majaw, Yup pyaw ai wa e, rawt u, Si ai kaw na bai rawt wa nu; Shaloi Hkristu nang hpe jahtoi na ra ai, nga nna tsun ai.

SHINGRAN 14:4

Dai ni gaw numsha hte awu asin n rai yu ai ni rai nga ma ai; shanhte gaw hkawn jet zawn rai nga ma ai; shanhte gaw Sagu Kasha sa wa ai shara shagu de hkan nang ai ni rai nga ma ai; dai ni gaw, Karai Kasang a matu mung, Sagu Kasha a matu mung, shawng si ai asi tai mu ga nga, shinggyim masha ni hta na mari la ai ni rai nga ma ai:

SHINGRAN 3:20

Yu u, ngai gaw chyinghka akawk let tsap nga nngai: nye a nsen na nna chyinghka hpaw ya ai wa kadai kaw rai timung, ngai shang nna shi hte rau lu rau sha na nngai, shi mung ngai hte rau lu rau sha lu na ra ai.

SHINGRAN 3:4

Rai timung, tinang a hpun palawng hpe awu asin n shakap ai amying nkau mi, Sardi hpung hta lawm nga lit dai: shanhte gaw ging dan nga ma ai majaw, hpraw ai bu hpun let, ngai hte rau hkawm sa lu na mara ai.