Shawlumon A Mahkawn Ga 4:8 - Jinghpaw Hanson Version Bible

⁸ Nye num ningnan e, Lebanon bum kaw nna, Ngai hte rau, Lebanon bum ga na, pru wa rit. Amana bum pungding, Senira hte Hermon pungding, Hkanghkyi ni shanu nga ai ginlawng hku ni hte, Rawnggawk ni shingbyi nga ai bum ntsa na, hkawm pru u.

Jinghpaw Common Language Bible 2009

⁸ Nye num nnan e, Lebanon Bum ni kaw nna ngai hte rau sa wa ga, Lebanon kaw nna ngai hte rau sa wa ga. Hkanghkyi ni hte rawnggawk ni shanu nga ai Amana bum pungding, Senira bum hte Hermon bum ni kaw nna yu hkrat wa u.

Shawlumon A Mahkawn Ga 4:8 Iomraidhean Croise

1 HKAWHKAM 4:33

Libanon bum ga na marau hpun kaw nna bunghku hta tu ai hpun ni du hkra, hpun amyu mahkra a lam hpe mung, ashu ashan a lam, u amyu a lam hpe mung, shi tsun nga ai.

2 HKAWHKAM 5:12

Damasku mare na Abana hka hte Hparpa hka yan gaw, “Israela mungdan ting na hka hpung mahkra hta grau kaja nga ai n rai ni? Dai hka yan hta ngai mai shin nna, san pra wa lu na n rai hka?” Nga nna pawt bu ai hte wa mat ai.

1 HKAWHKAM LABAU 5:23

Bai Manashe amyu chyen mi gaw, dai mung hta e nga nga nna, Bashan mung kaw nna, Bala-hermon, Senira hte Hermon bum du hkra law htam wa ma ai.

SHAKAWN KUNGDAWN 45:10

Shayi sha e, madat u, mada yu nna na la u, Na a amyu hte nwa a nta hpe, malap kau u.

SHAKAWN KUNGDAWN 72:16

Mungdan na bum ni a pungding du hkra, nai mam paw wa nna, Lebanon zawn, de a nsi naisi a hkung nga lu ga: mare masha ni mung, lamu ga na nam lap zawn prut wa mu ga.

SHAKAWN KUNGDAWN 76:1

Yuda mung hta e, Karai Kasang hpe chye ma ai: Israela hta e, shi a amying galu kaba nga ai.

SHAKAWN KUNGDAWN 76:4

Nang gaw lanep lu la ai bum ni a ntsa e, Shingkang hte arawng kaba lu nga ndai.

SHAKAWN KUNGDAWN 89:12

Dingdung, dingda nang hpan da nit dai, Tabura hte Hermun, na a amying hta kabu nga ma ai.

GA SHAGAWP 9:6

Myit n su ai lam kau da nna, hkrung nga mu, Zai byeng-ya lam hta hkan hkawm nga mu, nga nna jahtau tsun mu ai.

Shawlumon A Mahkawn Ga 2:13

Lakum hpun gaw tsit ai si hpe shamyin nu ai; Tsabyi ru ni mung pu pu nna, Ngwipyaw bat shamawng ma ai. Nye nja jan e, nye tsawm htap ai num e, Rawt nna sa wa su.

Shawlumon A Mahkawn Ga 5:1

Ngai jan, nye num ningnan e, nye sun de ngai shang ni ai: Nye mura hte manam pyaw ai baw ngai di la ni ai; Nye gitbaw hte lagat jahku hpe, ngai sha lu ni ai; Nye nga chyu hte rau lagat jahku hpe ngai lu lu ni ai: Makyin jinghku ni e, sha mu; Tsawra ai ni e, lu mu, hkru hkra lu mu.

Shawlumon A Mahkawn Ga 7:11

Ngai tsawra ai wa e, sa rit, pa ga de hkawm sa ga, Kahtawng hkan e shana shalai ga: Jahpawt jau jau rawt nna, tsabyi sun de sa wa ga;

ESAIA 62:5

Shabrang wa gaw mahkawn hte hkungran ai zawn, na a shadang sha ni gaw, nang hte hkungran na mara ai; la ningnan gaw num ningnan majaw kabu gara nga ai hte maren, na a Karai Kasang na a majaw kabu gara nga na ra ai.

EZEKELA 27:5

Na a hpunpyen ni yawng hpe, Senira marau hpun hte galaw ma ai; dawnghkawn shadaw matu, Lebanon a arit hpun lata la ma ai.

YAWHAN 12:26

Nye a amu gun hpai ai wa rai yang gaw, nye a hpang hkan nang ru ga: ngai nga ai shara e, nye a shangun ma mung nga na ra ai; nye a amu gun hpai ai wa rai yang gaw, nye Wa dai wa hpe shagrau na ra ai.

TARA JAHPRANG 3:25

Yawdan hka wora hkran de nga ai kaja ai bum ga hte Lebanon bum hpe mu lu n ga, ngai hpe rap wa lu na ahkang jaw e,’ ngu nna hpyi we ai.

TARA JAHPRANG 3:9

(dai Hermon bum hpe Sidon masha ni gaw Sirion, Amori masha ni chyawm gaw Senira, nga nna shamying ma ai:)

YAWSHU 12:1

Ya, Israela kashu kasha ni, gasat nna kabye la lu ai Arnon hka kaw nna Hermon bum du hkra hte na pa ga yawng lawm ai Yawdan hka, Jan pru maga na hkawhkam ni gaw ndai yan rai ma ai: