Shawlumon A Mahkawn Ga 4:6 - Jinghpaw Hanson Version Bible

⁶ Shani nhtoi garai n katsi ai hte Shingnip shingna garai n hkoi mat yang, Ngai gaw, nye a mura bum hte lawban kawng de lung wa na nngai.

Jinghpaw Common Language Bible 2009

⁶ Ngai gaw jahpawt e bungli katsi bung wa nna, nsin garai n hkoi mat ai aten du hkra, mura kawng hte lawban kawng ni hkan nga nga na nngai.

Shawlumon A Mahkawn Ga 4:6 Iomraidhean Croise

SHAKAWN KUNGDAWN 66:15

Hpum ai wan nat hkungga hte, sagu la hte rau manam pyaw ai baw, Ngai nang hpe nawng ya na nngai, Dumsu hte bainam la hpe mung ngai lang ya na nngai. [Selah.]

PRU MAT 20:24

Nye a matu ga hkungri nang gaw na rai ndai; dai hta e na a wan nat hkungga hte mahku hkungga ngu na, na a sagu hte dumsu, nang nawng lu na rai ndai: nye ahkang hte nye a mying ningsang gang ai shara shagu hta ngai nang kaw du sa nna, nang hpe shaman ya na de ai.

PRU MAT 30:8

Shana de mung Arun dai pyengdin shatu ai shaloi dai hta manam pyaw ai baw nat na rai wu ai: dai gaw nanhte a shu mashi shu masha prat dingsa Yehowa a man e tutnawng jau nga na manam pyaw nat lam rai na rai nga ai.

PRU MAT 37:29

Manam pyaw ai baw hpaw chye ai wa hpaw ai hku, chya na matu chyoi pra ai namman mung, jet ai manam pyaw ai baw hpe mung, shi hpaw wu ai.

Shawlumon A Mahkawn Ga 2:17

Ngai tsawra ai wa e, shani nhtoi garai n katsi ai hte, Shingnip shingna garai n hkoi mat yang, Kayin nna, Behtera bum ntsa e nga ai, Chyahkyi hte shat krang la zawn, tai nga u.

Shawlumon A Mahkawn Ga 3:6

Mura, lawban hte, hpaga ga ai ni dut ya ai, Manam pyaw ai baw amyu myu chya shamut nna, Wan hkut zawn mawng let, Zaibru jang de na lung wa ai wa gaw, kadai wa rai ta?

Shawlumon A Mahkawn Ga 4:14

Nardu hpun, chyamka hpun, Gumshu, maza hpun hte, lawban hpun amyu myu, Mura, achyaw hte grau manam pyaw ai baw yawng, lawm nga ai.

Shawlumon A Mahkawn Ga 8:14

Ngai tsawra ai wa e, alawan sa rit: Lawban tu ai bum ni a ntsa e, Chyahkyi hte, shing n rai, shan nga hkalung zawn, tai nga u law.

ESAIA 2:2

Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

LUKA 1:78

Shi a amyu hpe hkye hkrang la ai lam chye lu shangun na matu mung, Nsin, hte si ai shingnip kata e dung nga ai ni hpe htoi ya nna,

2 PETRU 1:19

Dai rai nna, grau grin wa nga ai myihtoi ga mung, anhte lu sagaw ai; nanhte a myit masin hta e nhtoi leng wa nna, nhtoi gintawng pru wa ai ten du hkra, nsin sin ai shara de htoi tu nga ai pyengdin hpe zawn, dai myihtoi ga hpe nanhte a hkan nang nga na, mai kaja nga ai.

1 YAWHAN 2:8

Bai maga mi de hkang da ai ga ningnan ngai nanhte hpe ka dat nngai: dai gaw shi hta e mung, nanhte hta e mung, teng nga ai: kaning rai nme law, dai nsin gaw hkoi mat wa nna, dai tengman ai nhtoi gaw, ya e pyi htoi tu nga ai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai; shanhte langai hte langai tingse hte chyoi pra ai ni a akyu hpyi ai ga ngu ai manam pyaw ai baw hte hpring chyat nga ai ja gawm lang nga ma ai: