Shawlumon A Mahkawn Ga 4:16 - Jinghpaw Hanson Version Bible

¹⁶ Dingdung nbung e, rawt u; dingda nbung e, wa rit; Nye sun a manam pyaw ai baw mawng wam nga mu ga, De a ntsa e bung sun nga mu. Ngai tsawra ai wa gaw, shi a sun hta shang nna, De a dwi sau ai namsi sha nga u ga.

Jinghpaw Common Language Bible 2009

¹⁶ Dingdung nbung e rawt u. Dingda nbung e nye a sun de manam pyaw bat hte hpring ai nbung bung wa u ga. Nye a tsaw ra ai wa shi a sun de sa wa nna, dai sun na kaja htum ai asi sha lu u ga.

Shawlumon A Mahkawn Ga 4:16 Iomraidhean Croise

HPAJI NINGLI 1:6

Nbung gaw dingda maga de ang wa nna, dingdung maga hku bung pru wa ai: dai gaw tutnawng bung kayin nga nna, myi na lam de bai nhtang wa ai.

HPAJI NINGLI 2:5

shat mai sun ni, yu chyai sun ni ngai hpajang da nna, namsi hpun amyu myu hkai sharing da nngai:

Shawlumon A Mahkawn Ga 1:13

Ngai tsawra ai wa mahtang, nye sinda lapran e tsat ai Mura nhtan hte bung nga ai.

Shawlumon A Mahkawn Ga 1:4

Ngai hpe dun la e; nang hpang de anhte hprawng na ga ai: Hkawhkam wa gaw, shi yup gawk de ngai hpe jashawn timung, Na a majaw anhte kabu gara nna pyaw wa na ga ai; Na a sumtsaw sumra hpe tsabyi jahku hta grau shakawn na ga ai: gaja wa teng teng shanhte nang hpe tsawra nga ma ai.

Shawlumon A Mahkawn Ga 2:3

Ngai tsawra ai wa mahtang, maling e tu ai lwi dwi hpun zawn, Brang sek ni a ka-ang e, dan nga ai. Ngai gaw shi a shingnip kata e ngwipyaw let dung nga nna, De a asi gaw nye a n-gup hta dwi nga ai.

Shawlumon A Mahkawn Ga 2:8

Ngai tsawra wa a nsen law! Yu u, shi du ra ai: Bum ni hpe shi gumtawng lai nna, Kawng ni hpe shingtawt lai nga ai.

Shawlumon A Mahkawn Ga 5:1

Ngai jan, nye num ningnan e, nye sun de ngai shang ni ai: Nye mura hte manam pyaw ai baw ngai di la ni ai; Nye gitbaw hte lagat jahku hpe, ngai sha lu ni ai; Nye nga chyu hte rau lagat jahku hpe ngai lu lu ni ai: Makyin jinghku ni e, sha mu; Tsawra ai ni e, lu mu, hkru hkra lu mu.

Shawlumon A Mahkawn Ga 6:2

Ngai tsawra ai wa gaw, shi a sun hta namsi sha nna, hka law pan di la na nga, Shi a sun hte, manam pyaw ai nampan lawk de, yu wa sai.

Shawlumon A Mahkawn Ga 8:12

Nye a tsabyi sun chyawm gaw, nye a man e rai nga ai: Shawlumon e, nang lap hkying mi la nna, Nye sun sin ai ni mahtang lap ni tsa la mu ga.

ESAIA 64:1

Nang gaw sumsing lamu hpe hpaw malang nna, yu wa rit law e; bum ni na a man e ashun gari nga mu ga:

EZEKELA 37:9

Shaloi shi gaw, “Myihtoi htoi u, masha kasha e, nbung hpe myihtoi htoi u; nbung hpe htawn tsun u, ‘Madu Yehowa ning nga ai: Nbung e, ga man mali de na pru nna, ndai si mang ni gaw hkrung wa lu hkra, shanhte a ntsa e ahpawt u,’ nga nna ngai hpe tsun ai.

MAHTE 26:10

Yesu mahtang dai chye nna, “Dai numsha hpe nanhte hpa rai nme shatsang nga myit ta? Shi gaw, ngai hta kaja ai hku galaw nu ai:

MAHTE 26:12

Ndai mura hpe nye a hkum hta shi ru bun ai gaw, ngai hpe lup makoi na matu lajang da ai rai nga ai.

YAWHAN 3:8

Nbung gaw bung wa mayu ai de bung wa nna, de a wu ai nsen hpe nang na dat wu timung, kanang na bung wa nna, gade rai wa ai gaw, nang n chye dat ndai; dai hte maren, Wenyi e shangai ai masha shagu mung shing rai nga ai,” ngu nna htan wu ai.

YAWHAN 5:8

Shaloi Yesu gaw, “Rawt u, na a hpun panep la hpai nna hkawm wa su,” ngu nna dai wa hpe tsun wu ai.

KASA 4:31

Shing rai akyu hpyi ngut jang, shanhte hpawng nga ai shara gaw gari ashun wa nna, nlang hte hta Chyoi pra ai Wenyi hpring wa ai hte, Karai Kasang a mungga hpe nden ja ai myit hte tsun dan wa ma ai.

ROMA 15:16

Karai Kasang e ngai hpe jaw da ai chyeju majaw, nanhte hpe bai shadum jahprang na zawn, ngai nanhte hpe nden ja ai myit hte kau chyen ka dat made ai.

ROMA 15:28

Dai re ai majaw, ndai amu hpe galaw ngut nna, ndai shawang si hpe shanhte a man e dazik dawk da ngut jang, nanhte hpang hku hprang rai, Spani mung de ngai lai sa wa na nngai.

1 PETRU 2:5

Nanhte mung ahkrung nga ai nlung hte zawn, wenyi hte seng ai nta hpe de nga manit dai rai nna, Yesu Hkristu a marang e, sharawng awng wa nna, wenyi hte seng ai hkungga Karai Kasang hpe jaw lu na matu, chyoi pra ai hkinjawng amyu tai wa manit dai.

2 PETRU 3:18

Anhte a Madu hte Hkye hkrang la ai wa Yesu Hkristu a chyeju hte chye chyang ai lam hta e, nanhte kaba wa nga myit ga. Ya e mung, htani htana prat dingsa e mung, Yesu Hkristu kaw hpung shingkang anga nga u ga law.