Shawlumon A Mahkawn Ga 4:1 - Jinghpaw Hanson Version Bible

¹ Yu u, nye a nja jan e, nang hpraw tsawm ndai; Gaja wa, tsawm htap nga ndai. Na a myi gaw myi man magap shinggan e, Hkrudu myi hte bung nga ai: Na a kara gaw, Gilead bum lanem e, Hpum nga ai bainam hpung hte bung nga ai.

Jinghpaw Common Language Bible 2009

¹ Nye a nja jan e, nang gaw kade sha tsawm htap nga n hka! Na a myi man magap shingdu e tu ai na a myi ni gaw kade sha yu tsaw ra na zawn htoi tu nga lit hka! Na a kara gaw Gilead kawng kaw na yu hkrat wa ai bainam hpung mi zawn ka manawt nga ai.

Shawlumon A Mahkawn Ga 4:1 Iomraidhean Croise

SHAKAWN KUNGDAWN 45:11

Hkawhkam wa gaw na a ahpraw tsawm ai ra a yang gaw, Na a madu wa shi rai nga ai majaw, shi hpe hkungga lara u.

Shawlumon A Mahkawn Ga 1:15

Yu u, nye nja jan e, nang hpraw tsawm nga ndai; Gaja wa, tsawm htap nga ndai: Na a myi gaw hkrudu myi hte bung nga ai.

Shawlumon A Mahkawn Ga 2:10

Ngai tsawra ai wa shaga nna, ngai hpe tsun ai gaw: Nye a nja jan e, nye tsawm htap ai num e, Rawt nna sa wa su.

Shawlumon A Mahkawn Ga 2:14

Bum na lungbra ni hte, nhkap hkan e shanu nga ai, Nye a hkrudu e: Na a myi man ngai mu lu n ga, Na a nsen ngai na lu n ga; na a nsen ngwipyaw nga ai; Na a myi man mung, hpraw tsawm nga ai.

Shawlumon A Mahkawn Ga 6:5

Na a myi ngai hpe hkum azi yu et; Dai ni ngai hpe myit kahpra shangun masai. Na a kara gaw, Gilead bum lanem e, Hpum nga ai bainam hpung hte bung nga ai.

Shawlumon A Mahkawn Ga 6:7

Na a shabyi ni, myi man magap shinggan e, Hkainu si shari hte bung nga ai.

Shawlumon A Mahkawn Ga 7:5

Na a baw gaw, Hkarmela bum hte, Na kara gaw, hkyeng mang ai ari hte, bung nga ai: Hkawhkam wa pyi de a kara hkri hta gyit hkang ai hkrum nga ai.

YEREMIA 22:6

Kaning rai nme law, Yehowa gaw Yuda hkawhkam a nta hpe lakap nna ning nga ai: Nang gaw nye a man e Gilead hte Lebanon bum pungding zawn rai nga timung, gaja wa ngai nang hpe nam mali hte masha n nga ai mare ni zawn shatai na de ai.

EZEKELA 16:14

Ngai gaw nye a arawng sadang hpe, nang hta dagraw nngai majaw, na a tsawm htap ai ahpraw hkum tsup nga nna, maigan amyu ni hta de a lam kajai gumhkawng nga ma ai,” nga nna Madu Yehowa tsun ai.

MIHKA 7:14

Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

BU HKAWM 32:1

Ya Rubin a matu ni hte Gad a matu ni gaw, yamnga nachying law malu ai rai nna, Yazera mung hte Gilead mung hta yamnga a matu udat shara kaja nga ai hpe shanhte mu ma yang,

BU HKAWM 32:40

Mawshe mung Manashe a kasha Mahkirai matu ni hpe Gilead mung jaw mu ai rai nna, shanhte dai yang nga nga ma ai.

MAHTE 11:29

Ngai gaw myit sumnung ai hte myit gyip nga nngai rai nna nye a kandang hpe hpai mu, nye a lam sharin la mu: dai rai yang nanhte a myit masin ban sa ai hkrum na malit dai:

2 KORINHTU 3:18

Anhte nlang hte chyawm gaw myi man a man magap kun di kau nna, dai Madu a hpung shingkang hpe jamna hta mada yu let, dai Madu ngu ai Wenyi a marang e, hpung shingkang htap mi hte htap mi lu la ai hte, shing re ai hkrang bung sumla hte nan galai mat mat rai nga ga ai.