Shawlumon A Mahkawn Ga 2:9 - Jinghpaw Hanson Version Bible

⁹ Ngai tsawra ai wa gaw, chyahkyi yan shat krang la hte bung nga ai; Yu u, shi gaw anhte a bunghku shinggan de tsap nga ai: Hkuwawt hku mada yu let, Hkinji hku azi yu nga ai.

Jinghpaw Common Language Bible 2009

⁹ Nye a tsaw ra wa gaw chyahkyi langai zawn rai nna shan-nga kasha hte mung bung nga ai. Yu u, shi gaw bunghku makau e tsap nga ai. Shi gaw hkuwawt hku mada yu nhtawm hkinchyi hku hku praw rai mada yu nga ai.

Shawlumon A Mahkawn Ga 2:9 Iomraidhean Croise

2 SAMUELA 2:18

Dai majan hta Zeruia kasha ni masum, Yoab, Abishai, Asahela hte lawm ma ai: Asahela gaw nam shan zawn laram ai wa rai nga ai.

GA SHAGAWP 5:19

Shi gaw tsawra ai ding kanu hte tsawm htap ai shan nga yi zawn rai nga nna, Shi a madoi chyu hpang nang hpe tut tut shapyaw nga u ga: Shi hte tsawra hkat ai hta, tutnawng myit dik nga u.

GA SHAGAWP 6:5

Jaugawng wa a lata na ding kanu zawn, U hkam wa a lata na u zawn, lawt pru wa u.

GA SHAGAWP 7:6

Kaning rai nme law, nye nta na hkuwawt hku, Hkinji lapran hku ngai asoi yu nga yang,

Shawlumon A Mahkawn Ga 1:16

Yu u, ngai tsawra ai wa e, nang mahtang Tsawm htap nna, tsawra mai nga ndai;

Shawlumon A Mahkawn Ga 2:17

Ngai tsawra ai wa e, shani nhtoi garai n katsi ai hte, Shingnip shingna garai n hkoi mat yang, Kayin nna, Behtera bum ntsa e nga ai, Chyahkyi hte shat krang la zawn, tai nga u.

Shawlumon A Mahkawn Ga 2:7

Yerusalem a shayi chyinghkawn ni e, Tsawra ai myit, shi hkrai n pru yang, Dai hpe hkum jasu, hkum jahprang mu yaw, Ngu nna, nam na ashu ashan ni hte chyahkyi ni hpe dum let, Ngai nanhte hpe htet da nngai law.

Shawlumon A Mahkawn Ga 3:5

Yerusalem a shayi chyinghkawn ni e, Tsawra ai myit, shi hkrai n pru yang, Dai hpe hkum jasu, hkum jahprang mu yaw, Ngu nna, nam na ashu ashan ni hte chyahkyi ni hpe dum let, Ngai nanhte hpe htet da nngai law.

Shawlumon A Mahkawn Ga 8:14

Ngai tsawra ai wa e, alawan sa rit: Lawban tu ai bum ni a ntsa e, Chyahkyi hte, shing n rai, shan nga hkalung zawn, tai nga u law.

LUKA 24:35

Shaloi shan gaw, lam e rai nga yang byin ai lam ni mung, muk ahkyep jaw ai hta shi re ai chye lu ai mung, tsun dan mu ai.

YAWHAN 12:41

Esaia gaw shi a hpung shingkang mu lu ai rai nna, shi a lam shing nga tsun ai rai nga ai.

YAWHAN 5:39

Chyum laika ni hta nna nanhte htani htana asak lu la na re ai, nga nna myit myit dai majaw, dai laika ni hta nanhte hkan sawk yu yu rai myit dai: dai laika ni nan nye a lam sakse hkam nga ai:

YAWHAN 5:46

Mawshe hpe nanhte kam myit dai rai yang gaw, ngai hpe mung kam na manit dai: kaning rai nme law, Mawshe gaw nye a lam ka da nu ai.

1 KORINHTU 13:12

Ya gaw gumwai hku rai nga ai jamna shingna sha anhte naw mu nga ga ai; rai timung, dai shaloi e myi man yawng let mu na ra ga ai: ya gaw daw chyen mi sha ngai chye nngai; dai shaloi e, Karai Kasang ngai hpe chye chyang ai zawn, ngai mung chye na ring ngai.

KOLOSE 2:17

dai hte gaw du na ra ai lam a shingna hkrai rai nga ai; dai hkumhkrang chyawm gaw, Hkristu a rai nga ai.

HEBRE 10:1

Jep ai tara gaw du na ra ai ngamu ngamai lam ni a hkrang sumla majing n rawng ai sha, de a shingna sha rai nga ai majaw, shanhte gaw tutnawng e nawng ya nga ai, shaning shagu na shagu hkungga amyu hte, sit shang shani wa ai ni hpe, galoi mung jahkum shatsup ya lu na n rai:

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.

TARA AGYI 5:28

“Sisera a kanu gaw, hkuwawt hku yu let, ‘Nba grang a kata na shi azi yu nna, Shi a leng hpa rai lau n du wa hkraw a i? Leng dingsen ni hpa majaw lanyan nga sai i?’ nga nna nyaw nga ai.