Shawlumon A Mahkawn Ga 2:7 - Jinghpaw Hanson Version Bible

⁷ Yerusalem a shayi chyinghkawn ni e, Tsawra ai myit, shi hkrai n pru yang, Dai hpe hkum jasu, hkum jahprang mu yaw, Ngu nna, nam na ashu ashan ni hte chyahkyi ni hpe dum let, Ngai nanhte hpe htet da nngai law.

Jinghpaw Common Language Bible 2009

⁷ Yerusalem numsha ni e, ngai hpe ga sadi jaw mi; anhte a tsaw ra myit hpe nanhte ginjang n shawn lu myit ga, laram ai chyahkyi hte shannga ni hta dagam da nngai.

Shawlumon A Mahkawn Ga 2:7 Iomraidhean Croise

NINGPAWT NINGHPANG 49:21

Naphtali gaw dat dat sai shan yi rai nga ai, Ga dwi ga sau chye shapraw nga ai.

SHAKAWN KUNGDAWN 18:33

Shi gaw nye a lagaw hpe shan lagaw zawn shatai nna, Nye a tsaw ai shara de ngai hpe mara da ni ai.

GA SHAGAWP 5:19

Shi gaw tsawra ai ding kanu hte tsawm htap ai shan nga yi zawn rai nga nna, Shi a madoi chyu hpang nang hpe tut tut shapyaw nga u ga: Shi hte tsawra hkat ai hta, tutnawng myit dik nga u.

GA SHAGAWP 6:5

Jaugawng wa a lata na ding kanu zawn, U hkam wa a lata na u zawn, lawt pru wa u.

Shawlumon A Mahkawn Ga 1:5

Yerusalem a shayi sha ni e, Ngai gaw, Kedera sum ni zawn, ahpraw chyang timung, Shawlumon a nba grang ni zawn, naw tsawm nga nngai.

Shawlumon A Mahkawn Ga 2:17

Ngai tsawra ai wa e, shani nhtoi garai n katsi ai hte, Shingnip shingna garai n hkoi mat yang, Kayin nna, Behtera bum ntsa e nga ai, Chyahkyi hte shat krang la zawn, tai nga u.

Shawlumon A Mahkawn Ga 2:9

Ngai tsawra ai wa gaw, chyahkyi yan shat krang la hte bung nga ai; Yu u, shi gaw anhte a bunghku shinggan de tsap nga ai: Hkuwawt hku mada yu let, Hkinji hku azi yu nga ai.

Shawlumon A Mahkawn Ga 3:5

Yerusalem a shayi chyinghkawn ni e, Tsawra ai myit, shi hkrai n pru yang, Dai hpe hkum jasu, hkum jahprang mu yaw, Ngu nna, nam na ashu ashan ni hte chyahkyi ni hpe dum let, Ngai nanhte hpe htet da nngai law.

Shawlumon A Mahkawn Ga 5:16

Shi a n-gup hta na ga dwi ga sau pru nga ai: Rai sa, shi gaw hkum ting tsawra mai nga ai. Yerusalem na shayi chyinghkawn ni e, Dai wa gaw, ngai tsawra ai wa, nye a kanawn wa, rai nga ai.

Shawlumon A Mahkawn Ga 8:14

Ngai tsawra ai wa e, alawan sa rit: Lawban tu ai bum ni a ntsa e, Chyahkyi hte, shing n rai, shan nga hkalung zawn, tai nga u law.

Shawlumon A Mahkawn Ga 8:4

Yerusalem a shayi chyinghkawn ni e, Tsawra ai myit shi hkrai n pru yang, Dai hpe hkum jasu, hkum jahprang mu yaw, Ngai nanhte hpe htet da nngai law.

HABAKU 3:19

Madu Yehowa gaw, nye a n-gun atsam rai nga ai: Shi gaw nye a lagaw hpe shan lagaw zawn shatai nna, Nye a tsaw ai shara hta, ngai hpe hkawm shangun ai law. Sumpyi dum ai agyi a matu; nye a tingse ni hta mai dum ai mahkawn ga.

MAHTE 26:63

Yesu mahtang atsin sha nga nga ai. Bai, hkinjawng agyi wa gaw, “Karai Kasang a Kasha, ngu ai Hkristu gaw, nang rai nga ndai kun, anhte hpe tsun dan n ga, ngu nna ahkrung nga ai Karai Kasang hta ngai nang hpe dagam da de ai,” ngu nna shi hpe tsun wu ai.