Shawlumon A Mahkawn Ga 1:8 - Jinghpaw Hanson Version Bible

⁸ Numsha ni hta grau tsawm ai na e, nang n chye yang, Sagu hpung ni a lagaw hkang hkan sa nna, Sagu rem ai ni a sum ni makau e, na bainam kasha ni hpe rem nga u.

Jinghpaw Common Language Bible 2009

⁸ Num ni yawng hta tsawm htum ai jan e, dai shara hpe nang n chye n ni? Sagu hpung a hpang hkan sa nna sagu rem ni a sum makau hkan e na a bainam ni a matu udat shara tam la u.

Shawlumon A Mahkawn Ga 1:8 Iomraidhean Croise

SHAKAWN KUNGDAWN 16:3

Ga ntsa e nga ai chyoi pra ai ni hte, Hpung lu ai ni hpe hkrai, ngai ra nga nngai;

SHAKAWN KUNGDAWN 45:11

Hkawhkam wa gaw na a ahpraw tsawm ai ra a yang gaw, Na a madu wa shi rai nga ai majaw, shi hpe hkungga lara u.

SHAKAWN KUNGDAWN 45:13

Hkawhkam wa a shayi sha gaw dinghku kata e arawng htak rai nga ai. Shi a hpun palawng ja hte kaboi ai rai nga ai.

GA SHAGAWP 8:34

Nye a ga madat let, nye a chyinghka makau e, Shani shagu doi yu nga nna, nye chyinghka shadaw makau e ala nga ai wa gaw, a lu ai.

Shawlumon A Mahkawn Ga 1:15

Yu u, nye nja jan e, nang hpraw tsawm nga ndai; Gaja wa, tsawm htap nga ndai: Na a myi gaw hkrudu myi hte bung nga ai.

Shawlumon A Mahkawn Ga 2:10

Ngai tsawra ai wa shaga nna, ngai hpe tsun ai gaw: Nye a nja jan e, nye tsawm htap ai num e, Rawt nna sa wa su.

Shawlumon A Mahkawn Ga 4:1

Yu u, nye a nja jan e, nang hpraw tsawm ndai; Gaja wa, tsawm htap nga ndai. Na a myi gaw myi man magap shinggan e, Hkrudu myi hte bung nga ai: Na a kara gaw, Gilead bum lanem e, Hpum nga ai bainam hpung hte bung nga ai.

Shawlumon A Mahkawn Ga 4:10

Ngai jan, nye num ningnan e, Na a tsawra ai gaw, gade pyaw nga a hka! Na a tsawra ai gaw, tsabyi hta grau kaja nga ai: Na a manam pyaw ai sau gaw, lawban amyu mahkra hta, grau kaja nga ai law.

Shawlumon A Mahkawn Ga 4:7

Nye a nja nan e, nang hkum ting tsawm htap nga ndai; Hpa htenza ai hkang mung, nang hta n nga ai.

Shawlumon A Mahkawn Ga 5:9

Numsha ni hta grau tsawm ai na e, na a tsawra ai wa gaw, Kaga tsawra ai wa hta, kaning rai grau nga a ta? Nang anhte hpe ning rai htet da lu hkra re ai, Na a tsawra ai wa gaw, kaga tsawra ai wa hta, kaning rai grau nga a ta?

Shawlumon A Mahkawn Ga 6:1

Numsha ni hta grau tsawm ai na e, Na a tsawra ai wa gaw, gade sa wa sata? Anhte nang hte rau shi hpe hkan tam lu hkra, Na a tsawra ai wa gaw, gara de ang wa sata?

YEREMIA 6:16

Yehowa ning nga ai: “Lam mashe makau e tsap nna mada yu mu; myi na lam dingsa ni hpe tam let, Kaja ai lam gara mahtang rai ta? nga nna san let, dai hku hkan mu; shing rai yang, nanhte a myit masin ban sa na ra ai; rai timung, Anhte n hkan na ga ai, nga nna shanhte htan ma ai.

YAWHAN 21:15

Ya shanhte jahpawt shat sha ngut jang, Yesu gaw Simun Petru hpe, “Yawhan a kasha Simun e, ndai ni tsawra ai hta, nang ngai hpe grau tsawra nni?” ngu nna san wu ai. Shi gaw, “Rai sa, Madu e, ngai nang hpe tsawra nga nngai gaw, nang chye nga ndai,” ngu nna htan wu ai. Shaloi Yesu gaw, “Nye a sagu kasha ni hpe bau nga u,” ngu nna shi hpe tsun wu ai.

1 KORINHTU 11:1

Ngai gaw Hkristu hta samnang ai zawn, nanhte mung nye a samnang ni tai nga mu.

EHPESU 5:27

chyoi pra ai hte mara n rawng ai hpung shingkang rawng ai Hpung hpe shi hkum nan a matu mara ap tawn da na, de a matu shi hkum nan hpe ap kau wu ai.

HEBRE 13:7

Karai Kasang a mungga nanhte hpe tsun dan ai, nanhte a lam woi ningshawng ni hpe, adum nga mu: shanhte prat lai hkra hkan wa sai lailen ningli hpe myit sumru yu nna, shanhte a kamsham ai hpunda hkap hkra, hkan sharau nga mu.

HEBRE 6:12

myit mada ai lam hpring tup wa na matu, langai hte langai prat htum hkra, dai zawn naw shaja nga na, anhte ra ga ai.

YAKU 2:21

Anhte a wa Abraham dai hkungri ntsa e, shi a kasha Isak hpe hkungga shatai ai shaloi, magam bungli hte dinghpring wa lu ai, n rai ni?

YAKU 2:25

Dai hte maren, Rahab ngu ai shawa num gaw, kasa ni hpe hkap hkalum la nna, kaga lam hku e dat dat mu ai shaloi, magam bungli hte dinghpring wa lu ai, n rai ni?

YAKU 5:10

Hpunau ni e, dai Madu a amying nsang hte hkaw tsun dan ai myihtoi ni a nni nkri hkrum ai hte, shakut sharang nga ai myit gaw, nanhte a ningli tai wa malit ga.

1 PETRU 3:6

Sara gaw Abraham hpe madat mara wu ai majaw, shi hpe Madu ngu wu ai hte maren, tinang a madu wa ni a hkang ai hku hpe hkan nga ma ai: kaja ai amu galaw nna, hpa hkrit shara hta mung, n hkrit n kang nga myit yang gaw, nanhte mung Sara a shayi sha ni rai nga myit dai.