Shawlumon A Mahkawn Ga 1:6 - Jinghpaw Hanson Version Bible

⁶ Ngai gaw jan katen nna, ahpraw chyang nngai majaw, Ngai hpe hkum yu dingrawng mi: Nye nu a shadang sha ni gaw ngai hpe n dawng nna, Tsabyi sun ni hpe lajang shangun ma ai: Nye tsabyi sun chyawm gaw, ngai n lajang lu nngai.

Jinghpaw Common Language Bible 2009

⁶ Ngai hpe jan katen hkra mat ai majaw mung, nye a nsam galai mat ai majaw mung ngai hpe hkum yu kaji nga et. Nye a kahpu kanau ni ngai hpe masin pawt ma ai rai nna, ngai hpe sabyi sun e amu galaw shangun ma ai. Nye a hkum hpe yu lajang na aten chyawm gaw n lu nngai.

Shawlumon A Mahkawn Ga 1:6 Iomraidhean Croise

YOBA 30:30

Nye hkum hpyi chyang mat ai hte hkai mat nna, nye nrut nra ni kahtet ai hte hkat krawp mat nga ai.

SHAKAWN KUNGDAWN 69:8

Nye hpunau ni hta tsasam wa zawn ngai rai nga nna, Nu a kasha ni hta sumtsan masha ngai rai mat ni ai.

YEREMIA 12:6

Kaning rai nme law, na a nhpu nnau ni hte na nwa dap na ni pyi, nang hpe hkalem hkalau kau nna, na a hpang e aja awa jahtau let hkan nang ma ai: shanhte kaja ai ga tsun timung, shanhte hpe hkum kam et.

YEREMIA 8:21

Nye amyu shayi sha hkala nba hkrum ai majaw, ngai mung hkala nba hkrum nngai: ngai yawn nga ngai; mak mat ai hpe ngai hkrum nga nngai.

SHARUNG SHAYAWT 4:8

Ya chyawm gaw shanhte nsam, nra hta grau chyang nga ai; mare lam ni hta kadai mung shanhte hpe n chye ma ai; Shanhte a hpyi nrut nra hta kap mat nna, dai gaw hpun zawn hkraw mat nga ai.

MIHKA 7:6

kaning rai nme law, kasha gaw kawa a arawng jahpoi nga ai; shayi sha gaw kanu hpe, kanam gaw shi a kamoi hpe hkap daw nga ai; tinang hpe hpyen ai ni gaw, tinang a nta na ni rai nga ma ai.

MAHTE 10:22

Nye a amying majaw masha nlang hte gaw nanhte hpe n dawng n wawm na myit dai: rai timung, htum hkra shakut sharang ai wa gaw, hkye hkrang la ai hkrum na ra ai.

MAHTE 10:25

Sape gaw shi a sara zawn, mayam gaw shi a madu zawn rai nga yang gaw, ram nga ai: shanhte gaw nta madu wa hpe Bezebula ngu mu yang gaw, shi a nta na ni hpe, shing grau ngu na mu ai, n rai hka!

MARKU 4:6

jan pru katen jang, krau mat wa nna, ru n jung lu ai majaw nyip si mat ma ai.

KASA 14:22

sape ni a myit shangang ya let, dai makam masham lam hta agrin nga na matu shadum jahprang ai hte, “Karai Kasang a mungdan de ru tsang ai law law hte shang wa na rai ga ai,” ngu nna sharin da mu ai.

GALATI 4:29

Shawng nnan e dai hkum shan hte sha shangai ai wa gaw, dai Wenyi hte shangai ai wa hpe zingri zingrat wu ai hte maren, ya e mung byin nga ai.