Shawlumon A Mahkawn Ga 1:3 - Jinghpaw Hanson Version Bible

³ Na namman gaw, manam pyaw ai sau rai nga ai; Na amying shingteng gaw ru bun ai sau rai nga ai: Dai rai nna hkawnsek ni nang hpe tsawra ma ai.

Jinghpaw Common Language Bible 2009

³ Nang hta manam pyaw ai baw bat nga nga ai; na a mying shingteng gaw dai hpe marit nga ai. Numsha kadai mung nang hpe tsaw ra nga ma ai.

Shawlumon A Mahkawn Ga 1:3 Iomraidhean Croise

SHAKAWN KUNGDAWN 133:2

Dai gaw, baw kaw nna, nhka mun du hkra, Rai sa, Arun a nhka mun hte, Shi a palawng a du hkawp du hkra, Byawng hkrat ai jet ai namman hte,

SHAKAWN KUNGDAWN 45:14

Za hte ka ai hpun nba hte hkawhkam wa kaw sa sa nna, Shi a hpang hkan ai shingnan hkawnsek ni hpe mung, Nang kaw woi jashawn na maru ai.

PRU MAT 33:12

Shaloi Mawshe gaw Yehowa hpe, “Yu u, ndai amyu hpe woi wa u, nga nna nang ngai hpe tsun nit dai, rai timung, ngai hte rau kadai hpe nang shangun ya ndai gaw, nang ngai hpe n tsun ndai: rai timung nang ngai hpe, Na mying hte ngai nang hpe chye da de ai, nye a man e nang myi man pa nit dai, nga ndai:

PRU MAT 33:19

Yehowa gaw, Nye a mai kaja ai hpung mahkra na a man e ngai shalai dat nna, Yehowa a mying hpe na man e ngai shapraw na we ai: chyeju madun mayu ai wa hpe ngai chyeju madun na we ai; matsan dum myit rawng ai wa hpe ngai matsan dum na we ai.

GA SHAGAWP 27:9

Sau hte manam pyaw ai baw, myit masin hpe shapyaw ai zawn, San seng ai myit hte hpaji law ya chye ai, jinghku wa a tsawra ai myit gaw, ngwipyaw shangun nga ai.

HPAJI NINGLI 7:1

Mai kaja ai amying shingteng gaw, manam pyaw ai sau hta grau hpu nga ai: si nhtoi gaw, shangai wa ai nhtoi hta grau kaja nga ai.

Shawlumon A Mahkawn Ga 3:6

Mura, lawban hte, hpaga ga ai ni dut ya ai, Manam pyaw ai baw amyu myu chya shamut nna, Wan hkut zawn mawng let, Zaibru jang de na lung wa ai wa gaw, kadai wa rai ta?

Shawlumon A Mahkawn Ga 4:10

Ngai jan, nye num ningnan e, Na a tsawra ai gaw, gade pyaw nga a hka! Na a tsawra ai gaw, tsabyi hta grau kaja nga ai: Na a manam pyaw ai sau gaw, lawban amyu mahkra hta, grau kaja nga ai law.

Shawlumon A Mahkawn Ga 5:13

Shi a shabyi gaw manam pyaw ai baw tu ai nampan lawk hte, shatmai lap kaja shatut ai tena hte bung nga ai. Shi a nten gaw mura jet kapya ai hka law pan hte bung nga ai.

Shawlumon A Mahkawn Ga 5:5

Ngai tsawra ai wa a matu hpaw ya na, ngai rawt nngai; Nye a lata na mura sau, nye layung ni hta na, mura sau jet, Chyinghka htinggrang ni a ntsa e, hkrat kapya nga ai.

Shawlumon A Mahkawn Ga 6:8

Hkawhkam jan ni kru shi, lashi num ni matsat shi, Mahkawn ni n dang hti hkra, law nga ma timung,

ESAIA 61:3

Ziun mare hta sharung shayawt ai ni hpe, wan dap a malai nampan shanghkawng, sharung shayawt ai a malai kabu gara ai namman, myit kaji ai a malai kabu gara ai hpun palawng jaw na matu mung, shi ngai hpe shangun dat nngai; shing rai, Yehowa gaw arawng sadang lu la na matu, shanhte gaw, shi hkai da ai dinghpring ai hpun ni ngu ai mying, mying na mara ai.

MAHTE 25:1

Dai shaloi e sumsing lamu a mungdan gaw, tinang a pyengdin lang nna, la nnan hpe hkap bawp la na pru sa wa ai mahkawn shi hte bung na ra ai.

YAWHAN 12:3

Shaloi Mari gaw hpu la ai mura nardu sau ajet hkan masum daram la nna, Yesu a lagaw hta chya ya nhtawm, shi a kara hte katsut kau wu ai: dai sau a manam pyaw ai gaw, nhku ting hpring chyat rai nga ai.

2 KORINHTU 11:2

Kaning rai nme law, Karai Kasang a nja nhpra ai hte maren, ngai nanhte a lam nja nhpra rai nga nngai; nanhte hpe hkawnsek hpe zawn Hkristu kaw jaw ya nna, madu langai sha hte ngai nanhte hpe hkungran ya made ai.

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.

SHINGRAN 14:4

Dai ni gaw numsha hte awu asin n rai yu ai ni rai nga ma ai; shanhte gaw hkawn jet zawn rai nga ma ai; shanhte gaw Sagu Kasha sa wa ai shara shagu de hkan nang ai ni rai nga ma ai; dai ni gaw, Karai Kasang a matu mung, Sagu Kasha a matu mung, shawng si ai asi tai mu ga nga, shinggyim masha ni hta na mari la ai ni rai nga ma ai: