NEHEMIA 9:6 - Jinghpaw Hanson Version Bible

⁶ Nang nan Yehowa rai nga ndai; nang gaw sumsing lamu hte sumsing lamu ni a sumsing lamu hte de a zaw nawng zaw wa ni hpe mung, ginding aga hte dai hta nga manga hpe mung, nammukdara hte dai hta rawng marawng hpe mung, hpan tawn da nna, mahkra hpe bau sin nga ndai: sumsing lamu a zaw nawng zaw wa ni gaw nang hpe nawku nga ma ai.

Jinghpaw Common Language Bible 2009

⁶ Dai hpang Israela amyu masha ni ndai kyu hpyi ga hte hpyi ma ai: “Nang, Madu, nang chyu sha Madu rai nga ndai; nang gaw sumsing lamu ni hte lamu na shagan ni hpe hpan da nga ndai. Nang gaw lamu ga hte panglai hte dai hta rawng marawng ni hpe hpan da nna; dai ni yawng hpe nang asak jaw ya nga ndai. Sumsing lamu na daru magam n-gun atsam ni nang hpe gum dagup ai hte nang hpe nawku ma ai.

NEHEMIA 9:6 Iomraidhean Croise

NINGPAWT NINGHPANG 1:1

Shawng ningpawt e Karai Kasang gaw sumsing lamu hte ginding aga hpe hpan da wu ai.

NINGPAWT NINGHPANG 1:9

Bai Karai Kasang gaw, “lamu kata e nga ai hka hpung ni, shara mi hta shinggyin hpawng nga nna hkarang ga dawng pru u ga,” nga ai: dai mung shing rai nga ai.

NINGPAWT NINGHPANG 2:1

Shing rai sumsing lamu hte ginding aga gaw, tinang nang a zaw nawng zaw wa yawng hte hte nawng ngut nga masai.

NINGPAWT NINGHPANG 32:2

Yaku mung shi sa ai lam bai sa wa ai rai nna Karai Kasang a lamu kasa ni shi hpe sa tau mu ai.

1 HKAWHKAM 22:19

Bai Mihkaia gaw, “Dai re ai majaw Yehowa a ga madat mara ya u: Yehowa gaw shi a tingnyang hta dung nna, sumsing lamu na zaw nawng zaw wa ni, shi a hkra maga hte pai maga de tsap nga ma ai hpe, ngai mu nngai.

1 HKAWHKAM 8:27

“Karai Kasang gaw ga ning tsa e gaja wa teng teng shanu nga lu na kun? Yu u, sunsing lamu hte sumsing lamu ni a sumsing lamu gaw, nang hpe sharawng da lu na n rai; dai rai yang, ngai gaw da ai hta nang kaning rai rawng lu na n hka!

2 HKAWHKAM 19:15

Shing rai Hezekia gaw Yehowa man e, “Hkerubim ntsa e dung nga ai Israela Karai Kasang Yehowa e; ga ntsa mungdan mahkra a Karai Kasang nang chyu rai nga ndai: nang gaw sumsing lamu hte ginding aga hpe hpan da nu ai.

2 HKAWHKAM 19:19

Ya chyawm gaw, anhte a Karai Kasang Yehowa e, nang Yehowa hkrai Karai Kasang rai nga ai gaw, ga ntsa mungdan ni nlang chye na lu mu ga, anhte hpe shi a lata na hkye hkrang la mi law,” ngu nna hpyi nem wu ai.

NEHEMIA 9:5

Bai Lewi masha ngu ai, Yeshua, Kadmiela, Bani, Hashabni, Sherebia, Hodia, Shebania, Pehtahia hte gaw, “Rawt mu, nanhte a Karai Kasang Yehowa hpe tutnawng prat dingsa e shagrau sha-a nga u ga law; shagrau sha-a ai hte shakawn kungdawn n ma ai, na a dan hkung nga ai mying nsang gaw, a nga u ga law.

SHAKAWN KUNGDAWN 102:25

Nang gaw moi moi e, ginding aga hpe gaw da nna, Sumsing lamu, na a lata a amu rai nga ai.

SHAKAWN KUNGDAWN 103:21

Shi ra ai hku hkan nang nna, shi a magam bungli, gun hpai ai zaw nawng zaw wa yawng hte e, Yehowa hpe sha-a mu.

SHAKAWN KUNGDAWN 115:15

Lamu hte aga hpe hpan da ai Yehowa gaw, Nanhte hpe shaman ya myit ga.

SHAKAWN KUNGDAWN 124:8

Lamu hte aga hpe hpan tawn da ai Yehowa a amying hta e, Anhte hpe karum ai lam anga nga ai.

SHAKAWN KUNGDAWN 146:6

Shi gaw sumsing lamu hte ginding aga, Nammukdara hte dai hta rawng marawng a Hpan Wa Ningsang rai nga ai: Shi gaw htani htana sadi sahka adum nga ai.

SHAKAWN KUNGDAWN 24:10

Hpung shingkang rawng ai, ndai Hkawhkam wa chyawm gaw, kadai wa rai nga a ta? Zaw nawng zaw wa up ai Yehowa Shi gaw hpung shingkang rawng ai Hkawhkam wa rai nga ai law.

SHAKAWN KUNGDAWN 33:6

Yehowa a mungga hte sumsing lamu tai nga nna, Shi a n-gup na nsoi nsa hte, de a zaw nawng zaw wa byin nga ai.

SHAKAWN KUNGDAWN 36:6

Na a dinghpring ai gaw Karai Wa a bum ni zawn rai nga ai, Nang dawdan ai hku nachying sung nga lit dai; Yehowa e, masha hte yamnga hpe, nang lanu lahku nga ndai.

SHAKAWN KUNGDAWN 86:10

Nang galu kaba nga ndai rai nna, Mauhpa amu galaw nga ndai: Nang chyu sha Karai Kasang rai nga ndai.

ESAIA 37:16

Hkerubim ntsa e dung nga ai Israela Karai Kasang Yehowa e; ga ntsa mungdan mahkra a Karai Kasang nang chyu rai nga ndai, nang gaw sumsing lamu hte ginding aga hpe hpan da nu ai.

ESAIA 37:20

Ya chyawm gaw, anhte a Karai Kasang Yehowa e, nang Yehowa hkrai Karai Kasang rai nga ai gaw, ga ntsa mungdan ni nlang chye na lu mu ga, anhte hpe shi a lata na hkye hkrang la mi law,” ngu nna hpyi nem wu ai.

ESAIA 43:10

“Nanhte dum lu nna, ngai hpe kamsham let, ngai nan dai wa rai nga nngai, chye na lu hkra, nanhte nye a sakse ni hte ngai lata la ai shangun ma ni rai nga myit dai, nga nna Yehowa tsun ai: nye a shawng e Karai Wa n nga ai, nye a hpang e mung pru na n rai.

ESAIA 44:6

Israela hkawhkam Yehowa, Israela hpe Hkye hkrang la ai Madu, Zaw nawng zaw wa up ya Yehowa gaw ning nga ai: “Ngai gaw shawng numshawn hte hpang jahtum na wa rai nga nngai: ngai hta shaje Karai Kasang n nga ai.

ESAIA 44:8

Nanhte hkum tsang myit, hkum hkrit myit; moi shawng kaw nna ngai nang hpe tsun madun da ni ai, n rai ni? nanhte nan nye a sakse ni rai nga myit dai. Ngai hta shaje Karai Kasang nga a ni? Gaja wa, Lunghkrung shaje nga ai gaw, ngai n chye nngai.

ESAIA 45:12

Ngai gaw ginding aga hpe galaw da nna, de a ntsa e shinggyim masha hpe hpan da se ai: nye a lata nan sumsing lamu hpe hpyan da nna, de a Zaw nawng zaw wa up ai ni yawng hpe, ngai hkang da ni ai.

EZEKELA 20:11

Dai yang e ngai shanhte hpe nye a matsun maroi ga jaw da nna, nye a tara dara ai lam madun dan nngai: dai gaw hkan nang ai wa a hkrung nga na lam rai nga ai.

YONA 1:9

Shi gaw, “Ngai Hebre masha rai nga nngai; nammukdara hte hkarang hpe hpan tawn da ai, sumsing lamu na Karai Kasang Yehowa hpe hkrit hkungga ai wa rai nga nngai,” ngu nna shanhte hpe htan mu ai.

YAWHAN 10:30

Ngai hte nye Wa gaw langai sha rai nga ai,” ngu nna shanhte hpe htan mu ai.

KASA 4:24

Dai na jang shanhte gaw myit langai sha hte Karai Kasang hpang de tinang a nsen shaja nna, “Sumsing lamu hte ginding aga, nammukdara hte dai hte hta nga manga hpan tawn da ai Madu e;

TARA JAHPRANG 10:14

Yu u, sumsing lamu hte de a lahta tang, ginding aga hte dai hta pra mapra na a Karai Kasang Yehowa madu nga ai.

TARA JAHPRANG 32:39

Ngai dai, ngai nan, Karai wa rai nga nngai, Ngai hta kaga, Karai shaje n nga ai gaw, yu yu mu: Jasi ai mung, ngai, jahkrung ai mung, ngai, Jahpye ai mung, ngai, shamai ai mung, ngai, Nye lata na kadai n shaw la lu ma ai.

TARA JAHPRANG 6:4

‘Israela amyu e, madat la u: anhte a Karai Kasang Yehowa gaw, shi chyu sha Yehowa rai nga ai:

HEBRE 1:3

shi gaw Karai Kasang a hpung shingkang a ningchya hte, shi a gawng shing-yan a hkrang sumla rai nga ai rai nna, shi a mungga atsam hte yawng mayawng hte hpe bau sin da ai: yubak mara hpe jasan jaseng kau ngut jang, matsaw ningtsang na daru magam a hkra maga de shi dung nga ai rai nna,

HEBRE 1:6

Dai hta kaga, dai Kasha alat hpe mungkan ga de bai jashawn dat ai shaloi e, “Karai Kasang a lamu kasa ni yawng shi hpe nawku mu ga,” nga dat ai.

SHINGRAN 14:7

shi gaw, “Karai Kasang hpe hkrit hkungga mu, shi a hpung shingkang shagrau mu; shi a tara dara ai ahkying du ra ai: sumsing lamu hte ginding aga, nammukdara hte hka hpawk ni hpe hpan tawn da ai wa hpe nawku nga mu,” nga nna nsen kaba hte hkaw tsun nga ai.

SHINGRAN 4:11

Anhte a Madu Karai Kasang e, nga yawng nga pra hte hpe nang hpan tawn da nna, dai hte gaw na a myit ra ai hku jaw e tai ma ai hte hpan tawn da hkrum ma ai majaw, nang gaw hpung shingkang, arawng sadang hte hpung shingkang lu la na ging dan nga ndai law, nga nna shakawn na ma ai.