NEHEMIA 9:5 - Jinghpaw Hanson Version Bible

⁵ Bai Lewi masha ngu ai, Yeshua, Kadmiela, Bani, Hashabni, Sherebia, Hodia, Shebania, Pehtahia hte gaw, “Rawt mu, nanhte a Karai Kasang Yehowa hpe tutnawng prat dingsa e shagrau sha-a nga u ga law; shagrau sha-a ai hte shakawn kungdawn n ma ai, na a dan hkung nga ai mying nsang gaw, a nga u ga law.

Jinghpaw Common Language Bible 2009

⁵ Lewi masha ni rai nga ai Yeshua, Kadmiela, Bani, Hashabneia, Sherebia, Hodia, Shebania hte Pehtahia hte gaw nawku na matu saw shaga ma ai. Shanhte gaw ning ngu tsun ma ai: “Rawt tsap let, dai Madu nanhte a Karai Kasang hpe shakawn kungdawn mu; shi hpe htani htana shakawn kungdawn mu! Masha shakawn kungdawn ai gaw n kaba nga ti mung, masha shagu gaw shi a hpung shingkang mying nsang hpe shakawn kungdawn nga mu ga.

NEHEMIA 9:5 Iomraidhean Croise

1 HKAWHKAM 8:14

Bai hkawhkam wa gaw myi man kayin nna, zuphpawng nga ai Israela masha ni mahkra hpe shaman ya mu ai; zuphpawng nga ai Israela masha ni mahkra gaw tsap nga ma ai.

1 HKAWHKAM 8:15

Bai shi gaw, “Nye a amyu Israela hpe Egutu mung na shapraw ai shani kaw nna, Israela amyu ni a mare langai mi hta nye a amying shanu nga na matu nta galaw da na ngai garai n lata la timung, nye a amyu Israela ntsa e up nga na matu ngai Dawi hpe lata la se ai,

1 HKAWHKAM 8:22

Shing rai Shawlumon gaw Yehowa a tawn hkungri hte Israela masha ni a wunawng wuwa ting a man e tsap nga nna, shi lata ladawn let,

1 HKAWHKAM 8:27

“Karai Kasang gaw ga ning tsa e gaja wa teng teng shanu nga lu na kun? Yu u, sunsing lamu hte sumsing lamu ni a sumsing lamu gaw, nang hpe sharawng da lu na n rai; dai rai yang, ngai gaw da ai hta nang kaning rai rawng lu na n hka!

1 HKAWHKAM LABAU 16:36

Israela a Karai Kasang Yehowa gaw, Htani htana prat dingsa e a nga u ga law. Shaloi shawa masha ni yawng, Amen, ngu nna, Yehowa hpe shakawn kungdawn mu ai.

1 HKAWHKAM LABAU 29:11

Yehowa e, daru magam, n-gun atsam, hpung shingkang, padang ninglaw hte arawng sadang nang hta anga nga ai law: sumsing lamu hte ginding aga ntsa nga manga hpe nang madu nga ndai; Yehowa e, dai mungdan gaw na a mungdan rai nga ai hte, nga yawng nga pra ntsa e nang grau nga ndai.

1 HKAWHKAM LABAU 29:13

Dai re ai majaw, anhte a Karai Kasang e, na a chyeju hpe anhte dum nna, na a hpung shingkang rawng ai mying ningsang shakawn kungdawn nga ga ai.

1 HKAWHKAM LABAU 29:20

Shaloi Dawi gaw, shawa hpawng ting hpe, “Nanhte a Karai Kasang Yehowa hpe ya shakawn kungdawn mu,” ngu mu yang, shawa hpawng ting gaw, shanhte a kaji kawa ni a Karai Kasang Yehowa hpe shakawn kungdawn nna, gum dagup let, Yehowa hpe mung, hkawhkam wa hpe mung, nawku mu ai.

2 HKAWHKAM LABAU 20:13

Yuda masha ni, madu jan, kashu kasha, kaji kaba yawng, Yehowa a man e tsap nga ma ai.

2 HKAWHKAM LABAU 20:19

Lewi amyu, Kohat hte Korah kashu kasha ni gaw tsap nga nna, grai kaba ai nsen hte, Israela Karai Kasang Yehowa hpe shakawn kungdawn nga ma ai.

EZRA 3:11

Shanhte gaw, Yehowa mai kaja nga nna, shi a chyeju Israela ntsa e htani htana anga nga ai, nga nna tsun let hpung mi hte hpung mi htingli htinglai mahkawn ma ai. Yehowa nta a npawt nhpang ni gaw da lu ai majaw, mung masha ni mahkra gaw, Yehowa hpe shakawn kungdawn let, nsen kaba hte jahtau garu nga ma ai.

NEHEMIA 9:4

Shaloi Yeshua, Bani, Kadmiela, Shebania, Buni, Sherebia, Bani, Hkenan hte gaw, Lewi masha ni a lakang ntsa e tsap nga nna, shanhte a Karai Kasang Yehowa hpe nsen kaba hte jahtau mu ai.

NEHEMIA 9:6

Nang nan Yehowa rai nga ndai; nang gaw sumsing lamu hte sumsing lamu ni a sumsing lamu hte de a zaw nawng zaw wa ni hpe mung, ginding aga hte dai hta nga manga hpe mung, nammukdara hte dai hta rawng marawng hpe mung, hpan tawn da nna, mahkra hpe bau sin nga ndai: sumsing lamu a zaw nawng zaw wa ni gaw nang hpe nawku nga ma ai.

YOBA 1:21

“Ngai gaw nu a hkritung kaw nna singgu krin shangai sa nngai, Dai de singgu krin bai wa na ni ai; Yehowa jaw ya nna, Yehowa bai dawm la nga ai, Yehowa mying nsang gaw a nga u ga law,” nga ai.

SHAKAWN KUNGDAWN 106:2

Yehowa a n-gun amu hpe, kadai gawn dan lu a ta? Shi hpe shakawn ai ga yawng hte, kadai madun lu a ta?

SHAKAWN KUNGDAWN 134:1

Yu mu, Yehowa a nta kata e, shana e daw jau nga ai, Yehowa a ali ama ni yawng hte e, Yehowa hpe sha-a mu.

SHAKAWN KUNGDAWN 145:2

Shani shagu ngai nang hpe a sha-a nga na de ai: Na a amying nsang hpe, htani htana Prat dingsa, ngai shakawn nga na nngai.

SHAKAWN KUNGDAWN 145:5

Na a hpung shingkang a dan hkung ai arawng sadang hte, Na a mauhpa bungli hpe, ngai myit aru yu nga na nngai.

SHAKAWN KUNGDAWN 146:2

Ngai asak hkrung nga ai hte yang, Yehowa hpe ngai shakawn nga na nngai; Ngai naw agrin nga ai hte yang, Nye a Karai Kasang hpe ngai kungdawn nga na nngai.

SHAKAWN KUNGDAWN 16:2

“Nang nye a Madu rai nga ndai,” ngai Yehowa hpe tsun ni ai. Nang hta kaga nye a madu nga mai na lam n nga ai.

SHAKAWN KUNGDAWN 66:2

Shi mying a hpung shingkang hpe mahkawn mu, Shi hpe shakawn yang, arawng sadang jaw mu:

SHAKAWN KUNGDAWN 99:3

Na a kaba ai hte hkrit mai ai amying nsang hpe, Shanhte shakawn kungdawn nga mu ga: shi gaw chyoi pra nga ai.

PRU MAT 15:11

Yehowa e, hpara ni hta nang zawn re ai kadai wa nga na a ta? Mauhpa ningsam madun let, shakawn ging ai hkrithpa lam shapraw nna, Chyoi Pra ai hta dan hkung nga ai wa, nang zawn re ai kadai nga a ta?

PRU MAT 15:6

Yehowa e, na hkra lata gaw, n-gun hte dan hkung nga lit dai; Yehowa e, na hkra lata gaw hpyen ni hpe agrawp kau nu ai.

Daniela 2:20

Shaloi Daniela gaw sumsing lamu na Karai Kasang a chyeju hpe shagrau sha-a let, “Karai Kasang a amying ningsang gaw, htani htana prat dingsa, a nga u ga law: shi gaw hpaji byeng-ya hte n-gun atsam hpring nga ai.

MAHTE 11:25

Dai aten hte hta Yesu gaw ga hpaw nna, “Sumsing lamu hte ginding aga a Madu, Wa e; hpaji byeng-ya rawng ai ni hte myit kunghpan ai ni kaw na ndai lam nang makoi magap da nhtawm, ma kaji ni hpe madun dan ndai majaw, ngai nang hpe shakawn kungdawn nngai:

2 KORINHTU 4:6

Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

TARA JAHPRANG 28:58

“Na a Karai Kasang Yehowa ngu ai hpung shingkang hte hkrithpa rai nga ai mying ningsang hpe, hkrit kang nga na matu, ndai laika hta ka da ai tara matsun yawng hpe nang n hkan ai nga n yang gaw;

1 PETRU 1:3

Anhte a Madu Yesu Hkristu a Kawa Karai Kasang gaw a nga u ga: si mat ai ni kaw na Yesu Hkristu a bai hkrung rawt wa ai a marang e, ahkrung nga ai myit mada shara hte,

TARA AGYI 13:18

Shaloi Yehowa a kasa gaw, Nye a mauhpa amying hpa rai san n ta? ngu wu ai.