NEHEMIA 9:2 - Jinghpaw Hanson Version Bible

² Israela aru arat ni gaw, tinang a yubak hte kaji kawa ni a shut hpyit ai lam tawngban let, maigan masha ni mahkra hta na tinang hkum hka wa ma ai.

NEHEMIA 9:2 Iomraidhean Croise

1 HKAWHKAM 8:47

shanhte bawng wa dung nga ai ga hta myit dum myit hprang nna, myit kayin wa let, Anhte yubak galaw saga ai, anhte nhtan shai ai hte shut hpyit nga ga ai, nga nna bawng wa dung nga ai madu ni a ga hta myit nem nna tawngban nga ma ai hte;

EZRA 10:11

Dai re ai majaw, nanhte a nji nwa ni a Karai Kasang Yehowa hpe yubak tawngban nna, shi ra ai lam hkan galaw mu: dai mung na amyu ni hta, maigan amyu num ni hpe jahka kau mu,” ngu nna shanhte hpe tsun mu ai.

EZRA 6:21

Bawng dung hkrum ai kaw na bai wa ai Israela kashu kasha ni hte, Israela Karai Kasang Yehowa hpe hkan tam na nga, tinang hkum hpe dai mung na amyu ni a matsat shabat lam koi kau ai ni nlang hte gaw, poi sha nna,

EZRA 9:1

Ya dai amu ni ngut wa ai hpang, agyi salang ni ngai hpang de sit sa nna, Israela masha ni, hkinjawng ni, Lewi masha ni gaw, ndai mung ni e de nga ai amyu masha ni hta, tinang hkum hpe n daw n hka ai sha, Hkanan, Hiti, Perizi, Yebusi, Ammon, Moba, Egutu hte Amori masha ni a matsat shabat lam shagu hte maren hkan galaw nga ma ai.

EZRA 9:15

Israela Karai Kasang Yehowa e, nang gaw dingman rai nga ndai; anhte gaw, dai ni mu ai hte maren, asak lawt nna ngam nga ai ni rai nga ga ai: yu u, anhte hta yubak kap let, na a man e anhte rai nga ga ai: dai yubak majaw na a man e kadai mung tsap nga lu ai n rai,” ngu nna tawngban wu ai.

EZRA 9:2

Kaning rai nme law, dai amyu masha ni a shayi sha ni hpe, tinang a matu mung, kashu kasha ni a matu mung, shanhte hkungran la nna, dai chyoi pra ai amyu gaw, maigan amyu ni hte kayau kaya nga ai hta n-ga, mung du ni hte agyi salang ni, grau nna dai lam hta shut hpyit nga ma ai, nga nna ngai hpe tsun dan mi ai.

NEHEMIA 1:6

na a mayam wa, Israela kashu kasha ni a matu, na a man e shani shana akyu hpyi nga nna, Israela kashu kasha ni rai nga ai anhte gaw, nang hpe shut kau ai yubak mara madun tawngban nga yang, na a mayam wa a ga hpe madat mara na matu, ya na a na hpe hpaw nna, na a myi azi yu mi. Rai sa, ngai mung nye wa nta dap ni mung, yubak galaw saga ai.

NEHEMIA 10:28

Hpaji byeng-ya hte chye chyang ai myit rawng ai, naw ngam nga ai masha ni mahkra gaw, hkinjawng ni, Lewi masha ni, chyinghka sin ai ni, mahkawn mangoi chye ai ni, Nehtinim masha ni hte rau, Karai Kasang a tara hpe hkan nang na nga, kasha kanu ni, shayi shadang sha ni hte hpawn, dai mung na maigan amyu ni hta na tinang hkum hpe jahka kau ai ni nlang hte gaw,

NEHEMIA 10:29

tinang a kahpu kanau ni hte agyi salang ni hta manoi nga ma ai rai nna, Karai Kasang gaw shi a shangun ma Mawshe a lata hta ap ya ai tara hpe hkan shatup na hte, anhte a Madu Yehowa hkang da ai ga, matsun maroi ga hte madat da ai ga yawng hkan nang na mung;

NEHEMIA 13:3

Dai tara hpe na jang, shanhte gaw kayau kaya nga ai amyu masha ni hpe, Israela amyu masha ni hta na jahka kau mu ai.

NEHEMIA 13:30

Shing rai ngai gaw shanhte hpe, maigan amyu masha ni mahkra hta na jahka kau nna, hkinjawng ni hte Lewi masha ni hpe langai hte langai tinang hte seng ai amu hta san da nngai;

SHAKAWN KUNGDAWN 144:11

Masha tsasam ni a lata hta na, ngai hpe shaw la nna mawai la e; Shanhte a n-gup kaman ga tsun nga nna, Shanhte a hkra lata hkalem sha ai lata rai nga ai.

SHAKAWN KUNGDAWN 144:7

Tsaw htum ai shara kaw nna na a lata ladawn dat u; Hka kaba hte masha tsasam ni a lata na, Ngai hpe shaw la nna, mawai la e.

GA SHAGAWP 28:13

Tinang mara ip da ai wa gaw gan ga lu na, n rai; Mara tawngban nna koi kau ai wa chyawm gaw, n-gaw nwai ai hkam la na ra ai.

ESAIA 2:6

Gaja wa, nang gaw Yaku a dap ngu ai, na a amyu hpe kau da ndai: kaning rai nme law, shanhte gaw sinpraw mung na arawn alai hkan shatup let, Hpilisti masha ni zawn shaba wawt nna, tsasam masha ni a kashu kasha ni hte kanawn mazum ma ai.

YEREMIA 14:20

Yehowa e, anhte tara tawt lai ai hte, ji wa ni a shut hpyit ai hpe, anhte yin la ga ai: anhte nang hpe shut kau saga ai.

YEREMIA 3:13

Nang gaw shut hpyit nna, na a Karai Kasang Yehowa a tara tawt lai ai hte, tsit lali ai hpun shagu npu e, tsasam masha ni hte kahkrang hkawm nna, nye a nsen n madat ai hpe, yin la u, nga nna Yehowa tsun ai.

Daniela 9:20

Ya ngai ga tsun nga nna, akyu hpyi nga let, nye a yubak hpe mung, nye amyu Israela masha ni a yubak hpe mung, yin la nna, nye a Karai Kasang a chyoi pra ai bum a matu, nye a Karai Kasang Yehowa man e akyu hpyi nga yang,

HOSEA 5:7

Shanhte gaw tsasam kasha shaprat manu ai majaw, Yehowa hpe myit magaw ai hku di kau manu ai: ya chyawm gaw, shata praw shani gaw, shanhte hte shanhte a yi hkauna ni hpe, shamyit kau na ra ai.