NEHEMIA 9:1 - Jinghpaw Hanson Version Bible

¹ Ya, dai shata a hkun mali ya hta e Israela kashu kasha ni gaw lusha gam let, lachyit nba bu hpun ai hte ga nhpu hte bun nna zuphpawng nga ma ai.

Jinghpaw Common Language Bible 2009

^1-2 Dai shata a hkun mali ya shani e, Israela amyu masha ni gaw shanhte galaw shut ai yubak mara ni a majaw yawn hkyen ai hpe madun nna lusha gam na matu hpawng nga ma ai. Dai rai nna shanhte gaw maigan masha ni yawng hte jahka kau ma ai. Shanhte gaw yawn hkyen ai kumla madun na nga, lachyit nba bu hpun nna shanhte a baw ntsa hkan e ga nhpu hte bun ma ai. Dai hpang shanhte hte shanhte a kaji kawa ni shut hpyit kau ai yubak mara ni a matu, shanhte rawt tsap let mara yin la hpang wa ma ai.

NEHEMIA 9:1 Iomraidhean Croise

2 SAMUELA 1:2

masum ya ngu na shani hta, masha langai wa mi tinang a palawng gang je kau let, shi a baw e ga nhpu hte bun let, Shawlu a dap na wa nna, Dawi hpang de du jang, ga e dingnyawm dagup nawku nga ai.

2 HKAWHKAM LABAU 20:3

Dai rai nna Yehosahpat hkrit nga ai hte, Yehowa hpe hkan tam shana nna, Yuda mung ting hta lusha gam shangun mu ai.

2 HKAWHKAM LABAU 7:10

Ya, shata sanit a nhtoi hkun masum ya e shi gaw shawa masha ni hpe shabawn dat nna, Yehowa gaw Dawi hpe mung, Shawlumon hpe mung, shi a amyu Israela hpe mung, galaw dan ai ngamu ngamai lam majaw shanhte kabu gara ai hte tinang a nta sum de bai wa ma ai.

EZRA 8:21

Shaloi e, anhte a Karai Kasang man e anhte myit nem lu nna, anhte a matu mung, anhte a ma kaji ni hte anhte lu ai arung arai mahkra a matu mung, malang pyaw ai lam shi hpe akyu hpyi na matu, Ahawa hka kau e lusha gam na aten, ngai hkang da nngai,

EZRA 8:23

Shing rai anhte lusha gam let, dai lam anhte a Karai Kasang hpe akyu hpyi nga ga ai: Karai Kasang mung anhte hpe madat mara ya nga ai.

NEHEMIA 8:2

Dai rai nna hkinjawng Ezra gaw, shata sanit a shawng shani e, chye na lu ai shawa hpawng numsha lasha mahkra a man e, dai tara laika hpe la shapraw nhtawm,

ESHTA 4:16

“Sa wa su, Shushan e nga ai Yuda masha nlang hte hpe jahpawng da u; nye a matu lusha gam ya nna, shani shana masum ya tup hkum lu hkum sha myit; ngai hte nye a shingnan num ni mung, dai hte maren lusha gam na ga ai; dai hpang, tara tawt lai timung, hkawhkam hpang de ngai shang na nngai: si yang si hkam na nngai,” ngu nna ga htang dat mu ai.

ESHTA 4:3

Hkawhkam a hkang dat ai tara laika du ai mungdaw shagu hta e, Yuda masha ni gaw, lusha gam let, hkrap ngu hkrap ngoi, sharung shayawt ai hte myit yawn hkyen nga ma ai: law law wa mung, wan dap hta galu ai lachyit nba hta, kaleng taw nga ma ai.

YOBA 2:12

Shanhte gaw tsan tsan kaw nna shi hpe mu mada timung, shi hpe n chye mu ai majaw, shanhte nsen sharawt nna, hkrap ngu hkrap ngoi let, tinang hpun nba gang je kau ai hte, tinang a baw hta hkrat bun hkra, ga nhpu lamu de agat shalun ma ai.

ESAIA 22:12

Dai shani e Zaw nawng zaw wa up ai Madu Yehowa gaw, hkrap ngu hkrap ngoi ai, sharung shayawt ai, kara doi ai hte lachyit nba lawai na lam htet da timung,

YOELA 2:12

Ya rai timung, Yehowa gaw, Lusha gam let, hkrap ngu hkrap ngoi nna, sharung shayawt let, nanhte a myit masin mahkra hte ngai hpang de nhtang wa marit:

JAW JAU 23:34

Israela kashu kasha ni hpe ning ngu u: Dai shata sanit a nhtoi shi manga ya kaw nna sanit ya tup, Yehowa a matu sum poi rai nga ai.

JAW JAU 23:39

Dai hta kaga, nanhte nsi naisi shu la ai hpang, shata sanit a nhtoi shi manga ya kaw nna, sanit ya tup Yehowa a poi nanhte galaw na rai myit dai: nnan shani hte matsat ya ngu na shani hta, ban sa nga lu na rai myit dai.

YAWSHU 7:6

Shaloi Yawshu gaw shi a palawng gang je kau nna, shi hte Israela agyi salang ni gaw tinang a baw hta ga nhpu hte bun let, Yehowa a sumpu man e shana de du hkra dingnyawm dagup nga ma ai.

SHINGRAN 11:3

Bai, nye a sakse yan lahkawng hpe ngai ahkang jaw na mawe ai rai nna, shan gaw lachyit nba bu hpun let, nhtoi hkying mi ni tsa e kru shi ya tup, myihtoi htoi na mara ai.”

TARA AGYI 20:26

Dai re ai majaw Israela amyu masha ni nlang hte gaw, Betela de sa nna, Yehowa man e dung nna hkrap let shana du hkra lusha gam ma ai hte, Yehowa man e wan nat hkungga, mahku hkungga nawng ya ma ai.

1 SAMUELA 4:12

Shaloi Ben-yamin amyu masha langai mi, hpyen ginra na gat wa nna, shi a palawng gang je kau ai hte baw e ga nhpu hte bun let, dai shani jang Shilo de du wa ai.

1 SAMUELA 7:6

Shanhte mung Mizpa shara e zuphpawng nna, hka ja la nhtawm Yehowa man e ru hkaw ai hte, dai shani e lusha gam let, “Anhte Yehowa hpe shut saga ai law,” nga nna yin ma ai, Samuela mung, Mizpa shara e Israela masha ni hpe tara dara ya mu ai.