NEHEMIA 7:3 - Jinghpaw Hanson Version Bible

³ Bai ngai shanhte hpe, “Jan garai n lum yang, Yerusalem mare chyinghka ni hpe hkum hpaw da myit; chyinghka sin ai ni naw nga yang, chyinghka ni la da nna, htinggrang da mu: mare masha ni hta na sin langa tawn da nna, langai hte langai tinang sin ang ai shara hte tinang a nta tawtap a sin nga mu,” ngu nna hkang da mu ai.

Jinghpaw Common Language Bible 2009

³ Ngai gaw shanhte hpe jahpawt de jan atsawm sha rawt ai aten du hkra, Yerusalem chyinghka ni hpe n hpaw na matu mung, jan shang aten sin langa ni bungli garai n tawn da yang, dai ni hpe la nna htinggrang da na matu tsun tawn ni ai. Ngai gaw shanhte hpe Yerusalem hta nga ai amyu masha ni hta na sin langa ni hpe san da na hte shanhte hta na nkau mi lak san shara ni hta lit shatsam na hte kaga ni tinang dum nta grup grup na shara ni hpe kawan hkawm na lam tsun mawe ai.

NEHEMIA 7:3 Iomraidhean Croise

NEHEMIA 13:19

Ya laban nhtoi du magang nna nrim rim rai yang, Yerusalem mare chyinghka ni hpe la da na hte, laban nhtoi garai n lai yang, n hpaw na lam, ngai hkang da nngai: laban nhtoi hta e, hpa lit mung n jashawn lu hkra, chyinghka ni hpe sin nga na matu, nye a ali ama ni nkau mi hpe ngai tawn da nngai.

NEHEMIA 3:23

Shanhte a hpang e Ben-yamin yan Hashub gaw tinang a nta tawtap e lajang nga ma ai. Shan a hpang e Anania kashu, Maseia kasha Azaria gaw shi a nta makau e lajang nga ai.

NEHEMIA 7:2

Yerusalem mare hpe up na matu, ngai nau Hanan hte hpyen dap up ai bu Hanania hpe san da mu ai: kaning rai nme law, shi gaw kangka ai hte, masha law law hta Karai Kasang hpe grau nna hkrit hkungga nga ai.

NEHEMIA 7:4

Dai mare chyawm gaw kaba ai hte dam lada nga timung, mare masha ni n law nna, nta ni hpe garai n galaw da lu ai.

SHAKAWN KUNGDAWN 127:1

Yehowa gaw dai nta hpe n gap da yang, Nta gap da ai ni kaman sha galaw kau na mu ai: Yehowa gaw dai mare hpe n sin yang, Bau sin ai ni kaman sha sin kau na mu ai.

SHAKAWN KUNGDAWN 147:13

Na a mare chyinghka htinggrang ni hpe shi shangang da nna, Na a htingwang na nshu nsha ni hpe shaman ya nit dai.

MAHTE 10:16

Yu mu, chyahkyawn ni a ka-ang de sagu hpe zawn, ngai nanhte hpe shangun dat made ai: dai rai nna nanhte gaw; lapu zawn hpaji rawng nna, hkrudu zawn myit shingdi nga mu.