NEHEMIA 6:8 - Jinghpaw Hanson Version Bible

⁸ Ngai mahtang, “Nang tsun ai ga hkaw mi pyi n teng lit dai; na a myit hta majoi myit kau nu ai le,” ngu nna htang dat we ai.

Jinghpaw Common Language Bible 2009

⁸ Ngai gaw shi hpe ning ngu htang shana dat ni ai: “Nang tsun ai ga n teng nga lit dai. Dai yawng hpe nang nan pau tsun kau nga nit dai.”

NEHEMIA 6:8 Iomraidhean Croise

NEHEMIA 6:7

Dai rai nna, Yuda mung hta hkawhkam rai nga ai, nga nna na a lam Yerusalem mare hta hkaw dan na matu, nang myihtoi san da ndai: ya dai lam hte maren hkawhkam wa hpe shana ya na majaw, yu wa rit, anhte rau bawng yu ga, nga nna ka da nga ai.

YOBA 13:4

Nanhte chyawm gaw, masu ga chye jahta ai ni, akyu n rawng ai tsi sara ni hkrai, rai nga myit dai.

SHAKAWN KUNGDAWN 36:3

Shi a n-gup ga n hkru ai hte hkalem ai ga rai nga lu ai; Shi gaw hpaji byeng-ya hte kaja ai lailen kau da nu ai.

SHAKAWN KUNGDAWN 38:12

Nye a myit masin hpe tam ai ni, mahkam hkam nna, Ngai hpe n kaja ai maw ai ni, hkalem ai ga tsun nga ma ai: Shani tup myit magaw ai lam a daw nga ma ai.

SHAKAWN KUNGDAWN 52:2

Lau sha ai wa e, na a shinglet, Dai ai kara nhkyi zawn hten byak ai maw nga ai.

ESAIA 59:4

Dinghpring ai hku hkan nna sa shawk ai gaw, kadai n nga ai; tengman ai hku hkan nna tara dara ai gaw, kadai n nga ai: shanhte kaman lila hta shamyet shanat nna masu ga tsun ma ai; shanhte gumlau gumle hte na-um nasin rai nga nna, masu magaw shangai dat mu ai.

Daniela 11:27

Ndai hkawhkam yan gaw myit magaw ai hku maw nna, sha ku langai hta sha shada masu ai ga tsun timung, dai hku byin lu na n rai; kaning rai nme law, ndat da ai aten hta, de a jahtum rai na ra ai.”

MAHTE 12:34

Pu htum amyu ni e, nanhte n hkru nga myit dai mi, kaja ai ga kaning rai tsun lu na myit ta? kaning rai nme law, kraw hta hpring chyat nga ai kaw na, n-gup de tsun nga ai.

YAWHAN 8:44

Nanhte gaw, nanhte a kawa ngu ai, gumlau Nat hta na prat wa ai ni rai nga myit dai rai nna, nanhte a kawa a kayut ai hku mung, hkan mayu myit dai: shi gaw shawng npawt kaw nna, masha sat ai wa rai nga ai rai nna, shi hta tengman ai lam n rawng lu ai majaw, tengman ai lam hta n nga lu ai: shi masu magaw ga tsun yang, shi a myit hta na hte maren tsun nga ai: shi gaw masu ai wa rai nga ai hte, masu magaw ai a kawa mung, rai nga ai.

KASA 25:10

Pawlu chyawm gaw, “Hkawhkam Kehta a tara tingnyang man e ning ya tsap nga nngai; dawdan ai rai yang, nang e dawdan mi: nang madu atsawm sha chye nga ai hte maren, Yuda masha ni hpe ngai kachyi mi muk shut ai n rai.

KASA 25:7

Shi du jang, Yerusalem na yu wa ai Yuda masha ni gaw Pawlu a grup yin e tsap nna, sakse n madun lu ai mara kaba law law wa shi a ntsa e shagun mu ai.