NEHEMIA 6:3 - Jinghpaw Hanson Version Bible

³ Ngai mahtang, “Ngai gaw amu kaba galaw nga ai majaw, n yu wa lu nngai; nan hpang de yu wa nna, dai amu hpe hpa majaw jahkam da na rai ta?” ngu nna shan hpang de kasa nhtang shangun dat we ai.

Jinghpaw Common Language Bible 2009

³ Ngai gaw shanhte hpang de kasa ni hpe shangun dat nhtawm, “Ngai gaw ahkyak ai amu galaw nga nngai majaw dai de n lu yu wa nngai. Nanhte kaw sa hkrum na hte sha nye a bungli hpe n jahkring da lu na nngai,” ngu nna tsun dat we ai.

NEHEMIA 6:3 Iomraidhean Croise

NEHEMIA 4:13

Shing nga ma ai majaw, mare bunghku a shinggan na, nem htum ai dam lada ai shara e ri, nhtu, ndan lang ai mung masha ni hpe, tinang dap lakung hkan nna, ngai san da nngai.

NEHEMIA 6:2

Sanbalat yan Geshem gaw ngai hpang de kasa shangun dat nna, “Yu wa rit, Ono kadit na mare langai mi hta hkrum ga,” nga nna ngai hpe n hkru ai hku maw ma ai.

NEHEMIA 6:4

Shing rai mali lang du hkra ngai hpang de shangun dat nna, ngai gaw shawng na hte maren htan nme ai.

GA SHAGAWP 14:15

Nyan tang ai wa gaw na mana kam nga ai; Myit su ai wa chyawm gaw tinang sa wa ai lam gawn yu nga ai.

HPAJI NINGLI 9:10

Nang galaw ang ai amu, hpa rai timung, tsam mari galaw u; kaning rai nme law, nang yu wa na ra ai katsan ga hta e, amu bungli, maw mawn ai, chye chyang ai hte hpaji hparat hpa mung n nga ai.

MAHTE 10:16

Yu mu, chyahkyawn ni a ka-ang de sagu hpe zawn, ngai nanhte hpe shangun dat made ai: dai rai nna nanhte gaw; lapu zawn hpaji rawng nna, hkrudu zawn myit shingdi nga mu.

LUKA 14:30

‘Ndai wa gaw npawt gaw hpang nhtawm ngut hkra n di lu nu ai,’ nga nna mu ai ni yawng e jaw na mara ai.

YAWHAN 9:4

Ngai hpe shangun dat ai wa a magam amu hpe, shani nhtoi naw rai nga yang, anhte gun hpai lu na rai nga ai: kadai muk amu n gun n hpai lu ai shana ahkying du na ra ai.