NEHEMIA 5:12 - Jinghpaw Hanson Version Bible

¹² Dai rai nna shanhte gaw, “Nang tsun ai hte maren, anhte hpa mung n hpyi n la ai, nhtang ya na ga ai,” nga ma ai. Ndai ga shaka hte maren, shanhte galaw na lam, hkinjawng ni hpe dagam shangun mu ai.

Jinghpaw Common Language Bible 2009

¹² Ningbaw ni gaw, “Nang tsun ai hte maren, anhte hkan galaw na ga ai. Anhte gaw hka ni hpe n hkan lahkawn la sai sha, sut rai ni hpe nhtang jaw na ga ai,” ngu nna tsun htang ma ai. Shanhte tawn da sai ga sadi hpe shatup na nga hkinjawng ni hpe ngai shaga la ai hte shanhte a man e ningbaw ni hpe dagam shangun se ai.

NEHEMIA 5:12 Iomraidhean Croise

EZRA 10:12

Shaloi dai shawa hpung ting, nsen kaba langai sha hte htan nna, “Nang anhte hpe tsun dan ai hte maren anhte galaw na ga ai:

EZRA 10:5

Shaloi Ezra rawt nna, hkinjawng ni a agyi ni, Lewi masha ni hte Israela masha ni yawng, dai ga hte maren hkan galaw na nga, shanhte hpe dagam shangun mu ai. Shanhte mung dagam ma ai.

NEHEMIA 10:29

tinang a kahpu kanau ni hte agyi salang ni hta manoi nga ma ai rai nna, Karai Kasang gaw shi a shangun ma Mawshe a lata hta ap ya ai tara hpe hkan shatup na hte, anhte a Madu Yehowa hkang da ai ga, matsun maroi ga hte madat da ai ga yawng hkan nang na mung;

NEHEMIA 10:30

anhte a shayi sha ni hpe, mung na maigan masha ni kaw n ya sha ai hte, shanhte a shayi sha ni hpe anhte shadang sha ni a matu n hpyi la na mung;

NEHEMIA 10:31

mung na maigan masha ni gaw laban nhtoi e arung arai nai mam sa dut yang, laban nhtoi hta, shing n rai, chyoi pra ai nhtoi hta, n mari la na mung; sanit ning du shagu amu jahkam da na hte, hpa hka mung n ji la na, nga nna shanhte gaw ga sadi tawn da let dagam ma ai.

NEHEMIA 13:25

Dai rai nna, ngai shanhte hpe daru kau ai hte dagam dala kau nme ai; nkau mi hpe ngai anu kayat nna, shanhte a kara mun ni hpe baw kau ya let, “Nanhte gaw, nanhte a shayi sha ni hpe shanhte a shadang sha ni hte n ya sha nna, shanhte a shayi sha ni hpe nanhte a shadang sha ni matu mung, nanhte hkum nan a matu mung, n hpyi la na lam, nga nna Karai Kasang a amying gang let, shanhte hpe dagam shangun nngai.

NEHEMIA 5:11

Shanhte a yi hkauna ni, tsabyi sun ni, tsanlun sun ni hte dum nta ni hpe mung, shanhte kaw na lahkawn la ai gumhpraw, nai mam, tsabyi jahku, asau ni hpe mung, dai ni jang htam latsa hta htammi nhtang ya mu,” ngu mu ai.

MAHTE 26:63

Yesu mahtang atsin sha nga nga ai. Bai, hkinjawng agyi wa gaw, “Karai Kasang a Kasha, ngu ai Hkristu gaw, nang rai nga ndai kun, anhte hpe tsun dan n ga, ngu nna ahkrung nga ai Karai Kasang hta ngai nang hpe dagam da de ai,” ngu nna shi hpe tsun wu ai.

LUKA 19:8

Zake chyawm gaw rawt tsap nna, “Madu e, nye a sutrai ka-ang hkup ngai matsan mayan ni hpe karan jaw we ai: langai ngai hpe mawp sha kau ai rai yang gaw, htam mali ngai bai wa na we ai,” ngu nna Madu hpe tsun wu ai.