NEHEMIA 5:10 - Jinghpaw Hanson Version Bible

¹⁰ Ngai mung ngai hpu ngai nau ni mung, nye a mayam ni mung, shanhte hpe gumhpraw hte nai mam hkoi ya nga ai. Ning rai amyat sha ai lam kau da ga.

Jinghpaw Common Language Bible 2009

¹⁰ Ngai chyawm gaw amyu masha ni hpe ngai kaw nna gumhpraw hte nai mam hkoi la shangun mawe ai; dai rai nna, nye a manaw manang ni hte nye a matu amu galaw ya ai masha ni mung hkam la lu ma ai. Dai re ai gaw, ya anhte yawng hka hpyi hkat ai amu hpe kau da saga.

NEHEMIA 5:10 Iomraidhean Croise

NEHEMIA 10:32

Dai hta kaga anhte gaw, anhte a Karai Kasang a nta hta daw jau ai amu ngu ai, madun dan ai muk ni a matu mung,

NEHEMIA 5:11

Shanhte a yi hkauna ni, tsabyi sun ni, tsanlun sun ni hte dum nta ni hpe mung, shanhte kaw na lahkawn la ai gumhpraw, nai mam, tsabyi jahku, asau ni hpe mung, dai ni jang htam latsa hta htammi nhtang ya mu,” ngu mu ai.

NEHEMIA 5:7

ngai hkrai myit sumru yu nhtawm, agyi salang ni hte du ni hpe shaga nna, “Nanhte gaw hpunau shada amyat sha nga myit hka,” ngu nna shanhte hpe daru mu ai, Bai, shanhte hpang maga shawa hpawng kaba ngai shaga la nna,

NEHEMIA 5:9

Bai ngai gaw, “Nanhte galaw ai lam n mai nga ai: anhte hpe hpyen ai maigan masha ni a man e, anhte a Karai Kasang hpe hkrit hkungga ai myit hte, mai hkawm nga ai, n rai ni?

SHAKAWN KUNGDAWN 15:5

Tinang a gumhpraw hpe ladu lai ai amyat hte n hkoi, Mara n kap ai wa a jaw e sake manawn n la ai wa gaw, Ndai galaw let, galoi mung shamu shamawt hkrum na n rai.

ESAIA 58:6

N rai law: tara n lang ai wa a sumri hpe raw kau na hte, kandang a sumri ni hpe raw kau nna, zingri zingrat hkrum ai wa hpe dat dat na hte, kandang yawng hpe agrawp kau nhtawm,

EZEKELA 18:13

amyat hte gumhpraw hkoi ya ai hte, law htam na matu bai ya ai wa rai yang, dai wa gaw hkrung nga na kun? Shi hkrung nga na n rai; ndai matsat shabat amu ni hpe galaw ai majaw, shi teng teng si na ra ai: shi a asai gaw shi a ntsa e mara na ra ai.”

EZEKELA 18:7

kadai hpe mung n zingri, tang da ai arai, madu hpe bai hkin ya, kashun kashe ai amu n galaw, kawsi hkrum ai wa hpe shat jaw, hpun palawng n lu ai wa hpe shabu shahpun nna;

EZEKELA 18:8

amyat hte gumhpraw n hkoi, law htam na matu arai n boi, n hkru ai amu hta n lawm, masha wa a lapran e tengman ai hku tara dara let,

MIHKA 2:1

Tinang a yup ku ntsa e n kaja ai hku maw nna, n hkru ai lam galaw ai ni gaw, dingnye lu ma ai: shanhte gaw tinang a lata hta ahkang aya lu ai majaw, jahpawt nhtoi htoi jang, dai lam shabyin ma ai.

2 KORINHTU 5:11

Dai rai nna, dai Madu a hkrit kang hpa hpe chye ga ai majaw, anhte masha ni hpe madun shadik nga ga ai; Karai Kasang a man e chyawm gaw, anhte dan dan leng leng rai nga ga ai; nanhte a myit masin a man e mung, anhte dan leng nga ga ai, ngai nawn nga nngai.

2 KORINHTU 5:20

Dai re ai majaw Karai Kasang gaw anhte a lata e shadum jahprang nga ai zawn, Hkristu a lam htinglet ya ai kasa ni anhte rai nga ga ai; Karai Kasang hte htinglu htinglai mu, ngu nna Hkristu a jaw e anhte hpyi nem ga ai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

TARA JAHPRANG 15:2

Raw dat lam ngu ai gaw ndai rai nga ai: htingbu manang wa hpe arai hkoi ya ai hka madu kadai mung, ahka dai hpe raw dat lu na rai nga ai; Yehowa a raw dat ningdaw rai nga ai majaw htingbu manang kaw na mung, hpunau wa kaw na mung, ji la lu na n rai.