NEHEMIA 4:21 - Jinghpaw Hanson Version Bible

²¹ Shing rai anhte gaw ndai amu shachyen nga nna, masha ka-ang hkup gaw, nhtoi htoi ai kaw nna, shagan pru ai aten du hkra, ri nhtu ni lang nga ma ai.

Jinghpaw Common Language Bible 2009

²¹ Dai re ai majaw shani shagu nhtoi htoi ai aten kaw nna shana shagan pru ai aten du hkra, anhte hta na ka-ang hkup bunghku ntsa e amu galaw nna, ngam ai ka-ang hkup gaw nri lang let sin nga ma ai.

NEHEMIA 4:21 Iomraidhean Croise

NEHEMIA 4:20

Dai rai nna, gara shara na rai tim pahtau dum ai nsen na yang, anhte hpang de wa hpawng marit: anhte a Karai Kasang gaw anhte a matu gasat na ra ai,” ngu nna tsun nngai.

NEHEMIA 4:22

Dai hta kaga ngai gaw, “Masha ni gaw shana aten e anhte a matu sin langa tai na hte, shani e amu galaw lu hkra, langai hte langai tinang a mayam ni hte Yerusalem mare kata e shanu nga mu ga,” ngu nna mung masha ni hpe ngai tsun nngai.

1 KORINHTU 15:10

Rai timung, ngai rai nga nngai hte maren, Karai Kasang a chyeju majaw ngai rai nga nngai; ngai hkam la ai shi a chyeju gaw, ngai hta e kaman lila n rai nga ai sha, shanhte nlang hte hta ngai grau nna bungli gun hpai nngai; dai gaw ngai n rai, ngai hte rau anga nga ai Karai Kasang a chyeju sha rai nga ai.

1 KORINHTU 15:58

Dai re ai majaw ngai tsaw ngai ra ai hpunau e, nanhte gun hpai ai amu gaw dai Madu hta e kaman lila n rai nga ai dum chye nga let, ngang ngang kang kang, dakring dalang nga nga nna, dai Madu a bungli hta tutnawng e tsam mari shakut sharang nga nga mu law.

GALATI 6:9

Kaja ai amu galaw na, anhte n hki n sang nga ga: kaning rai nme law, anhte myit n yaw ga yang gaw, aten ladaw du jang, anhte dan la na ra ga ai.

KOLOSE 1:29

Shing rai byin lu hkra, ngai hta tsam mari shachyen ai wa a bungli galaw ai hku hte maren, ngai mung bungli galaw ai hta shaja nga nngai.