NEHEMIA 4:2 - Jinghpaw Hanson Version Bible

² Shi a kahpu kanau ni hte Samari hpyen masha ni a man e, shi gaw, “Ndai n-gun kya ai Yuda masha ni hpa galaw nga ma ta? tinang shara hpe shangang da na rai kun? hkungga nawng ya na rai kun? lani jan hta sha shangut na rai kun? hkru hkat mat ai nlung ni hpe shanut shanaw sumpum na jahkrung shapraw lu na rai kun? nga nna tsun ai.

Jinghpaw Common Language Bible 2009

² Shi gaw shi a manaw manang ni hte Samari hpyen hpung ni hpe, “Ndai matsan mayan re ai Yuda masha ni shanhte galaw nga ai amu hpe hpa baw zawn nawn nga ma ai kun? Shanhte gaw mare bai gaw gap na matu yaw ma ai kun? Shanhte gaw shagu hkungga ni hpe nawng ya let lani jan hta sha galaw shangut lu na zawn myit nawn da nga ma ai kun? Shanhte gaw hkru mat sai nlung shingyun sumpum ni hta na nlung ni hte kaning rai gaw gap lu na rai ma ta?,” ngu nna tsun wu ai.

NEHEMIA 4:2 Iomraidhean Croise

EZRA 4:4

Dai rai nna mung masha ni gaw, Yuda masha ni hpe hkap shatsang nna, galaw ai amu hta n-gun yawm shangun mu ai:

NEHEMIA 12:27

Ya Yerusalem a mare bunghku hpe Karai Kasang hpe ap ya ai shaloi jang, ap ya ai poi hta, kabu gara ai hte chyeju dum let, mahkawn mangoi nna, shupsheng, doria, hte tingse dum na matu, shara shagu hkan nga ai Lewi masha ni hpe tam nna, Yerusalem de woi lung wa mu ai.

NEHEMIA 12:43

Dai shani jang shanhte gaw grai kaba ai shagu hkungga ni nawng ya nna, Karai Kasang shanhte hpe ja ja kabu shangun ai majaw, shanhte gaw kabu gara nga ma ai: kasha kanu ni hte kashu kasha ni mung kabu gara nga ma ai rai nna, Yerusalem a kabu gara ai gaw, tsan tsan kaw nna na lu ma ai.

NEHEMIA 4:10

Yuda masha ni mung, lit gun hpai ai ni n-gun yawm wa ai hte shanut shanaw grai law nga ai majaw, mare bunghku hpe n kum lu saga ai, nga ma ai.

NEHEMIA 6:15

Shing rai nhtoi manga shi lahkawng ya na yang, bunghku gaw Elula shata hkun manga ya e ngut wa sai.

SHAKAWN KUNGDAWN 83:4

Shanhte gaw, “sa marit, amyu ni hta na, shanhte hpe tsan kau gaw; Israela amying hpe htawm hpang de kadai mung n dum mu ga,” nga nna tsun ma ai.

Daniela 9:25

Dai re ai majaw ndai lam chye matsing u: Yerusalem mare hpe bai de shagrin da na ga pru ai shani kaw nna, du ngu ai, namman chya hkam ai wa prat du hkra, nhtoi bat sanit na na ra ai: dai mare gaw ru tsang hkrum ai aten laman e, mare lam ni hte kaduk bai galaw htu ai, nhtoi bat kru shi lahkawng na na ra ai.

HABAKU 3:2

Yehowa e, ngai na a lam shiga na nna hkrit nga nngai; Yehowa e, ndai shaning laman e, na amu hpe bai shapraw u; Ndai shaning laman e, ndai hpe shadan dat u: Pawt sindawng timung, matsan dum ai lam dum u.

ZEHKARIA 12:8

Dai shani e, Yehowa gaw, Yerusalem masha ni hpe makawp maga na ra ai; shanhte hta n-gun n ja ai wa gaw, dai shaloi e Dawi zawn tai na ra ai; Dawi a dap gaw, Karai Kasang zawn, rai sa, shanhte a shawng e langang sa ai Yehowa a lamu kasa zawn, tai na ra ai.

ZEHKARIA 4:10

Kaning rai nme law, amu kaji shabyin ai nhtoi hta, n kaw n law di ai, kadai wa rai ta? Zerubabela lata hta dai shadawn sumri lang nga ai hpe, shanhte mu jang, ndai sanit kabu na mara ai; dai pyengdin sanit chyawm gaw mungkan ting hta hproi gat ai Yehowa a myi rai nga ai, nga ai.”

1 KORINHTU 1:27

Nsoi nsa rawng marawng gaw Karai Kasang a man e gumrawng gumtawng shara n nga u ga, hpaji byeng-ya rawng ai ni hpe kaya kahpa jahkrum mu ga, mungkan ga a angawk angak re ai hpe Karai Kasang lata la wu ai;