NEHEMIA 2:4 - Jinghpaw Hanson Version Bible

⁴ Shaloi hkawhkam wa gaw, “nang hpa tam nga n ta?” ngu wu yang, ngai gaw, “Sumsing lamu na Karai Kasang hpe hpyi nngai.

Jinghpaw Common Language Bible 2009

⁴ Hkawseng wa gaw, “Nang hpa baw ra sharawng n ta?,” ngu nna san wu ai. Ngai gaw sumsing lamu a Karai Kasang kaw akyu hpyi nngai,

NEHEMIA 2:4 Iomraidhean Croise

2 SAMUELA 15:31

masha langai mi mung Dawi hpe, “Absalom hte gumlau lawm ai hpung hta Ahihtohpela mung lawm ai,” ngu nna shana ya wu yang, Dawi gaw, “Yehowa e, Ahihtohpela daw ya ai hpaji hpe shangawk kau ya u,” ngu nna hpyi wu ai.

1 HKAWHKAM 3:5

Gibeon shara e Yehowa gaw shana e yup mang hta Shawlumon kaw dan pru ai rai nna, Karai Kasang gaw, “Ngai nang hpe hpa jaw na hpyi e,” ngu wu ai.

NEHEMIA 1:11

Madu e, na a mying nsang hpe hkrit hkungga ai, na a mayam wa hte, na a mayam kaga ni a akyu hpyi ai ga hpe madat mara nga u law; na a mayam wa hpe dai ni shaman ya nna, ndai hkawhkam wa a man e, myi man pa shangun e law, ngu nna hpyi wu ai. Ngai chyawm gaw hkawhkam wa a tsabyi jau ai wa rai nga nngai.

NEHEMIA 1:4

Ngai chyawm gaw dai ga na jang, dung nga nna, nhtoi tsawmra wa mi hkrap ngu hkrap ngoi, sharung shayawt ai hte, lusha gam let, sumsing lamu na Karai Kasang hpe akyu hpyi nga nngai;

NEHEMIA 1:5

Shing rai ngai gaw, sumsing lamu na Karai Kasang Yehowa e; nang hpe tsawra nna, na a hkang da ai ga hkan nang ai ni hpe, ga shaka tawn da ai hte n-gaw nwai ai myit madun ai, galu kaba ai hte hkrit mai ai Karai Kasang e:

NEHEMIA 2:20

Ngai mahtang, “Sumsing lamu na Karai Kasang, anhte hpe lanu lahku ya na mi ai; dai re ai majaw, anhte, shi a mayam ni, rawt nna galaw na ga ai: nanhte chyawm gaw Yerusalem mare hta sali wunli, arung arai, masat dingsat n lu myit dai,” ngu nna shanhte hpe htan mu ai.

NEHEMIA 2:5

Shing rai ngai gaw hkawhkam wa hpe, hkawhkam wa myit hkrum ai hte, na a mayam wa na a man e myi man pa a yang gaw, nye ji wa ni a lup hpe lajang de da na matu, de a mare, Yuda mung de, ngai hpe bai shabawn dat e law,” ngu we ai.

ESHTA 5:3

Shaloi hkawhkam wa gaw, “Hkawhkam jan Eshta e, nang hpa ra n ta? hpa hpyi mayu n ta? nye a mungdan chyen mi du hkra jaw na de ai,” ngu nna shi hpe tsun wu ai.

ESHTA 5:6

Ya hkawhkam wa gaw poi tsabyi lu nga yang, Eshta hpe, “Nang hpa hpyi n ta? nang hpe jaw na de ai: nang hpa tam n ta? mungdan chyen mi du hkra, ap ya na de ai,” ngu wu ai.

ESHTA 7:2

Ya ni ni shani na tsabyi lu ai poi hta hkawhkam wa gaw Eshta hpe, “Hkawhkam jan Eshta e, nang hpa hpyi n ta? nang hpe jaw na de ai; nang hpa tam n ta? mungdan chyen mi du hkra ap ya na de ai,” ngu nna bai tsun wu ai.

SHAKAWN KUNGDAWN 136:26

Sumsing lamu na Karai Wa hpe shakawn kungdawn mu, Shi a chyeju htani htana agrin nga ai.

GA SHAGAWP 3:6

Lam shagu hta shi hpe adum nga u, Shing rai yang, shi na a lam shading na ra ai.

MARKU 10:51

Shaloi Yesu shi hpe ga tsun nna, “Ngai nang hpe hpa di ya na, nang ra n ta?” ngu wu ai. Myi kyaw ai wa gaw, “Rabunai e, nye myi mu li ga law,” ngu nna shi hpe tsun wu ai.

KASA 23:19

Shaloi hpyen du kaba gaw shi a lata dun nna, shim ai shara de shi e woi bang nhtawm, “Nang ngai hpe hpa tsun mayu n ta?” ngu nna lagyim san yu wu ai.

HPILIPI 4:6

Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu.