NEHEMIA 2:10 - Jinghpaw Hanson Version Bible

¹⁰ Shing rai, Israela kashu kasha ni hpe lanu lahku ya na nga, masha langai mi sa wa ai lam, Horoni masha Sanbalat hte, mayam rai nga ai Ammon masha Tobia na mu yang, shan gaw nachying myit n pyaw nga ma ai.

Jinghpaw Common Language Bible 2009

¹⁰ Rai ti mung, Israela amyu masha ni a matu mai kaja ai amu galaw na marai langai mi sa wa sai lam, Bet Horon mare na Sanbalat hte Amon mungdaw a du Tobia yan na ma ai shaloi, shan nachying masin pawt nga ma ai.

NEHEMIA 2:10 Iomraidhean Croise

NEHEMIA 13:1

Dai shani e shanhte gaw Mawshe a laika hpe, mung masha ni a man e hti dan mu ai: dai laika hta, Ammon hte Moba masha ni gaw, Karai Kasang a shawa hpawng hta tutnawng lawm na ahkang n nga ai lam, mu hkrup nga ai.

NEHEMIA 13:28

Ya hkinjawng agyi Eliasheb a kasha Yoiada a shadang sha langai mi gaw, Horoni masha Sanbalat a kahkri rai nga ai majaw, ngai shi hpe shachyut kau nngai.

NEHEMIA 13:4

Dai lam galaw timung, anhte a Karai Kasang a nta gawk ni sin ai hkinjawng Eliaship gaw, Tobia hte kanawn manang daw ai majaw, shi a matu gawk kaba lajang da wu ai:

NEHEMIA 2:19

Ya, Horoni masha Sanbalat, mayam rai nga ai Ammon masha Tobia hte Arabi masha Geshem hte gaw dai lam na jang, shanhte asawng asang mani let anhte hpe roi nna, “Nanhte galaw ai lam hpa rai ta? Hkawhkam wa hpe gumlau na myit ni?” ngu nna tsun mi ai.

NEHEMIA 4:7

Dai hpang, Yerusalem a bunghku kum ai byin wa ai hte, de a waw malawng mat ai hpe pat shachyip kau ai lam, Sanbalat, Tobia, Arabi masha ni, Ammon masha ni hte Ashdod masha ni na ma yang, shanhte ja ja pawt bu nga ma ai rai nna,

NEHEMIA 6:1

Ya, dai aten e pyi, ngai gaw mare chyinghka ni hpe garai n noi da timung, mare bunghku ni ngut wa ai hte, waw malawng ai shara ni chyip wa ai lam, Sanbalat, Tobia, Arabi masha Geshem hte anhte hpe hpyen ai kaga ni na ma yang,

NEHEMIA 6:16

Anhte hpe hpyen ai ni dai lam na ma yang, grup yin na amyu masha ni yawng hkrit kaya ai hte, ndai amu gaw anhte a Karai Kasang kaw na rai nga ai hpe, chye mu ai majaw, myi man grai sum ma ai.

ESHTA 10:3

Kaning rai nme law, Yuda masha Mordehkai gaw, hkawhkam Ahasuru a malai rai nga nna, Yuda masha ni hta shi galu kaba nga ai hte, shi a kahpu kanau ni law malaw gaw shi hpe yin la nna, shi gaw, shi a amyu masha ni a ngamu ngamai lam tam let, kashu kasha ni mahkra hpe ngwipyaw ga tsun mu ai.

SHAKAWN KUNGDAWN 112:10

Tara n lang ai wa gaw dai hpe mu nna manawn nga ai; Wa utik let shi nga nna, byawng mat wa na ra ai. Tara n lang ai ni a ra ai hku hten mat na ra ai.

GA SHAGAWP 27:4

Myit kahtet ai gaw n hkru nga ai, pawt sindawng ai gaw, ladu lai chye nga ai; Nsu nnawn hpe chyawm gaw, kadai dang kau lu a ta?

GA SHAGAWP 30:22

Dai gaw, du tai ai mayam, Hkru hkru sha lu ai angawk wa,

HPAJI NINGLI 10:7

Mayam ni gaw gumra jawn, du ni gaw mayam zawn lagaw hte hkawm nga ma ai, ngai mu nngai.

ESAIA 15:5

Nye a myit masin mung Moba matu hkrap nga ai; hprawng gat ai ni gaw Zoara hte Eglat-shelishe de hprawng wa ma ai, shanhte myi prwi pru let, Luhit lam de lung wa ma ai; hten byak hkrum ai majaw, hkrap shabam let, Horona-im lam de hkawm wa ma ai.

YEREMIA 41:10

Shaloi Nehtania kasha Ishmaela gaw, Ahikam a kasha Gedalia a lata hta, sin langa ni a hpyen du Nebuzaradan ap kau ai, hkawhkam shayi sha ni hte Mizpa mare e naw ngam nga ai mung masha ni mahkra hpe rim woi wa nna, Ammon kashu kasha ni hpang de sa wa na maw nga ai.

YEREMIA 48:34

Heshbon kaw nna Eleale hte Yahaza du hkra, Zora kaw nna Horona-im hte Eglat-shelishe du hkra, shanhte a shabam ai nsen ngoi nga ai: kaning rai nme law, Nimrim hka lawng ni mung katsi katsang rai mat sai.

YEREMIA 48:5

Shanhte gaw myi prwi tut tut pru let Luhit lam de lung wa ma ai; Horona-im kadawng e yu wa ma yang, hten byak hkrum ai hkrap ngu hkrap ngoi ai nsen hpe shanhte na ma ai.

KASA 4:2

shawa masha ni hpe sharin shaga nga let, Yesu a marang e si mat sai ni bai hkrung rawt wa na lam tsun ma ai majaw, shanhte grai myit ru da mu ai rai nna,

KASA 5:24

nawku Htingnu agyi wa hte hkinjawng agyi ni dai ga na jang, ndai lam hpa byin ai rai wa sai kun, nga nna grai myit ru ma ai.