NEHEMIA 13:15 - Jinghpaw Hanson Version Bible

¹⁵ Dai aten e, Yuda mung hta nkau mi gaw, laban nhtoi e tsabyi htumbyen kabye ai hte, hkauling lahkawn nna lawze htaw nga ai mung, tsabyi jahku tsabyi si lakum si hte dut rai amyu myu htaw let, laban nhtoi hta Yerusalem e jashawn ai mung, ngai mu nngai: shanhte ning rai shahpa dut sha ai nhtoi hta ngai shanhte hpe shadum jahprang nngai.

Jinghpaw Common Language Bible 2009

¹⁵ Dai aten, Yuda mung hta Bansa Nhtoi e sabyi htumbyen kabye ai hpe mung, kaga ni mung nsi naisi, sabyi ntsin, sabyi si, maihpang si hte kaga arung arai ni hpe shanhte a lawze ni hta htaw let Yerusalem mare de yu wa nga ma ai hpe mung ngai mu nngai. Ngai gaw shanhte hpe Bansa Nhtoi hta arai hpa mung n dut na matu sadi jaw ni ai.

NEHEMIA 13:15 Iomraidhean Croise

2 HKAWHKAM LABAU 24:19

Rai timung, shanhte gaw Yehowa hpang de kayin wa mu ga, myihtoi ni hpe shi shangun dat nna, shanthe gaw sakse hkam ma timung, shanhte madat ma ai n rai.

NEHEMIA 10:31

mung na maigan masha ni gaw laban nhtoi e arung arai nai mam sa dut yang, laban nhtoi hta, shing n rai, chyoi pra ai nhtoi hta, n mari la na mung; sanit ning du shagu amu jahkam da na hte, hpa hka mung n ji la na, nga nna shanhte gaw ga sadi tawn da let dagam ma ai.

NEHEMIA 10:32

Dai hta kaga anhte gaw, anhte a Karai Kasang a nta hta daw jau ai amu ngu ai, madun dan ai muk ni a matu mung,

NEHEMIA 13:16

Dai hta kaga, Turu masha mung nga nga nna, shanhte gaw laban nhtoi hta e anga hte arai amyu myu jashawn nna, Yuda hte Yerusalem masha ni hpe dut jaw mu ai.

NEHEMIA 13:21

Dai rai nna ngai gaw, “Nanhte hpa majaw bunghku shinggan e but nga myit ta? ning rai bai galaw yang, ngai nanhte hpe rim ari jaw na made ai,” ngu nna shanhte hpe daru kau nme ai majaw, dai aten kaw nna laban nhtoi hta n sa mat ma ai.

NEHEMIA 9:29

Na a tara de shanhte kayin wa lu hkra, nang shanhte hpe shadum jahprang timung, shanhte gumrawng ai hku galaw nna, na a hkang da ai ga ni hpe n madat ma ai; asak jahkrung ya chye ai, na a matsun maroi ga ni hpe, shanhte tawt lai ai hte, myit magaw nna du ja nga let, hpa mung n madat ma ai.

YOBA 39:12

Na a mam hpe chyarang hta shinggyin la nna, na a dum hta mahkawng da na nang shi hpe kam nni?

SHAKAWN KUNGDAWN 50:7

“Nye a amyu e, madat u, ngai ga tsun na nngai, Israela e, ngai nang hpe sakse jaw de ga: Ngai gaw Karai Kasang, na a Karai Kasang rai nga nngai.

PRU MAT 31:12

Bai Yehowa Mawshe hpe shaga tsun wu ai gaw,

PRU MAT 31:16

Dai re ai majaw Israela kashu kasha ni prat mi hte prat mi na, htani htana ga shaka tai nga na matu, dai laban nhtoi hpe tut shanang hkan nga lu na rai ma ai.

PRU MAT 34:21

“Kru ya tup amu bungli nang galaw shaja nna sanit ya ngu na nhtoi hta ban sa lu na rai ndai: mam dat nai dat ta e rai timung, nmut ta rai timung ban sa lu na rai ndai.

PRU MAT 35:2

Kru ya tup amu bungli nang galaw shachyen lu na rai ndai; sanit ya ngu na nhtoi gaw, nanhte hta chyoi pra ai shani, Yehowa matu ban sa nga lu na laban nhtoi kaba rai nga ai; dai nhtoi hta amu bungli galaw ai wa gaw si ai hkrum lu na rai nga ai.

GA SHAGAWP 28:4

Tara hpe kau da ai ni gaw, tara n lang ai ni hpe shakawn ma ai; Tara hpe hkan nang ai ni chyawm gaw, shanhte hte dangrang hkat ma ai.

ESAIA 58:13

Nang gaw laban nhtoi hpe awu asin n di kau ai hte, nye a chyoi pra ai nhtoi hta, nang ra ai hku n hkan ai sha, laban nhtoi gaw ngwipyaw ai nhtoi, Yehowa matu chyoi pra ai shani, arawng lu ai nhtoi, nga nna shamying nhtawm, dai hpe hkungga lara let, na a amu bungli n galaw ai hte, nang ra ai hku n hkan, nang hte seng ai ga n tsun nga ai, rai yang gaw

YEREMIA 17:24

Yehowa ning nga ai: Nanhte gaw nye a ga gaja wa madat mara nna, laban nhtoi hta ndai mare a chyinghka lam hku lit n jashawn ai hte, amu bungli n galaw hkra, laban nhtoi hpe shachyoi shapra nga myit yang gaw, Dawi tingnyang hta dung ai hkawhkam ni hte du salang ni, ndai mare chyinghka hku shang lu na mara ai; shanhte mung, tinang a ali ama ni mung, Yuda mung hte Yerusalem mare masha ni mung, leng hte gumra jawn let, shang lu nna, dai mare gaw, prat dingsa e grin nga na ra ai.

YEREMIA 17:27

Rai timung nanhte gaw nye a ga n madat ai hte, laban nhtoi hpe n shachyoi shapra ai; dai nhtoi e Yerusalem mare chyinghka ni hta lit gun hpai jashawn nga ai rai yang gaw, dai mare chyinghka ni hpe ngai wan nat nna, dai wan gaw n krip ai, Yerusalem htingnu ni hpe hkru kau na ra ai, nga ai.

YEREMIA 42:19

Naw ngam nga ai Yuda amyu masha ni e, Egutu mung de hkum yu wa myit, nga nna nanhte a lam Yehowa tsun nga sai; ngai dai ni nanhte hpe sakse hkam nga nngai, teng teng dum nga mu.

EZEKELA 20:13

Rai timung, Israela dap gaw nam mali hkan e ngai hpe gumlau nga ai: shanhte gaw nye a matsun maroi ga hpe n hkan, nye a tara dara ai lam hpe kau da ma ai: dai lam ni chyawm gaw hkan nang ai wa a hkrung nga na lam rai nga ai; nye a laban nhtoi ni hpe mung shanhte grau awu asin di kau mu ai. Dai rai nna, shanhte hpe shamyit kau na matu, nye a pawt bu ai hpe, nam mali hkan e shanhte a ntsa e ru dat na, ngai tsun nngai.

AMO LAIKA (AMOS) 8:5

dang hpe kaji, joi hpe kaba shangun nna, maw sha map sha let, Anhte mam dut lu na, shata praw hkaulan mam dut lu na, laban nhtoi lau lai u ga, nga nna tsun let,

MIHKA 6:3

Nye a amyu e, ngai nang hpe hpa galaw yu n ta? nang hpe kaning di jahki shaba yu n ta? ngai hpe htan ya e.

KASA 2:40

Ga kaga law law hte mung shi sakse hkam nna, “Ndai myit magaw ai amyu hta na lawt pru myit ga law,” ngu nna shanhte hpe shadum jahprang wu ai.

KASA 20:21

Yuda masha hte Heleni masha hpe, Karai Kasang a man na myit malai lam hte, anhte a Madu Yesu a makam masham lam sakse hkam let, ngai shaja nga nngai gaw, nanhte nan chye nga myit dai.

GALATI 5:3

Dai hta n-ga, matu gadoi hkam ai wa gaw, jep ai tara nlang hte hpe shatup la na ra ai, ngu nna matu gadoi hkam ai masha yawng hte hpe, ngai sakse bai hkam nga nngai.

EHPESU 4:17

Dai rai nna, dai Madu a ahkang hte ndai lam ngai tsun nna sakse hkam nngai: maigan masha ni gaw tinang a kaman lila myit hte hkawm nga ma ai hte maren, nanhte gaw naw hkum hkawm nga myit:

TARA JAHPRANG 8:19

Na a Karai Kasang Yehowa hpe nang malap kau nhtawm, hpara shaje ni kaw kasawt nna nawku jaw jau rai wa nit yang gaw, nanhte teng teng hten bya ai kaw du na manit dai, nga nna dai ni nanhte a lam ngai sakse hkam da se ai.

1 HTESALONI 4:6

Anhte shawng e nanhte hpe tsun dan nna sakse hkam ya made ai hte maren, Karai Kasang gaw ndai lam yawng hte a matai dawp ai wa rai nga ai.