NEHEMIA 13:12 - Jinghpaw Hanson Version Bible

¹² Shaloi Yuda masha ni yawng, nai mam, tsabyi jahku, sau, htamshi hta htammi, sutdek hta sa bang da ma ai.

Jinghpaw Common Language Bible 2009

¹² Israela amyu masha yawng mayawng hte mung Nawku Htingnu sut gawk ni de nai mam nsi naisi htam shi hta na htam mi, sabyi ntsin hte tsanlun sau re ai ni hpe bai la sa shajang ma ai.

NEHEMIA 13:12 Iomraidhean Croise

2 HKAWHKAM LABAU 31:4

Bai shi gaw, hkinjawng ni hte Lewi masha ni gaw, Yehowa a tara hpe sharin achyin ya lu na matu, shanthe hte seng ai daw mi jaw na lam, Yerusalem e nga ai ni hpe hkang dat mu ai.

2 HKAWHKAM LABAU 31:5

Israela kashu kasha ni dai ga hpe na ma yang, shanhte gaw shawng ngai ai nai mam, tsabyi jahku nnan, sau lagat jahku hte yi hkauna hkai nmai shagu hpe n daw n hta jaw mu ai hte, arai yawng hta na htamshi hta htammi, law law wa jaw da mu ai.

NEHEMIA 12:44

Shaloi hkinjawng ni hte Lewi masha ni gaw, daw jau ai amu hpe gun hpai nga ma ai majaw, Yuda masha ni kabu gara nga ma ai rai nna, hkinjawng ni hte Lewi masha ni mare ni kaw na hkam la ang ai, shawng ngai ai nsi naisi hte nwat hkungga ni hte htamshi hta htammi lahkawn la nna mahkawng da ai sutdek hpe up na matu, shanhte gaw dai ni jang up ai masha ni hpe san da mu ai.

JAW JAU 27:30

Nai mam rai timung, namsi namsaw rai timung, ga hta nna ngai ai nsi naisi yawng a htamshi hta htammi gaw, Yehowa a jahkawn rai nga ai: dai gaw Yehowa a matu chyoi pra nga ai rai nga ai.

MALAHKI 3:10

Nye a nta hta lusha rawng nga na matu, htamshi hta htammi yawng, nye a sutdek hta bang da mu: shing rai ngai gaw, sumsing lamu hkuwawt hku hpaw nna, nanhte n dang hkap la lu hkra, nanhte a ntsa e shaman ai chyeju ru bun na, n ru bun na gaw, ya dai lam ngai hpe chyam yu mi, nga nna Zaw nawng zaw wa up ai Yehowa tsun ai.

MALAHKI 3:8

Shinggyim masha gaw, Karai Kasang hpe, hpya lu hpya sha mai a ni? nanhte mahtang ngai hpe hpya lu hpya sha ma ni ai. Rai timung nanhte gaw, Anhte nang hpe kaning rai hpya lu hpya sha ga ta? nga nna tsun myit dai. Htamshi hta htammi hte, nwat kumhpa n jaw ai majaw, ngai hpe hpya lu hpya sha ai, rai nga ai.

TARA JAHPRANG 14:22

Na a yi hkauna hta na shaning shanang shu la lu ai nsi naisi hpe htamshi hta htammi teng teng jahka da na rai ndai.