NEHEMIA 11:3 - Jinghpaw Hanson Version Bible

³ Da ndai gaw, Yerusalem mare hta de nga ai mungdaw du ni rai nga ma ai: Yuda mare ni hta chyawm gaw, Israela masha ni, hkinjawng ni, Lewi masha ni, Nehtinim masha ni hte Shawlumon a mayam ni a kashu kasha ni gaw, langai hte langai tinang a lamu ga dachyawk hta de nga ma ai.

Jinghpaw Common Language Bible 2009

³ Kaga mare kahtawng hkan nga ai Israela amyu masha ni, hkinjawng ni, Lewi masha ni, Nawku Htingnu amu galaw ai ni, Shawlumon a shangun ma ni a amyu matu ni chyawm gaw shanhte a sut gan shanhte a mare ni hta nga nga ma ai. Ndai gaw Yuda mungdaw Yerusalem mare hta nga ai woi awn myit su ni a jahpan rai nga ai. Zehkaria a kashu, Uzia a kasha Ahtaia. Kaga shi a kaji kawa ni rai nga ai Amaria, Shehpatia, Mahalalela, hte Yuda a kasha Peret a amyu matu ni lawm ma ai.

NEHEMIA 11:3 Iomraidhean Croise

EZRA 2:1

Da ndai gaw, Babelon hkawhkam Nebuhkadneza, Babelon mare de rim wa ai bawng dung ai ni hta na pru wa nna, Zerubabela, Yeshua, Nehemia, Seraia, Relaia, Mordehkai, Bilshan, Mispa, Biggwai, Rehum, Bana hte rau,

EZRA 2:43

Nehtinim masha ni hta na, Ziha kashu kasha ni, Hasuhpa kashu kasha ni, Tabaot a kashu kasha ni;

EZRA 2:70

Shing rai hkinjawng ni, Lewi masha ni, mung masha ni nkau mi, mahkawn mangoi chye ai ni, chyinghka sin ai ni hte Nehtinim masha ni gaw, tinang a mare ni hta mung, Israela masha ni yawng, tinang a mare ni hta mung, nga nga ma ai.

NEHEMIA 11:20

Naw ngam nga ai, Israela masha ni, hkinjawng ni, Lewi masha ni gaw, Yuda mare ni hta, tinang hte seng ai lamu ga sali wunli hta, de nga ma ai.

NEHEMIA 11:4

Ya, Yerusalem mare hta e Yuda kashu kasha ni nkau mi mung, Ben-yamin a kashu kasha ni nkau mi mung de nga ma ai: Yuda amyu, Paret dap na, Mahalela, Shehpati, Amaria, Zehkaria, Uzia hta na hkrat ai Ahtaia;

NEHEMIA 7:39

Bai, hkinjawng ni hta, Yeshua dap lakung na Yedaia kashu kasha ni gaw, jahku tsa e sanit shi masum;

NEHEMIA 7:43

Bai, Lewi masha ni hta, Hodewa dap lakung na Yeshua yan Kadmiela kashu kasha ni gaw, sanit shi mali;

NEHEMIA 7:46

Bai, Nehtinim masha ni hta na, Ziha kashu kasha ni; Hasuhpa kashu kasha ni; Tobaot kashu kasha ni;

NEHEMIA 7:6

Da ndai gaw Babelon hkawhkam Nebuhkadneza, Babelon mare de rim wa ai bawng dung ai ni hta na pru wa nna,

NEHEMIA 7:7

Zerubabela, Yeshua, Nehemia, Azaria, Ramia, Nahamani, Mordehkai, Bilshan, Misperet, Bigwai, Nehum, Bana hte rau, Yerusalem mare kaw nna Yuda mung hta langai hte langai seng ai mare de du wa ai mung masha ni a jahpan rai nga ai. Israela kashu kasha ni a jahpan nambat gaw ndai rai nga ai:

NEHEMIA 7:73

Shing rai, hkinjawng ni, Lewi masha ni, chyinghka sin ai ni, mahkawn mangoi chye ai ni, mung masha nkau mi, Nehtinim masha ni hte Israela amyu ting, tinang a mare ni hta nga nga ma ai. Ya shata sanit du ma yang, Israela kashu kasha ni gaw, tinang a mare ni hta de nga ma ai.