NEHEMIA 1:5 - Jinghpaw Hanson Version Bible

⁵ Shing rai ngai gaw, sumsing lamu na Karai Kasang Yehowa e; nang hpe tsawra nna, na a hkang da ai ga hkan nang ai ni hpe, ga shaka tawn da ai hte n-gaw nwai ai myit madun ai, galu kaba ai hte hkrit mai ai Karai Kasang e:

Jinghpaw Common Language Bible 2009

⁵ “Madu Sumsing lamu a Karai Kasang e! Nang gaw galu kaba nga ndai rai nna, anhte nang hpe hkrit kamyin nga ga ai. Nang hpe tsaw ra ai ni hte tawn da ai ga shaka hpe nang sadi sahka hte shatup ya nga ndai; nang gaw hkang da ai ga hte maren galaw ndai.

NEHEMIA 1:5 Iomraidhean Croise

1 HKAWHKAM 8:23

“Israela Karai Kasang Yehowa e, sumsing lamu lahta tang e mung, ginding aga lawu tsang e mung, nang zawn re ai Karai Kasang gaw n nga ai law; myit masin mahkra hte na a man e hkawm nga ai ali ama ni hpe nang ga shaka hku hte chyeju myit madun dan nga ndai:

1 HKAWHKAM LABAU 17:21

Ga ntsa ting hta e, na a amyu Israela hte kadai bung nga a ta? Karai Kasang gaw shi a matu amyu shatai nna, mauhpa hte hkrithpa amu galaw let, amying nsang kaba shadan dan u ga nga, Egutu mung na nang woi lung wa ai, na amyu a man na tsasam amyu ni hpe shaden kau mu ai.

EZRA 1:2

Persi hkawhkam Kuru ning nga ai: “Sumsing lamu na Karai Kasang Yehowa gaw, ga ntsa mungdan ni mahkra hpe nye a lata hta ap ya ni ai; Yuda mung na Yerusalem mare hta e, shi a matu nta langai mi galaw na, shi ngai hpe hkang da ni ai.

NEHEMIA 2:4

Shaloi hkawhkam wa gaw, “nang hpa tam nga n ta?” ngu wu yang, ngai gaw, “Sumsing lamu na Karai Kasang hpe hpyi nngai.

NEHEMIA 4:14

Bai, amu ni hpe yu hpajang ngut nhtawm, ngai rawt nna, agyi salang ni, du ni hte naw ngam nga ai mung masha ni hpe shaga la nna, “Hpyen ni hpe hkum hkrit myit, galu kaba ai hte hkrit mai ai Madu hpe dum mu; nanhte a nhpu nnau ni, shayi shadang sha ni, kasha kanu ni hte tinang nta ni a matu gasat mu,” nga nna tsun nngai.

NEHEMIA 4:8

Yerusalem mare de sa gasat na hte, kashuk kashak shabyin na nga, nlang hte gaw bawng hkrum masai.

NEHEMIA 9:32

“Dai re ai majaw, anhte a Karai Kasang, ga shaka shatup nna n-gaw nwai myit rawng ai, galu kaba ai, daru magam madun ai hte hkrit mai nga ai, Karai Kasang e, Asuri hkawhkam ni a aprat kaw nna, dai ni du hkra, anhte a ntsa e mung, anhte a hkawhkam ni, du ni, hkinjawng ni, myihtoi ni, ji wa ni hte amyu ting a ntsa e mung, du pru ai tsin-yam tsindam hte gaw, na a man e kaji nga ai zawn, n rai nga u ga.

SHAKAWN KUNGDAWN 47:2

Kaning rai nme law, Yehowa gaw, Tsaw htum ai hte hkrithpa wa rai nga ai: Mungkan ting a hkawhkam kaba mung, shi rai nga ai.

SHAKAWN KUNGDAWN 76:8

Nang gaw sumsing lamu de nna jeyang ai lam shana ya ndai; Karai Kasang gaw tara dara na hte,

SHAKAWN KUNGDAWN 89:2

Kaning rai nme law, Chyeju gaw galoi mung agrin nga ai; Na a sadi sahka hpe sumsing lamu hta e nang tawn da nga ndai, nga nna ngai a tsun nga nngai.

SHAKAWN KUNGDAWN 89:3

Nang gaw, “Ngai san da ai wa hpe ga shaka ngai tawn da nna, Nye a mayam Dawi hpe ngai dagam da se ai:

SHAKAWN KUNGDAWN 89:8

Zaw nawng zaw wa up ai Karai Kasang Yehowa e, Nang zawn n-gun rawng ai gaw, kadai wa rai nga a ta? Na a sadi sahka nang hpe shinggrup nga ai.

PRU MAT 20:6

ngai hpe tsawra nna ngai hkang da ai matsun hkan nang ai ni hpe gaw, lamun latsa prat du hkra, matsan dum ai hku a galaw nga nngai.

TARA JAHPRANG 7:12

Dai dawdan ai tara ga ni hpe nanhte hkan nang na nga, madat mara ai myit rawng myit yang gaw, na a Karai Kasang Yehowa na nji nwa ni hpe dagam da ai ga shaka hte matsan dum na lam hpe shagrin nga na ra ai:

TARA JAHPRANG 7:21

Nang hta rawng nga ai na a Karai Kasang Yehowa gaw galu kaba ai hte hkrithpa Karai Wa rai nga lit dai majaw, nang shanhte hpe hkrit ra ndai n rai.

TARA JAHPRANG 7:9

Dai rai nna, na a Karai Kasang Yehowa gaw Karai Kasang rai nga ai chye nga u: shi gaw kangka re ai Karai Wa, shi hpe tsawra ai hte shi a hkang da ai ga hkan nang ai ni hpe prat hkying mun du hkra ga shaka shagrin nga nna matsan dum ai myit madun ai Karai Wa;