NEHEMIA 1:4 - Jinghpaw Hanson Version Bible

⁴ Ngai chyawm gaw dai ga na jang, dung nga nna, nhtoi tsawmra wa mi hkrap ngu hkrap ngoi, sharung shayawt ai hte, lusha gam let, sumsing lamu na Karai Kasang hpe akyu hpyi nga nngai;

Jinghpaw Common Language Bible 2009

⁴ Ndai lam yawng hpe ngai na ai shaloi, dung let hkrap nga nngai. Ngai gaw nhtoi tsawmra mi na mat hkra sharung shayawt ai hte lusha n sha nngai. Ngai gaw Karai Kasang hpe,

NEHEMIA 1:4 Iomraidhean Croise

2 SAMUELA 12:16

Dawi mung dai ma a matu Karai Kasang kaw hpyi nem nga ai rai nna, lusha gam let, shana tup nhku kata e, ga hta kaleng taw nga ai.

2 HKAWHKAM 22:19

ndai shara hte dai hta e nga ai masha ni gaw, katsi katsang shara hte dagam dala hkrum ai amyu tai na mara ai, nga nna ngai tsun ai ga hpe nang na ai shaloi, nang myit kya nna, Yehowa a man e myit shagrit nga ai hte, na a hpun palawng hpe gang je kau nna, nye a man e hkrap ngu hkrap ngoi nga ndai majaw, ngai Yehowa nan na a ga hpe madat mara ya sade ai.

2 HKAWHKAM LABAU 6:13

ya Shawlumon gaw, galu de dawng manga, nda de dawng manga, tsaw de dawng masum re ai magri pinra galaw nna, wang ka-ang e tawn da wu ai; dai ntsa e shi lung tsap nna, Israela shawa hpawng man e lahput hput di let, shi a lata hpe lamu de ladawn nna,

EZRA 1:2

Persi hkawhkam Kuru ning nga ai: “Sumsing lamu na Karai Kasang Yehowa gaw, ga ntsa mungdan ni mahkra hpe nye a lata hta ap ya ni ai; Yuda mung na Yerusalem mare hta e, shi a matu nta langai mi galaw na, shi ngai hpe hkang da ni ai.

EZRA 10:1

Ya Ezra gaw Karai Kasang a nta ndaw e, hkum dagup nna myi prwi pru let akyu hpyi tawngban nga yang, Israela masha wunawng wuwa kaba numsha, lasha, ma kaji law law wa, shi hpang de sa hpawng nna, ja ja hkrap ngu hkrap ngoi nga ma ai.

EZRA 9:3

Dai lam hpe ngai na jang, nye a palawng hte lawai ai nba hpe ngai gang je kau nna, kara hte nhka mun ni hpe baw kau ai hte, myit mak let dung nga nngai.

EZRA 9:5

Ya shana na dumhpung hkungga jaw na aten du jang, nye a myit yawn ai kaw na ngai rawt nna, palawng hte lawai ai nba shaje hte lahput hput di let, nye a Karai Kasang Yehowa man e nye a lata ladawn nna,

NEHEMIA 2:20

Ngai mahtang, “Sumsing lamu na Karai Kasang, anhte hpe lanu lahku ya na mi ai; dai re ai majaw, anhte, shi a mayam ni, rawt nna galaw na ga ai: nanhte chyawm gaw Yerusalem mare hta sali wunli, arung arai, masat dingsat n lu myit dai,” ngu nna shanhte hpe htan mu ai.

NEHEMIA 2:4

Shaloi hkawhkam wa gaw, “nang hpa tam nga n ta?” ngu wu yang, ngai gaw, “Sumsing lamu na Karai Kasang hpe hpyi nngai.

SHAKAWN KUNGDAWN 102:15

Shaloi masha amyu ni Yehowa a amying nsang hpe, Ga ntsa hkawhkam ni nlang na a arawng sadang hpe, hkrit hkungga na mara ai.

SHAKAWN KUNGDAWN 136:26

Sumsing lamu na Karai Wa hpe shakawn kungdawn mu, Shi a chyeju htani htana agrin nga ai.

SHAKAWN KUNGDAWN 137:1

Babelon hka nu hka shi ni a makau e, anhte dung nga nna, Ziun hpe myit dum yang, hkrap nga ga ga ai.

Daniela 10:2

Ngai Daniela gaw ndai aten hta, nhtoi bat masum tup, yawn hkyen nga nngai.

Daniela 2:18

shanhte gaw, Babelon mare na hpaji rawng ai ni hte rau sat kau ai n hkrum hkra, dai makoi magap da ai lam hta, sumsing lamu na Karai Kasang kaw na, matsan dum ai chyeju lu la na matu, Daniela hte shi a kanawn manang ni akyu hpyi ma ai.

Daniela 9:3

Dai rai nna ngai gaw, lusha gam nna, lachyit nba bu hpun ai hte, wan dap galu let, Madu Karai Kasang hpe akyu hpyi nna, tawngban ai hte tam nngai.

YONA 1:9

Shi gaw, “Ngai Hebre masha rai nga nngai; nammukdara hte hkarang hpe hpan tawn da ai, sumsing lamu na Karai Kasang Yehowa hpe hkrit hkungga ai wa rai nga nngai,” ngu nna shanhte hpe htan mu ai.

ZEHPANI 3:18

Nang hte seng nna, ndat da ai poi a lam myit yawn ai ni hpe, ngai shinggyin la na nngai: shatan nhkan hkrum ai lit, shanhte a matu li la nga ai.

ROMA 12:15

Kabu gara re ai ni hte rau kabu gara nga mu; hkrap ngu hkrap ngoi re ai ni hte rau hkrap ngu hkrap ngoi nga mu.