NEHEMIA 1:3 - Jinghpaw Hanson Version Bible

³ “Shaloi shanhte gaw, bawng dung kaw na lawt nna, mungdaw ni hta ngam nga ai ni gaw, tsin-yam tsindam, shoihpa shoirang law law wa hkrum ma ai: Yerusalem a bunghku ni gaw run agrawp mat nna, mare chyinghka ni mung, hkru mat ma masai,” nga nna ngai hpe tsun ma ai.

Jinghpaw Common Language Bible 2009

³ Shanhte gaw ngai hpe naw ngam nga ai ni hte bum ga dum nta de nhtang wa nga ai ni gaw ru yak tsin-yam tsindam kaba hkrum ai hte, makau mayang hkan nga ai maigan masha ni mung shanhte hpe yu kaji nga ma ai ngu nna tsun dan ma ai. Shanhte gaw Yerusalem bunghku ni hten run mat ai hte mare chyinghka ni hkru mat sai lam tsun dan ma ai.

NEHEMIA 1:3 Iomraidhean Croise

1 HKAWHKAM 9:7

ngai Israela hpe jaw da ai mungdan hta na ngai shanhte hpe jahtum kau nna, ndai nye a amying nsang matu ngai shachyoi shapra ai nta hpe mung, ngai shinggan kau na we ai rai nna, Israela amyu gaw masha amyu baw mahkra hta abung shadawn chyai shara hte asawng shara tai na marin dai.

2 HKAWHKAM 25:10

Shi hte rau nga ai Hkalde hpyen ma ni mung, Yerusalem mare a bunghku ni hpe rum kau mu ai.

2 HKAWHKAM LABAU 36:19

Shanhte gaw Karai Kasang a nta hpe nat kau ai hte, Yerusalem mare bunghku hpe run kau nna, hkawhkam htingnu ni mahkra hpe nat kau nhtawm, de a manu hpu ai arung arai nlang hte hpe shaza kau mu ai.

EZRA 2:1

Da ndai gaw, Babelon hkawhkam Nebuhkadneza, Babelon mare de rim wa ai bawng dung ai ni hta na pru wa nna, Zerubabela, Yeshua, Nehemia, Seraia, Relaia, Mordehkai, Bilshan, Mispa, Biggwai, Rehum, Bana hte rau,

EZRA 5:8

Anhte gaw Yuda mungdaw na galu kaba re ai Karai Kasang a nta de du nna, ndai nta hpe nlung kaba hte gaw da nna, bunghku ni hta ngau mung mara da nga ai: dai amu hta shanhte shakut sharang nna, dai gaw shanhte a lata hta kaba wa nga ai gaw, hkawhkam wa chye matsing u ga.

NEHEMIA 11:3

Da ndai gaw, Yerusalem mare hta de nga ai mungdaw du ni rai nga ma ai: Yuda mare ni hta chyawm gaw, Israela masha ni, hkinjawng ni, Lewi masha ni, Nehtinim masha ni hte Shawlumon a mayam ni a kashu kasha ni gaw, langai hte langai tinang a lamu ga dachyawk hta de nga ma ai.

NEHEMIA 2:13

Shaloi ngai gaw shana aten e kadit chyinghka lam hku pru nna, baren hka htung hte maza htawm kau ai chyinghka lam du hkra, run agrawp kau ai Yerusalem mare bunghku ni hte, de a hkru mat ai chyinghka ni hpe mada yu nngai.

NEHEMIA 2:17

Dai hpang ngai shanhte hpe, “Anhte hkrum ai tsin-yam tsindam, Yerusalem mare katsi katsang rai nga ai hte, de a chyinghka ni hkru mat nga ai hpe nanhte mu manit dai: sa marit, htawm hpang e anhte aroi arip n hkrum u ga, Yerusalem bunghku ni hpe anhte sharawt ga,” ngu nna shanhte hpe tsun dan let,

NEHEMIA 2:3

Shaloi ngai gaw “hkawhkam wa hpe, hkawhkam wa gaw, tutnawng asak hkrung nga u ga; nye ji wa ni a lup rawng ai mare gaw, katsi katsang rai nga nna, bunghku chyinghka ni hkru mat sai majaw, ngai myi man n sum ai, kaning rai nga lu na rai ta?” ngu we ai.

NEHEMIA 7:6

Da ndai gaw Babelon hkawhkam Nebuhkadneza, Babelon mare de rim wa ai bawng dung ai ni hta na pru wa nna,

ESHTA 1:1

India mung kaw nna, Hkusha mung du hkra, mungdaw latsa e hkun sanit a ntsa e up ai hkawhkam Ahasuru a lakhtak e,

SHAKAWN KUNGDAWN 79:4

Anhte a htingbu ni a man e shatan nhkan ai, Grup yin e nga ai ni a man e, roi nga ai hte Asawng asang re ai, anhte hkrum nga ga ai.

GA SHAGAWP 25:28

Tinang myit hpe n dip lu ai wa gaw, Bunghku run nna, asan brang lang re ai mare hte bung nga ai.

ESAIA 43:28

Dai re ai majaw Chyoi pra ai shara na du ni hpe, ngai awu asin di kau se ai; Yaku hpe dagam dala, Israela hpe shatan nhkan shara, ngai shatai kau se ai.

ESAIA 5:5

Ya nye a tsabyi sun hta ngai galaw na lam ngai nanhte hpe tsun dan made ga: de a nhpan hpe ngai run kau nna, masha ni dai hpe sha kau na mara ai: de a bunghku hpe ngai hpya kau nna, dai gaw kabye kau ai hkrum na ra ai.

YEREMIA 24:9

ga ntsa e mungdan ni mahkra hta, dumbru dumbra hkrum ai du hkra, ngai shanhte hpe ap kau na nngai; ngai shanhte hpe shaden kau ai shara shagu hta, shanhte gaw, shatan nhkan shara, bung shadawn shara, asawng asang shara hte dagam dala shara tai na mara ai.

YEREMIA 29:18

Ri nhtu, kawsi hpang gara ai, ana zinli hte ngai shanhte hpe hkan shachyut nna, ga ntsa e mungdan ni mahkra hta dumbru dumbra hkrum ai du hkra, ap kau na nngai; ngai shanhte hpe shaden kau ai shara shagu hta, shanhte gaw dagam dala shara, mauhpa shara, asawng asang shara hte shatan nhkan shara tai na mara ai;

YEREMIA 39:8

Dai hta kaga Hkalde masha ni gaw, hkawhkam htingnu hte mung masha ni a nta ni hpe nat kau nna, Yerusalem mare bunghku ni hpe run kau mu ai.

YEREMIA 42:18

Kaning rai nme law, Israela Karai Kasang Zaw nawng zaw wa up ai Yehowa ning nga ai: Ngai gaw Yerusalem masha ni a ntsa e, nye a pawt sindawng ai hte myit kahtet ai hpe ru bun ai hte maren, nanhte Egutu mung de shang jang, nye a myit kahtet ai hpe ngai nanhte a ntsa e ru bun nna, nanhte gaw matsa mawa, mauhpa shara, dagam dala shara hte shatan nhkan shara tai na myit dai; nanhte htawm hpang de ndai shara hpe mu lu na n rai.

YEREMIA 5:10

“De a bunghku ntsa e lung nna jahten shabyak mu; rai timung htum hkra hkum di mu: de a lakung ni hpe krum kau mu; dai ni Yehowa hte n seng nga ai.

YEREMIA 52:14

Shi hte rau nga ai Hkalde hpyen ma ni mung, Yerusalem mare a bunghku ni hpe run kau mu ai.

SHARUNG SHAYAWT 1:7

Mung masha ni gaw hpyen ni a lata de du nna, karum ai wa n nga ai majaw, Hpyen ni shi hpe mu mada nna, shi myit htum ai lam asawng nga ma yang, Yerusalem gaw nni nkri hte hki ba hkrum ai shani e, moi shawng na pyaw lam ni hpe dum nga ai.

SHARUNG SHAYAWT 2:9

Shi a chyinghka ni gaw ga hta lupwa nna, shi gaw de a htinggrang ni hpe agrawp kau nu ai: Shi a hkawhkam hte du salang ni gaw, tara n chye ai amyu hta lawm mat ma ai; Gaja wa shi a myihtoi ni gaw, Yehowa kaw na shingran n hkam la lu ma ai.

SHARUNG SHAYAWT 3:61

Yehowa e, shanhte shatan nhkan ai hte, ngai hpe maw ai hku mahkra hpe mung,

SHARUNG SHAYAWT 5:1

Yehowa e, anhte hkrum ai lam hpe dum u; Anhte hkrum sha ai shatan nhkan hpe mada yu nna sumru yu u.

JAW JAU 26:31

Nanhte a mare ni hpe ngai nam shatai nna, nanhte a nawku nta ni hpe akrin atsai hpya kau na we ai: nanhte a manam pyaw sangau mung ngai manam ya na n rai.

JAW JAU 26:33

Maigan amyu ni hta ngai nanhte hpe shabra kau nna, nhtu shada lang let hkan shachyut na made ai: nanhte a mung gaw akrin atsai rai mat nna, nanhte a mare ni mung nam tai mat na ra ai.