NEHEMIA 1:10 - Jinghpaw Hanson Version Bible

¹⁰ Ya, da ndai ni gaw, na a galu kaba ai atsam, na a n-gun ja ai lata hte nang hkye mawai la ai, na a mayam ni hte na a amyu masha ni rai nga ma ai.

Jinghpaw Common Language Bible 2009

¹⁰ “Madu e, ndai ni gaw na a shangun ma, na a amyu masha majing ni rai ma ai. Nang gaw shanhte hpe na a daru magam n-gun kaba hte na a ja la ai n-gun atsam hte hkye mawai la nga ndai.

NEHEMIA 1:10 Iomraidhean Croise

SHAKAWN KUNGDAWN 136:12

N gun ja ai lata, ladawn da ai lahpum hte shanhte hpe woi wa mu ai, Shi a chyeju htani htana agrin nga ai.

SHAKAWN KUNGDAWN 74:2

Moi moi e nang mari da ai na a hpung hpe, Nang dung nga yu ai Ziun bum hte, Nang hkrang shaw la ai sali wunli amyu hpe, dum nga u.

SHAKAWN KUNGDAWN 89:14

Dinghpring ai hte tara dara ai lam, na a tingnyang a npawt rai nga ai; Chyeju hte sadi sahka na a man e a la nga ai.

PRU MAT 13:14

“Hpang prat e, Ndai hpa rai ta? nga nna na nsha nang hpe san yang, nang gaw, Egutu mung e mayam nta kaw na n-gun rawng ai lata hte Yehowa anhte hpe shaw la mi ai:

PRU MAT 13:16

“Dai lam mung na a lata hta kumla, na a myi lapran e masat dingsat laika tai nga na rai lit dai: kaning rai nme law, n-gun rawng ai lata hte Yehowa anhte hpe Egutu mung na shaw la mani ai,” ngu nna tsun wu ai.

PRU MAT 13:3

Mawshe mung dai amyu masha ni hpe tsun wu ai gaw, “Nanhte yamnga ai nta, Egutu mung na nanhte pru wa lu ai dai ni nhtoi hpe dum nga mu: Yehowa nanhte hpe ningsam rawng ai lata hte dai yang na shaw la manit dai; matsi rawng ai muk nanhte sha lu na n rai.

PRU MAT 13:9

Yehowa a tara na a n-gup hta nga nga u ga, da ndai gaw na a lata hta kumla, na a myi lapran e masat dingsat tai nga na rai nga ai: kaning rai nme law, Yehowa gaw n-gun rawng ai lata hte nang hpe Egutu mung na shaw la nit dai.

PRU MAT 15:13

Nang hkye hkrang la ai amyu hpe, matsan dum ai hte nang woi wa nit dai; Na a chyoi pra ai nga shara de, na a chyeju ningsam hte nang shanhte hpe lam woi madun wa nit dai.

PRU MAT 32:11

Mawshe chyawm gaw shi a Karai Kasang Yehowa hpe, “Yehowa e, nsam kaba hte n-gun rawng ai lata e Egutu mung na nang shaw wa ai na a amyu hpe hpa rai pawt bu nga n ta?

PRU MAT 6:1

Shaloi Yehowa gaw, “Hpara-u hpe ngai kaning di na gaw, nang ya mu na rin dai: kaning rai nme law, n-gun ja ai lata hte shi shanhte hpe dat dat nna, n-gun ja ai lata hte shi a mung na shanhte hpe gawt dau dat na ru ai,” ngu nna Mawshe hpe tsun wu ai.

PRU MAT 6:6

Dai majaw Israela amyu hpe, ning ngu tsun u: Ngai Yehowa rai nga nngai; Egutu mung a mayam lit hta na ngai nanhte hpe shaw la nna, shanhte a share punghkaw hta na shapraw la na made ai; sharawt nga ai lata hte mung, ari kaba amyu myu hte mung ngai nanhte hpe hkye hkrang la na made ai:

PRU MAT 6:7

nye a amyu shatai na matu ngai nanhte hpe shinggyin la nna ngai mung nanhte a Karai Kasang tai na nngai: ngai nanhte hpe Egutu masha ni a mayam lit hta na raw la ai nanhte a Karai Kasang Yehowa rai nga nngai gaw, shaloi nanhte chye na marin dai.

ESAIA 64:9

Yehowa e, aja awa hkum pawt e; yubak mara hpe tutnawng hkum dum nga et; mada yu u, anhte yawng na a masha ni rai nga ga ai.

TARA JAHPRANG 15:15

Egutu mung e nang mayam tai yu nit dai mung, na a Karai Kasang Yehowa nang hpe hkrang la nit dai mung, nang dum lu na rai ndai: dai re ai majaw ndai lam, dai ni ngai nang hpe hkang da de ai.

TARA JAHPRANG 9:29

Ndai ni chyawm gaw, ‘na n-gun kaba hte, na a shada tawn ai lahpum e shaw woi wa ai na amyu hte na a sali wunli rai nga ma ai,” ngu nna ngai hpyi nem we ai.