MARKU 7:4 - Jinghpaw Hanson Version Bible

⁴ gat de na bai wa timung, hkum garai n shin yang, shanhte n sha yu ma ai: dai hta n-ga; gawm ni, kamai ni, magri wan ni hpe kashin kau ai hta kaga, shanhte hkan ai ahtung ahking law law wa, naw rai nga malu ai.

Jinghpaw Common Language Bible 2009

⁴ gat de na mari wa ai hpa hpe rai ti mung shanhte shawng n kashin kau ai n sha yu ma ai. Bai gawm ni, di ni, magri wan ni, yup ku ni hpe atsawm sha kashin kau ra ai hte seng ai kaga htung lai ni law law hpe mung hkan sa nga ma ai.)

MARKU 7:4 Iomraidhean Croise

SHAKAWN KUNGDAWN 26:6

Ngai nye a lata hpe dingman ai hte shin nga nngai: Yehowa e, shakawn ai nsen hte lawm lu nna,

ESAIA 1:16

Tinang hkum kashin kau mu; tinang dai jasan jaseng mu; nanhte a n hkru ai amu hpe, nye a myi man kaw na yeng seng kau mu; n shawp ai arawn alai kau da mu.

YEREMIA 35:5

Rehkab amyu dap ni a man e tsabyi jahku hpring ai gawm tawn da nna, Tsabyi jahku lu mu, ngu nna shanhte hpe tsun mu ai.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

MAHTE 23:25

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw dai gawm hte n-gawt hpe shinggan maga de jaseng mu ai mung, kata maga de kashun kashe hte n tara ai hte hpring chyat rai nga ai.

MAHTE 23:26

Myi kyaw ai Hparishe e, dai gawm hte n-gawt a shinggan maga de seng wa lu n ga, de a kata maga de shawng e jaseng u.

MAHTE 27:24

Pilat mahtang gaw, hpa hku mung n dang lu ai hte kabrawng kabrang byin wa ai hpe mu mu yang, ntsin la nna, shawa masha ni a man e lata hpe kashin let, Ndai wa a asai hta na ngai lawt nga n ga: nanhte nan myit yu nga mu, ngu wu ai.

MARKU 7:8

Nanhte gaw Karai Kasang a hkang da ai ga hpe kau da nhtawm, masha a ga madat hpe sha hkan nga myit dai,” ngu mu ai.

YAWHAN 2:6

Ya dai yang e, Yuda masha ni a jasan jaseng ai htung hte maren, dang lahkawng masum daram ram shang ai, nlung yam kru shadun tawn ai nga malu ai.

YAWHAN 3:25

Dai re ai majaw, Yawhan a sape ni gaw, dai jasan jaseng ai lam a nhkan e, Yuda masha langai mi hte ndang kalang hkat ma ai.

HEBRE 9:10

dai lam ni gaw, shahpa, luhpa hte kashin kamun ai lam amyu myu hte nawng, htung nnan jashawn na aprat garai n du laman e, gan tawn da ai, hkum shan hte seng ai ahtung ahki sha rai nga ai.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak galaw ai ni e, nanhte a lata hpe jasan jaseng kau mu; myit mashe rawng ai ni e, nanhte a myit masin hpe shachyoi shapra da mu.

1 YAWHAN 1:7

Shi gaw dai nhtoi hta rawng nga ai hte maren, anhte mung dai nhtoi hta hkawm nga yang gaw, anhte langai hte langai kanawn mazum ai ni rai nga ga ai hte, shi a Kasha Yesu a asai gaw, anhte hta na yubak nlang hte hpe jasan jaseng kau ya mi ai.