MARKU 7:11 - Jinghpaw Hanson Version Bible

¹¹ tinang a kanu kawa hpe, ‘Nye a lata na nang lu la mai ai arai gaw, Korban ngu ai, Karai Kasang a matu alu kumhpa rai nga ai,’ nga nna tsun ai wa kadai rai timung,

Jinghpaw Common Language Bible 2009

¹¹ Rai ti mung nanhte gaw, masha langai mi kanu shing n rai kawa hpe karum na matu jai lang lu ai arai lama ma lu ai rai ti mung, ‘Ndai arai gaw Korban rai nga ai,’ (de a lachyum, Karai Kasang kaw sak nawng kau sai Karai Kasang hte seng ai arai she re) nga nna tsun ai wa kadai mung,

MARKU 7:11 Iomraidhean Croise

JAW JAU 1:2

Israela kashu kasha ni hpe nang ning ngu tsun na rai ndai: Nanhte hta na kadai rai timung Yehowa hpe kumhpa jaw mayu myit yang gaw, dumsu, shing nrai, sagu bainam yamnga hpung hta na la sa nna, nawng jau lu na rai myit dai.

MAHTE 15:5

nanhte mahtang gaw, ‘Tinang a kanu kawa hpe, Nang nye a lata na lu la mai ai arai gaw, Karai Kasang a matu kumhpa rai mat sai, nga nna tsun na gaw mai nga ai,’ ngu kau mu ai:

MAHTE 23:18

Bai lam mi gaw, Kadai rai timung, dai hkungri hpe dagam yang, hpa n re ai, nga myit timung, hkungri ntsa na kumhpa hpe dagam ai wa gaw, hka kap na rai nga ai, nga nna nanhte tsun nga myit dai.

MAHTE 27:6

Hkinjawng agyi ni chyawm gaw, dai gumhpraw hpe la nna, “Dai gaw asai jahpu rai nga ai majaw, alu sutdek hta e bang tawn da na htung n nga ai,” nga ma ai.

MARKU 7:12

tinang a kanu kawa hpe karum na, nanhte hkum nga myit dai;