MARKU 3:8 - Jinghpaw Hanson Version Bible

⁸ dai hta n-ga Yuda mung hte Yerusalem mare na, Idumia mung hte, Yawdan hka wora hkran na ni hte, Turu hte Sidun ginwang hkan na masha wunawng wuwa, shi galaw dat ai amu a lam hte hpe, na ma ai rai nna, shi hpang de sa du ma ai.

Jinghpaw Common Language Bible 2009

⁸ dai hta n-ga, dai Yerusalem mare Idumea mung hte Yawdan hka sinpraw hkran na ni hte, Turu hte Sidon mare ni a grup yin ginwang hkan na masha wunawng wuwa ni yawng shi galaw dat ai amu lam ni hpe na ma ai majaw Yesu hpang de sa du ma ai.

MARKU 3:8 Iomraidhean Croise

SHAKAWN KUNGDAWN 45:12

Turu shayi sha e, mung masha ni hta grau sut lu ai ni, Kumhpa hte na a myi man tam na mara ai.

SHAKAWN KUNGDAWN 87:4

Ngai hpe chye chyap ai ni hta na, Rahab yan Babelon rai nga ma ai, ngai ngu na mawe ai. Hpilisti, Turu, Hkusha hpe yu yu mu: Ndai ni wonang e shangai wa masai.

ESAIA 34:5

Kaning rai nme law, nye a nhtu gaw, sumsing lamu hta lu hkru nga ai; yu u, dai gaw Edom a ntsa e mung, ngai dagam ai amyu a ntsa e mung, ngai dagam ai amyu a ntsa e mung, ari jaw na matu du na ra ai.

EZEKELA 35:15

Israela dap a sali wunli ga katsi katsang tai mat ai hpe, nang kabu nga ndai majaw, dai hte maren ngai nang hpe di na nngai: Seira bum e, nang hte Edom mung ting, katsi katsang tai mat nna, ngai Yehowa rai nga ai hpe, shanhte chye lu na mara ai,” nga ai.

EZEKELA 36:5

Gaja wa, nye a mungdan hpe up na matu, kabu gara ai myit hte kashun kashe la nna, manawn masham ai myit hte dai hpe lanep shatai lu hkra, pagawn re ai maigan amyu ni hte Edom amyu ting hpe, nye a myit sindawng kahtet ai wan hte ngai daru kau na nngai.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Kaning rai nme law, nan hta dan ai magam bungli ni hpe, Turu hte Sidun mare yan hta dan yu taw gaw, dai yan gaw moi moi e nan lachyit nba hte dap hta e, myit malai lu boi na masai.

MAHTE 4:25

Shing rai, Galile mung hte Dekapoli mung, Yerusalem mare hte Yuda mung hte Yawdan hka wora hkran na masha wunawng wuwa kaba shi kaw hkan nang ma ai.

MARKU 7:24

Shaloi dai yang na shi rawt wa nna, Turu hte Sidun lamu ga jarit hkan e du hkra pru sa wa ai. Nta hta e shi shang nna, dai hpe kadai mung n chye lu u ga, shi ra nga timung, koi lu ai n rai.

MARKU 7:31

Bai, Turu a ga jarit kaw nna pru wa yang, Sidun hpe lai ga wa nna, Dekapoli ginwang ka-ang hku ga sa wa nhtawm, Galile nawng de sa du ai.

LUKA 6:17

Shanhte hte rau yu wa nna layang e tsap nga yang, shi a sape hpung kaba mung, Yuda mung ting hte Yerusalem mare na mung, nammukdara makau na Turu hte Sidun kaw na mung, masha wunawng wuwa kaba gaw shi a ga madat la na hte tinang a machyi makaw shamai la na matu, rau hpawng nga ma ai:

YAWSHU 15:1

Yuda amyu a kashu kasha ni, tinang a lakung lama hkan nna, hpaida hta jaw ai sali ga gaw, dingda maga rai yang, Edum ga hte yep, Zin nam mali du hkra rai nga ai.

YAWSHU 15:21

Edom mung hte tut, Dingda jahtum na Yuda amyu kashu kasha ni madu la lu ai mare ni gaw, Kabzela, Edera, Yagura,