MARKU 2:2 - Jinghpaw Hanson Version Bible

² Dai rai nna, masha lanlak zuphpawng nga ma ai rai nna, chyinghka lam makau e pyi, shanhte a matu shang shara n nga hkra, rai nga ma ai: shi shanhte hpe dai mungga tsun dan mu ai.

Jinghpaw Common Language Bible 2009

² Dai majaw masha ni law law shi kaw sa zuphpawng nga ma ai rai nna, shara n nga mat ai gaw nta chyinghka lam ndaw pyi n ngam hkra rai nga ai. Yesu gaw shanhte hpe mungga hkaw tsun dan nga ai.

MARKU 2:2 Iomraidhean Croise

SHAKAWN KUNGDAWN 40:9

Ngai gaw dai shawa hpawng kaba a ka-ang e, Dinghpring ai lam a kabu gara shiga hkaw dan ni ai; Yu u, nye a n-gup hpe ngai pat da we ai n rai, Yehowa e, nang nan chye nga ndai.

MAHTE 5:2

shi a n-gup hpaw ya ai hte, shanhte hpe sharin shaga let tsun mu ai gaw:

MARKU 1:14

Yawhan gaw ap kau hkrum ai hpang, Yesu gaw Galile mung de sa du nna,

MARKU 1:33

dai rai nna, mare ting, dai chyinghka lam makau e sa zuphpawng nga ma ai.

MARKU 1:37

shanhte shi hpe hkrum nna, Nlang hte gaw nang hpe tam nga ma ai, ngu nna shi hpe tsun mu ai.

MARKU 1:45

Shi mahtang pru wa nna, dai hpe aja awa hkai dan ai hte dai lam hpe kajai gumhkawng dat wu ai: shing rai Yesu gaw, mare kata de leng leng n shang lu ai rai nna, nam mali hkan e anga nga ai: shara magup hkan na ni mung, shi hpang de sa du ma ai.

MARKU 2:1

Ya tawng marang mi na ai hpang Kaperna-um de bai shang yang, dai nta hta e shi rai nga ai hpe, na gara shajang ma ai.

MARKU 2:13

Bai, dai nawng makau de shi pru sa wa ai; shawa hpawng ni nlang hte gaw, shi hpang de sa du ma ai rai nna, shi shanhte hpe sharin shaga ya mu ai.

MARKU 6:34

Shing rai shi pru nna masha wunawng kaba mu mada ai hte shanhte gaw rem ai wa n nang ai sagu hpung hte bung nga ma ai majaw, shi shanhte hpe matsan dum nna, law law wa sharin shaga ya mu ai.

LUKA 12:1

Dai shaloi masha hkying mun wa zuphpawng nga nna, shada da kabye hkra rai nga ma yang, shi a sape ni hpe shi shawng tsun hpang mu ai gaw, “Sawt ai myit ngu ai, Hparishe ni a matsi hpe koi kau mu.

LUKA 5:17

Lani mi hta shi sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe hte tara sara ni sa du dung nga ma ai: machyi shamai na matu mung dai Madu a atsam gaw shi a ntsa e nga nga ai.

LUKA 8:1

Dai hpang gade n na yang, shi gaw Karai Kasang a mungdan lam hkaw dan ai hte, kabu gara shiga tsun shana ya let, mare mi kaw nna mare mi, kahtawng mi kaw nna kahtawng mi de, du hkawm sa wa ai: sape shi lahkawng hte mung shi hte rau rai nga ma ai;

LUKA 8:11

Ya na ga shadawn gaw ndai hku rai nga ai: Nli gaw Karai Kasang a mungga rai nga ai.

KASA 11:19

Ya Stehpan kaw nna hpang ai zingri zingrat lam majaw bra mat wa ai ni gaw, Hpinisi, Kupru mung hte Antioki mare du hkra len hkawm wa nna, Yuda masha ni hpe hkrai sha, dai mungga hkaw dan ma ai.

KASA 14:25

Dai yang Perga mare hta mungga tsun dan nhtawm, Atali de yu wa ma ai;

KASA 16:6

Ya, Asi mung e mungga lam tsun dan na, Chyoi pra ai Wenyi shanhte hpe hkum shadang mu ai majaw, shanhte Hprugi hte Galati mung de ga sa wa nna,

KASA 8:25

Shan chyawm gaw, dai Madu a mungga lam sakse hkam nna hkai dan ngut jang, Samari kahtawng law law hkan e dai kabu gara shiga hkaw dan let, Yerusalem mare de bai wa ma ai.

ROMA 10:8

Shaloi kaning rai tsun na law? Dai mungga gaw nang hte htep rai nga ai; dai gaw na a n-gup hte na a kraw lawang hta e rai nga ai: dai gaw, anhte hkaw tsun dan ai kamsham ai hte seng ai mungga rai nga ai:

2 TIMOHTI 4:2

dai mungga hpe hkaw dan nga u; du hkra ladaw ang ai rai timung, n ang ai rai timung, a shaja nga u; myit galu kaba ai hte, sharin shaga ai hku yawng hkan let, daru jet nga u, yubak madun nga u, shadut jahkat nga u.