MARKU 2:12 - Jinghpaw Hanson Version Bible

¹² Shaloi jang shi rawt nna, shi a yup rai hpe lang let, mahkra a man e pru wa ai; dai majaw nlang hte gaw mau mahka nga ma ai rai nna, Karai Kasang hpe shakawn kungkawn let, “Anhte galoi mung, dai zawn re ai n mu yu ga ai,” nga ma ai.

Jinghpaw Common Language Bible 2009

¹² Shanhte yawng la yu nga ma yang, dai masha wa rawt nna, shi a yup ra rai hta hpai let tin tin pru mat wa ai. Shanhte yawng mau mahka mat ma ai hte, Karai Kasang hpe shakawn kungdawn let, “Anhte galoi mung ndai zawn re ai n mu yu ga ai,” nga nna tsun ma ai.

MARKU 2:12 Iomraidhean Croise

MAHTE 12:23

Dai majaw shawa masha ni mau mahka nna, “Ndai wa gaw Dawi a kasha rai nga a hka?” nga nna tsun shajang ma ai.

MAHTE 15:31

Dai rai nna, n chye shaga ai ni shaga lu ma ai, lagaw hten ai ni hkawm sa lu ma ai hte, myi kyaw ai ni myi mu lu ma ai hpe, shawa masha ni mu mu yang, shanhte mau mahka nga ma ai rai nna, Israela Karai Kasang hpe shakawn kungdawn mu ai.

MAHTE 9:33

Dai nat hpe shaden kau ai hpang, n chye shaga ai wa gaw shaga lu ai. Dai rai nna, shawa masha ni amau nga nna, “Israela amyu hta ndai zawn re ai, galoi mung n mu yu ga ga ai,” nga ma ai.

MAHTE 9:8

Dai hpe mu ai shawa masha ni, hkrit kamyin nga ma ai rai nna, shinggyim masha ni hpe ning re ai ahkang jaw ai Karai Kasang hpe sharawng awng nga ma ai.

MARKU 1:27

Nlang hte gaw mau mahka nga nna, Ndai gaw, hpa rai nga a ta? ningnan sharin shaga ai lam rai i? daru magam ahkang hte n seng ai nat ni hpe pyi shi htet da nna, shanhte madat mara nga ma ai, nga nna shada da tsun hkat ma ai.

MARKU 2:11

dai hkum katsing si ai wa hpe, “Nang hpe ngai tsun de ga, ‘Rawt u, na a yup rai hpe la nna, na a nta de wa nu,” ngu nna tsun wu ai.

LUKA 13:13

shi a ntsa e lata mung mara ya wu ai: shaloi jang shi a malang jan rai lu nna, Karai Kasang hpe shakawn kungdawn nga ai.

LUKA 17:15

Shanhte hta na marai langai mi gaw, tinang hkum san pra mat sai mu chye jang, bai nhtang sa nna nsen kaba hte Karai Kasang hpe shagrau sha-a ai hte,

LUKA 5:26

Nlang hte gaw grai wa mau mahka nga ma ai rai nna, Karai Kasang hpe shakawn kungdawn nga ma ai; nachying hkrit la ai hte mung, “Dai ni anhte mauhpa amu mu saga ai,” nga nna tsun ma ai.

LUKA 7:16

Masha nlang hte mung hkrit mau mat shajang ma ai rai nna, Karai Kasang hpe shagrau sha-a let, Myihtoi kaba anhte kaw paw pru ra ai, nga nna mung, Karai Kasang gaw shi a amyu hpe kawan katsan yu nga ai, nga nna mung, tsun gara wa ma ai.

YAWHAN 7:31

Hpawng nga ai masha ni hta chyawm gaw, shi hpe kamsham ai ni law law wa rai nga ma ai rai nna, Hkristu du sa yang ri, ndai wa galaw ai hta, grau ai lamik kumla dan lu na a ni? nga nna tsun shajang ma ai.

YAWHAN 9:32

Hkritung kaw nna myi kyaw ai wa a myi hpe, gade e hpaw ya lu ai nga ai mung, lamu ga lat kaw nna galoi mung n na yu ai.

KASA 4:21

Shaloi shanhte gaw, mung masha ni hpe tau yu let, shan hpe ari jaw na lam n mu mu ai majaw, shan hpe bai daru nna dat dat mu ai; kaning rai nme law, dai byin ai amu majaw, masha nlang Karai Kasang hpe shagrau sha-a ma ai.