MARKU 10:2 - Jinghpaw Hanson Version Bible

² Shaloi Hparishe ni sa du nna, shi hpe dinglik yu let, “Masha gaw tinang a madu jan hpe shabawn kau na, mai nga a ni?” ngu nna shi hpe san mu ai.

Jinghpaw Common Language Bible 2009

² Shaloi Hparishe nkau mi Yesu kaw sa du nna, shi hpe mara rim lu hkra hpaji daw ai hku nna, “Anhte a tara hta, masha langai mi tinang a madu jan hpe jahka kau na ahkang jaw da a ni?, anhte hpe tsun dan mi,” nga nna shanhte san ma ai.

MARKU 10:2 Iomraidhean Croise

MALAHKI 2:16

Num jahka kau ai lam hpe, ngai n dawng nngai, nga nna Israela Karai Kasang Yehowa tsun ai; kashun kashe amu hpe, tinang a hpun palawng hte ka-up ai wa hpe mung, ngai n dawng nngai, nga nna Zaw nawng zaw wa up ai Yehowa tsun ai: dai re ai majaw tinang a wenyi hpe sadi nga mu; hkalem hkalau ai amu hkum galaw myit.

MAHTE 15:12

Shaloi sape ni sit sa nna, “Ya tsun ai ga ndai Hparishe ni na jang, shanhte myit na machyi ma ai hpe nang chye nga n ni?” ngu nna shi hpe tsun mu ai.

MAHTE 16:1

Shaloi Hparishe ni hte Saduke ni sa du nna, shi hpe chyam dinglik yu let, lamu de na lamik kumla madun dan mi ga, hpyi ma ai.

MAHTE 19:3

Shaloi Hparishe ni shi kaw sa du nna, shi hpe chyam dinglik yu let, “Hpa mara hpe mung hkan nna, tinang a madu jan hpe shabawn kau na, mai nga a ta?” ngu yu mu ai.

MAHTE 22:35

shanhte hta na tara sara langai mi shi hpe chyam yu nna,

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.

MAHTE 9:34

[Hparishe ni mahtang gaw, “Nat ni a agyi hte sha, shi nat ni hpe shaden kau lu nu ai,” nga ma ai.]

MARKU 10:1

Dai kaw na shi rawt pru nna, Yuda mung ga jarit hte Yawdan hka wora hkran de du sa ai rai nna, masha wunawng wuwa shi hpang de bai sa hpawng ma ai majaw, shi htung nga ai hte maren, shanhte hpe bai sharin shaga ya mu ai.

MARKU 10:3

Shi gaw “Mawshe nanhte hpe kaning nga hkang da a ta?” ngu nna htan mu ai.

MARKU 8:11

Dai shaloi Hparishe ni pru sa nna, shi hte ndang kalang hkat ma ai hte, shi hpe chyam yu let lamu ntsa na lamik kumla hpe, shi kaw hpyi mu ai.

MARKU 8:15

Shaloi shi shanhte hpe, “Hparishe ni a matsi hte Herod a matsi hpe koi kau lu myit ga, sadi nga mu,” ngu nna shanhte hpe ginhtim da mu ai.

LUKA 11:39

Dai rai nna Madu gaw, “Nanhte Hparishe ni gaw, gawm hte ban hpe shinggan maga de sha shapra ga myit dai; nanhte a kata maga de wa gaw, kashun kashe re ai hte, n hkru n shawp ai hpring chyat nga malit dai.

LUKA 16:14

Dai ga mahkra hpe, gumhpraw marin ai Hparishe ni na ma ai rai nna, shi hpe asawng asang ngu mu ai.

LUKA 5:30

Dai rai nna Hparishe ni hte shanhte a laika ka ai sara ni gaw, shi a sape ni a lam wu wu di di nga nna, “Nanhte hpa rai kang hta ai ni hte yubak kap ai ni rau lu sha nga myit ta?” nga nna tsun ma ai.

LUKA 6:7

Dai rai nna, laika ka ai sara ni hte Hparishe ni gaw, shi hta mara shagun lu hkra, “Laban nhtoi hta shamai ya na ra ai kun?” nga nna shi hpe gyam yu ma ai:

LUKA 7:30

Hparishe ni hte tara sara ni chyawm gaw, Shi jaw ai baptisma n hkam la ma ai hta, Karai Kasang a maw mawn ai hku hpe, tinang a matu ran kau ma ai.

YAWHAN 11:47

Dai rai nna hkinjawng agyi ni hte Hparishe ni gaw, du salang ni hpe shaga jahpawng nhtawm, “Anhte kaning re ai rai nga ga ta? dai wa gaw lamik kumla law law madun dan nga ai.

YAWHAN 11:57

Dai shaloi e hkinjawng agyi ni hte Hparishe ni gaw, shi hpe rim la lu hkra, kadai rai timung shi nga ai shara chye yang gaw, madun lu na re ai, nga nna hkang da masai.

YAWHAN 7:32

Hpawng nga ai masha ni gaw, shi a majaw shing nga tsun wu ma ai hpe, Hparishe ni na ma yang, hkinjawng agyi ni hte Hparishe ni gaw, shi hpe rim la na matu, hpyen du ni hpe shangun dat ma ai.

YAWHAN 7:48

Du agyi ni hta na mung, Hparishe ni hta na mung, dai wa hpe kamsham ai kadai nga a ta?

YAWHAN 8:6

Shing nga san ai gaw, shi hta mara shagun na lam mu lu hkra, shi hpe chyam dinglik yu ai rai nga ai. Yesu chyawm gaw ga de gum nna, ga hta layung hte ka nna nga nga ai.

1 KORINHTU 10:9

Shanhte nkau mi dai Madu hpe chyam dinglik nna, lapu ni e kawa sharum ai zawn, anhte gaw dai Madu hpe n chyam dinglik ga.