MARKU 1:5 - Jinghpaw Hanson Version Bible

⁵ Dai rai nna, Yuda mung ting na ni hte, Yerusalem hkan na nlang hte gaw, shi hpang de pru sa wa nna, tinang a yubak hpe shapraw dan let, shi a lata hte Yawdan hka hta e baptisma hkam la ma ai.

Jinghpaw Common Language Bible 2009

⁵ Yawhan hkaw tsun ai ga hpe madat la na matu Yerusalem mare hte Yuda mung hkan na masha ni law law pru sa wa ma ai. Shanhte gaw tinang a yubak mara ni hpe yin la ma ai rai nna, shi shanhte hpe Yawdan hka hta hkalup jaw mu ai.

MARKU 1:5 Iomraidhean Croise

SHAKAWN KUNGDAWN 32:5

Shaloi ngai gaw nye a yubak nang hpe madun dan nna, Nye a mara hpe makoi da nngai n rai: “Ngai shut hpyit ai lam Yehowa hpe ngai nem kau na,” ngai a tsun nga nna, Nang gaw nye a yubak mara hpe raw kau ya nit dai. [Selah.]

GA SHAGAWP 28:13

Tinang mara ip da ai wa gaw gan ga lu na, n rai; Mara tawngban nna koi kau ai wa chyawm gaw, n-gaw nwai ai hkam la na ra ai.

MAHTE 4:25

Shing rai, Galile mung hte Dekapoli mung, Yerusalem mare hte Yuda mung hte Yawdan hka wora hkran na masha wunawng wuwa kaba shi kaw hkan nang ma ai.

MARKU 1:4

myihtoi Esaia laika hta ka da nga ai hte maren, yubak raw dat kau na matu, myit malai baptisma hkaw dan ai hte, nam mali hkan e baptisma jaw ai Yawhan gaw, paw pru ra ai.

MARKU 1:6

Yawhan chyawm gaw, gawla-uk mun hte da ai hpun palawng hpe bu hpun nna, shi nshang e shanhpyi shingkyit kyit nga ai: dinggam-yaw hte nam na lagat jahku hpe shi lu sha nga ai.

YAWHAN 1:28

Ndai lam ni gaw, Yawhan baptisma jaw let nga nga ai, Yawdan hka wora hkran na Behtani kahtawng e byin ai, rai nga ai.

YAWHAN 3:23

Yawhan mung, Salim makau na Enun ngu ai shara e, hka law nga ai majaw, dai yang e baptisma jaw let nga nga ai rai nna, mung masha ni gaw dai de baptisma sa hkam ma ai.

YAWHAN 5:35

Yawhan gaw tu grung ai hte htoi nga ai pyengdin rai nga ai rai nna, nanhte gaw shi a ahtoi hta e, tawng marang mi kabu nga mayu myit dai.

KASA 19:18

Kamsham sai ni hta na law law mung sa nna, tinang galaw shut ai lam ni tawngban tsun dan ma ai.

KASA 2:38

Petru gaw, “Myit malai lu nna, nanhte a yubak raw dat kau ya u ga, nanhte hkum shagu Yesu Hkristu a mying ningsang hta baptisma hkam la mu; shaloi Chyoi pra ai Wenyi ngu ai kumhpa gaw, nanhte lu la na marin dai.

YAKU 5:16

Nanhte shamai shatsai hkrum myit ga, nanhte a yubak mara hpe shada da shapraw dan nna, shada da a matu mara akyu hpyi nga mu.

YAWSHU 7:19

Shaloi Yawshu gaw Ahkan hpe, “Ngai sha e, Israela Karai Kasang Yehowa hpe shagrau nna shi a man e tawngban u: nang galaw kau ai amu ngai e tsun dan e; hkum ip tawn da et, ngu wu ai.