HPILIPI 4:3 - Jinghpaw Hanson Version Bible

³ Nye a nrum ntau majing e, dai num yan hpe hkap tau la na, ngai nang hpe mung hpyi nngai; shan gaw Klemen hte, asak jahpan laika hta tinang a amying lawm ai nye a shingdep shingtau shaje ni hte, dai kabu gara shiga hta, ngai hte rau bungli galaw ma ai.

Jinghpaw Common Language Bible 2009

³ Nye a nrum ntau share manang hku nna mung dai num yan hpe karum la na hpe ngai ra sharawng nga nngai; hpa majaw nga yang dai Kabu Gara Shiga hkaw tsun ai lam hta ngai hte rau nhki nsang amu galaw shakut shaja lawm ma ai. Shing rai galaw lai wa ai ni hta Klemen hte Karai Kasang a asak jahpan laika hta tinang a mying lawm ai nye a shingdep shingtau kaga ni mung lawm ma ai.

HPILIPI 4:3 Iomraidhean Croise

SHAKAWN KUNGDAWN 69:28

Asak laika hta na shanhte hpe arut kau nna, Dingman ai ni a mying ka da yang, shanhte n lawm mu ga.

PRU MAT 32:32

rai timung, shanhte a yubak dat kau mayu yang gaw, dat kau ya u; dai n rai yang gaw, nang ka da ai laika hta na nye mying mung arut kau ya e law,” ngu nna hpyi wu ai.

ESAIA 4:3

Yehowa gaw tara dara ai wenyi, wan hkru ai wenyi hte, Ziun shayi sha ni a agang chyalang hpe kashin kamun kau nna, Yerusalem mare ka-ang na asai hpe yeng seng kau nhtawm,

EZEKELA 13:9

Kaman lila shingran mu nna, masu lam shaba wawt ai myihtoi ni hpe, nye a lata hkap gasat na ra ai; shanhte gaw nye amyu a salang hpawng hta lawm lu na, n rai, shanhte a amying hpe Israela amyu a jahpan hta ka shalawm lu na, n rai; Israela mungdan hta mung shang lu na, n rai; shing rai, ngai Madu Yehowa rai nga ai hpe, nanhte chye lu na marin dai.

Daniela 12:1

“Ndai aten hta e, na a amyu masha ni hpe makawp maga nga ai, du kaba ngu ai, Mihkaela rawt pru na ra ai rai nna, masha amyu tai hpang ai kaw nna, ndai aten du hkra, galoi n byin yu ai, ru tsang ai aten du na ra ai: ndai aten hta e, jahpan laika hta mying lawm ai, na a amyu masha ni yawng lawt lu na mara ai.

LUKA 10:20

Rai timung, nat ni nanhte a ga madat ma ai majaw, hkum kabu myit; nanhte a amying sumsing lamu hta ka da nga ai majaw she, kabu nga mu,” ngu nna shanhte hpe tsun mu ai.

ROMA 12:1

Dai re ai majaw, hpunau ni e, nanhte a hkumhkrang hpe, hkrung nga ai, chyoi pra ai hte, Karai Kasang kaw sharawng awng ai hkungga matu nawng ya na, Karai Kasang a chyeju hte ngai nanhte hpe shadut shahkat dat made ai: dai gaw nanhte a myit masin a daw jau ai lam rai nga ai.

ROMA 16:12

Dai Madu a bungli gun hpai ai Truhpena hte Truhpawsa hpe shakram ya mi. Dai Madu hta e grai wa shakut sharang ai, tsawra ai Persi hpe shakram ya mi.

ROMA 16:9

Anhte hte rau Hkristu a amu shingtau ai Orban hte, ngai tsawra ai Staku hpe shakram ya mi.

HPILIPI 1:12

Bai, hpunau ni e, ngai hta byin ai lam hte gaw, dai kabu gara shiga naw grawng wa na matu byin wa ai rai nga ai, nanhte chye nga na ngai ra nga nngai.

HPILIPI 1:16

Ngai gaw dai kabu gara shiga hpe maga na matu, san da ai wa rai nga nngai hpe, shanhte chye nga ma ai rai nna, tsawra ai myit hte hkaw dan ma ai:

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

HPILIPI 1:5

nye a akyu hpyi mahpyi hta, nanhte mahkra a matu mara galoi mung kabu gara ai myit hte akyu hpyi shachyen nga nngai.

HPILIPI 1:7

Nye a bawng dung ai hta rai timung, dai kabu gara shiga a lam awlaw nna shagrin da ai hta rai timung, nanhte nlang hte gaw ngai hte rau chyeju jawm hkam la ai ni rai nga myit dai majaw, nanhte mahkra a lam ngai ning rai myit nga na gaw, ging dan nga ai rai nna, nye a myit masin hta e ngai nanhte hpe sharawng nga nngai.

HPILIPI 4:2

Dai Madu hta e myit langai sha rai nga mu ga, Eodia hpe ngai shadut jahkat nngai, Suntuki hpe mung shadut jahkat nngai.

KOLOSE 1:7

Dai gaw anhte a tsawra ai shingdep shingtau wa Epahpra kaw nna nanhte sharin la manit dai hte maren rai nga ai; shi gaw Hkristu hta e anhte a matu mara kangka re ai bungli gun hpai ai wa rai nga ai rai nna,

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.

SHINGRAN 17:8

Nang mu ai matse labye gaw, shawng de nga yu sai, ya gaw n nga ai, rai timung sung htum ai shara kaw na lung wa magang ra ai rai nna, hten byak ai de sa wa na ra ai. Ginding aga nnan lat kaw nna tinang a amying asak laika hta n ka lawm ai, ga ntsa e nga ai masha ni gaw, dai matse labye a nga yu sai hte ya n nga ai, bai nga na ra ai lam ni hpe mu lu ai shaloi, mau mahka na mara ai.

SHINGRAN 20:12

Si mat wa ai ni mung kaji kaba dai tingnyang a man e tsap nga ma ai hpe, ngai mu nngai; shaloi laika ni hpe hpaw tawn nga ai: asak laika ngu ai laika kaga hpe mung hpaw tawn nga ai: si mat wa sai ni gaw, tinang a arawn alai hte maren, laika ni hta ka da ai hku hkan nna, tara dawdan ai hkrum ma ai.

SHINGRAN 20:15

Asak laika hta amying n lawm ai wa kadai mung, dai wan nawng hta jahkrat bang kau ai hkrum nga ai.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.

SHINGRAN 3:5

Dang lu ai wa gaw, ning re ai hpun palawng ahpraw bu hpun lu na ra ai; shi a amying hpe dai asak laika hta na ngai gaja wa shaprai kau ya na n rai; dai wa a amying hpe nye Wa a man e mung, shi a lamu kasa ni a man e mung, ngai shadan ya na we ai.