HPILIPI 3:2 - Jinghpaw Hanson Version Bible

² Gwi ni hpe makran nga mu; n hkru n kra ai bungli galaw ai ni hpe makran nga mu; matu gadoi hpyak ai ni hpe makran nga mu.

Jinghpaw Common Language Bible 2009

² N hkru n shawp ai bungli galaw ai ni hpe sadi let makran nga mu; gwi ni hpe makran nga mu. Tinang a hkum hpe gadoi di ai masha ni hpe makran nga mu.

HPILIPI 3:2 Iomraidhean Croise

SHAKAWN KUNGDAWN 119:115

N hkru ai ni e, ngai kaw na pru wa mu; Nye a Karai Kasang a htet da ai ga hpe ngai hkan nang na nngai.

SHAKAWN KUNGDAWN 22:16

Kaning rai nme law, gwi ni ngai hpe jawm nna, N hkru ai shawa hpung ngai hpe grup ma ni ai: Nye a lagaw lata hpe mung jahpye ya ma ni ai.

SHAKAWN KUNGDAWN 22:20

Nye a myit masin hpe, nhtu kaw na, Nye a asak shingtai hpe, gwi a lata na hkrang la u.

GA SHAGAWP 26:11

Tinang a angawk ai amu bai nhtang galaw ai angawk wa gaw, Tinang a nhpat nhtang sha ai gwi zawn rai nga ai.

MAHTE 24:10

Dai shaloi e, masha law law myit kataw wa nna, shada da ap kau ai hte, shada da n dawng n wawm na mara ai.

MAHTE 7:15

Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

MAHTE 7:6

Chyoi pra ai arai hpe gwi ni hpe hkum jaw mu; nanhte a hkachyi ni hpe wa ni man e hkum kabai tawn mu: shing n rai jang, dai ni tinang a lagaw hte dai hpe kabye kau nna, nanhte hpe nhtang kawa na marin dai.

ROMA 2:28

Kaning rai nme law, shinggan maga sha Yuda re ai wa, Yuda masha majing n rai; hkum shan a matu gadoi ai mung gadoi ai majing n rai;

2 KORINHTU 11:13

Kaning rai nme law, ning re ai ni gaw masu ai kasa ni hte, Hkristu a kasa ni a hpyi hpun nna hkalem ai bungli galaw ai ni rai nga ma ai.

GALATI 5:13

Kaning rai nme law, hpunau ni e, shanglawt ahkang lu la myit ga, nanhte hpe shaga da manit dai: rai timung, shanglawt ahkang hpe hkum shan a ginshan hkum shatai mu; tsawra ai myit hte shada da yamnga mu.

GALATI 5:15

Shing n rai, nanhte shada da kawa nna sha hkat myit yang gaw, nanhte shada da n shamyit kau myit ga, sadi nga mu.

GALATI 5:6

Kaning rai nme law, Hkristu hta e matu gadoi hkam ai lam rai timung, matu gadoi n hkam ai lam rai timung, hpa akyu n nga ai rai nna, tsawra myit hte shachyen ai makam masham hkrai sha, akyu rawng nga ai.

HPILIPI 3:19

Dai ni a chyahtum ai gaw, hten byak ai rai nga malu ai; dai ni a Karai Kasang gaw, tinang a kan rai nga ai hte, tinang a kaya kahpa hta shanhte a gumrawng shara rai nga ma ai; dinghta ga na arai hpe hkrai shanhte myit tsang nga ma ai.

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

1 TIMOHTI 1:19

Dai lam hte hpe nkau mi shinggan kau nna, makam masham li hta na bunghkup mat masai.

TITU 1:16

Karai Kasang hpe chye chyang ga ai, nga ma timung, matsat shabat re ai ni hte n madat mara ai ni rai nga nna, mai kaja ai amu yawng mayawng a matu n htuk ma ai majaw, tinang a arawn alai hte shi hpe nyet kau ma ai.

2 PETRU 2:22

Gwi gaw tinang a nhpat hpe nhtang sha ai, wa hku mung kashin ai hpang hkumpup hta bai hka lwi nga ai, nga nna tengman ai ga shadawn gaw, shanhte hta dik wa sai.

YUDA 1:4

Kaning rai nme law, tara n hkungga ai, anhte a Karai Kasang a chyeju hpe mak kayut ai amu hte galai kau ma ai rai nna, anhte a Hpareng wa hte Madu shingtai ngu ai Yesu Hkristu hpe nyet kau nhtawm, ndai dawdan ai hkrum na matu, moi chyaloi nhkoi kaw nna, ka matsing da ai masha nkau mi gaw, anhte kaw e mayun shang wa masai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai timung, nang sut su nga ndai: Yuda masha ngu ai, rai timung, Yuda masha n teng ai sha, Satan a nawku jawng ngu ai ni a shatan nhkan ai hpe, ngai chye nga nngai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.

SHINGRAN 3:9

Yu u, Yuda masha ngu ai, rai timung n teng ai sha, masu nga ma ai, Satan a nawku jawng hta na nkau mi hpe ngai ap ya na de ai; yu u, na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsawra nga ai gaw, shanhte chye lu na mara ai.