HPILIPI 2:9 - Jinghpaw Hanson Version Bible

⁹ Dai re ai majaw, sumsing lamu lahta tang na dinghta tsang na hte katsan ga na lahput yawng mayawng hte gaw, Yesu a mying nsang hte hput di nna,

Jinghpaw Common Language Bible 2009

⁹ Dai rai nna, Karai Kasang gaw shi hpe, tsaw htum ai sumsing lamu du hkra shagrau nna, amying shingteng yawng hta grau kaba ai mying ningsang hpe jaw da wu ai.

HPILIPI 2:9 Iomraidhean Croise

NINGPAWT NINGHPANG 3:15

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

SHAKAWN KUNGDAWN 110:1

Yehowa nye a madu hpe tsun wu ai gaw, “Na a gumlau ni hpe, na a lagaw kabye ai lahkum ngai shatai ai du hkra, Nye a hkra maga e naw adung nga u,” nga ai.

SHAKAWN KUNGDAWN 110:5

Na a hkra maga e nga ai Madu gaw, Shi a masin pawt ai nhtoi hta e, Hkawhkam ni hpe shanyawp kau na mu ai.

SHAKAWN KUNGDAWN 89:27

Ngai mung kasha alat shara shi hpe jaw da nna, Mungdan hkawhkam ni hta grau kaba ai wa shatai na we ai.

SHAKAWN KUNGDAWN 91:14

Ngai hta shi kanan nang nga ai majaw, Ngai shi hpe mawai la na we ai; Nye a amying hpe chye nga ai majaw, Ngai shi hpe makawp maga na we ai.

ESAIA 52:13

Yu mu, nye a shangun ma gaw awng wa na ra ai: shi gaw shagrau shatsaw hkrum ai hte, hpung shingkang rawng nna, nachying galu kaba na ra ai.

ESAIA 53:12

Dai re ai majaw ngai gaw, daru magam rawng ai ni hte rau, shi hpe kamhtaw karan jaw nna, shi gaw n-gun atsam rawng ai ni hte rau, lanep karan na ra ai: kaning rai nme law, shi gaw si du hkra shi a myit masin hpe ru kau nna, tara tawt lai ai ni hta hti lawm nga ai: rai timung shi gaw; masha law law a yubak hpe gun hpai nna, tara tawt lai ai ni a matu mara htinglu htinglai ya ai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

Daniela 7:14

Masha amyu baw shagu hte, ga amyu myu tsun ai ni yawng, shi hpe daw jau na matu, up ai ahkang aya, hpung shingkang hte mungdan, shi hpe ap ya wu ai: shi a up hkang ai gaw n htum n wai, htani htana prat dingsa up hkang ai lam rai nga nna, shi a mungdan gaw hten byak lu ai mungdan n rai.”

MAHTE 11:27

Nye Wa gaw arai yawng mayawng ngai hpe ap ya ni ai; Wa hta kaga, dai kasha hpe kadai mung n chye lu ai: dai Kasha hte, dai Kasha jahtoi ya mayu ai masha hta kaga, Wa hpe mung, kadai n chye lu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

LUKA 10:22

Nye wa gaw arai yawng mayawng ngai hpe ap ya ni ai: Kasha kadai re ai gaw, Wa hta kaga kadai mung n chye ai; Wa kadai re ai mung, Kasha wa hte dai Kasha e jahtoi ya mayu ai wa hta kaga, kadai mung n chye nga ai.

YAWHAN 13:3

Yesu gaw Kawa e shi a lata de nga yawng nga pra ap ya nu ai mung, Karai Kasang kaw na shi pru sa nna, Karai Kasang hpang de bai wa na rai nga ai mung, chye wu ai majaw,

YAWHAN 17:11

Ya kaw nna ngai gaw mungkan ga e n nga nngai, ndai ni chyawm gaw, mungkan ga e nga nga na rai ma ai: ngai gaw nang hpang de wa na rai nga nngai. Chyoi pra ai Wa e, an gaw langai sha rai nga ga ai zawn, ndai ni mung rai nga mu ga, nang ngai e jaw ai ni hpe, na a mying ningsang hta shagrin shangang da u.

YAWHAN 17:12

Ngai shanhte hte rau nga nga ai hte yang, nang ngai e jaw ai ni hpe, na a amying ningsang hta ngai shagrin shangang da nna, shanhte hpe makawp maga mase ai: shanhte hta na hten bya ai a kasha hta kaga gaw, langai mi muk n hten n bya ma ai; dai wa a hten bya ai chyawm gaw, Chyum laika hta rawng ai ga dik wa na matu rai nga ai.

YAWHAN 17:5

Wa e, ginding aga garai n lat kaw nna, nang hte rau ngai lu nga ai hpung shingkang ngu ai, nang hkum hte nan, ya mung ngai hta dan hkung shangun e law.

KASA 5:31

Israela amyu hpe myit malai lam hte mara raw ya ai lam hpaw ya na matu, Daru Magam hte Hkye hkrang la ai Madu shatai na nga, Karai Kasang gaw dai wa hpe, shi a hkra lata hte shagrau tawn nu ai.

EHPESU 1:10

dai sung htum ai lam chyawm gaw, shi a sharawng awng ai myit hku hkan nna, Hkristu hta e myit shatawng da sai hte maren, madat da ai aten ladaw du wa yang, sumsing lamu tang na arai hpe mung, ginding aga na arai hpe mung, nga manga hte hpe Hkristu hta e gumhpawn tawn da na ru ai lam, rai nga ai.

KOLOSE 1:18

Dai Hpung ngu ai hkumhkrang a baw, shi rai nga ai. Shi nan lam shagu hta grau ai nhtung nhka tai wa u ga, shi gaw npawt nhpang hte si mat ai ni kaw na alat ningshawng rai nga ai.

2 HTESALONI 1:12

anhte a Karai Kasang a shaga la ai chyeju hpe nanhte hkam ging nga na hte, mai kaja ai marai myit yawng hte kamsham ai hte seng ai magam bungli shagu hpe, tsam mari re ai hte shatsup lu myit ga, anhte nanhte a matu mara tutnawng e akyu a hpyi nga ga ai.

HEBRE 1:4

lamu kasa ni hta reng grau ai amying ningsang hkam la lu ai majaw, shanhte hta grau reng ai wa tai nga ai.

HEBRE 1:9

Nang dinghpring ai tsaw nna, yubak hpe n dawng ndai; Dai majaw Karai Kasang gaw, na a Karai Kasang, Na a manang ni hta, kabu gara namman hte nang hpe grau nna chya ya nit dai.”

HEBRE 12:2

dai madu gaw, shi a man e ang wa ai kabu gara ai lam majaw, kaya kahpa hkrum ai hpe hpa zawn n nawn ai sha, wudang lam hpe hkam nu ai rai nna, Karai Kasang a tingnyang hkra maga de wa dung nga sai.

HEBRE 2:9

Lamu kasa ni hta loi mi sha shagrit kau hkrum ai Yesu chyawm gaw, si hkrung si htan a nni nkri hkam la wu ai majaw, hpung shingkang hte arawng sadang ka-up nga ai hpe, anhte mu lu ga ai; shing rai shi gaw, Karai Kasang a chyeju majaw, masha yawng mayawng a matu, si hkam ai hkrum nga ai.

1 PETRU 3:22

Yesu Hkristu mahtang gaw, sumsing lamu de lung shang mat wa nhtawm, Karai Kasang a hkra maga de anga nga ai rai nna, lamu kasa ni, ahkang aya lu ai ni hte, hpung shingkang rawng ai ni gaw, shi a npu e a daw nga ma ai.

2 PETRU 1:17

Shi gaw Kawa Karai Kasang kaw na, arawng sadang hte hpung shingkang hpe lu la wu ai shaloi, daru magam hpung shingkang kaw na ning nga ai nsen shi kaw dan pru nna, “Ndai wa gaw ngai sharawng awng nga ai, ngai tsawra ai ngai sha rai nga li ai,” ngu wu ai:

3 YAWHAN 1:7

kaning rai nme law, dai Mying nsang a majaw, shanhte pru sa wa nna, tara maigan ni hta na hpa mung n hkam la ma ai.

SHINGRAN 1:5

kangka re ai sakse wa, si mat ai ni hta na kasha alat, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwipyaw ai gaw nanhte hta anga nga malit ga. Anhte hpe tsawra nna, shi hkum nan a asai hte anhte a yubak kaw na anhte hpe raw dat mi ai hte,

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.

SHINGRAN 19:16

Shi a hpun palawng hte magyi hta, Hkawhkam ni a Hkawhkam, Madu ni a Madu, nga ai amying ka kap nga ai.

SHINGRAN 3:21

Ngai dang lu nna, nye Wa a tingnyang e shi hte rau dung nga lu ai zawn, dang lu ai wa gaw, nye a tingnyang e ngai hte rau dung nga lu na ahkang, ngai jaw na we ai.

SHINGRAN 5:12

shanhte gaw Sat kau hkrum ai Sagu Kasha gaw, hpung shingkang, sutgan, hpaji byeng-ya, n-gun lagaw, arawng sadang, hpung shingkang hte shakawn kungdawn ai hpe hkam la na, ging dan nga ai law, nga nna nsen kaba hte tsun shakawn nga ma ai.