HPILIPI 2:1 - Jinghpaw Hanson Version Bible

¹ Dai re ai majaw, Hkristu hta e shadum jahprang na lam, tsawra ai myit hte shangwi shapyaw na lam, wenyi a kanawn mazum ai lam hte, n-gaw nwai nna matsan dum ai lam lama ma nga a yang gaw,

Jinghpaw Common Language Bible 2009

¹ Nanhte gaw Hkristu hte rau asak hkrung ai a marang e n-gun lagaw hpring wa myit dai hte shi a tsaw ra myit gaw nanhte hpe shalan shabran ai lam jaw myit dai. Dai hta n-ga Wenyi a kanawn mazum lu ai lam hte shada da n-gaw nwai matsan dum ai lam hkam la nga myit dai.

HPILIPI 2:1 Iomraidhean Croise

SHAKAWN KUNGDAWN 133:1

Yu mu, hpunau ni myit hkrum nga nna, Rau hpawng nga lu ai gaw, Gade ngwipyaw nga a hka!

ESAIA 16:11

Dai re ai majaw, Moba a matu nye a myi masin gaw, Kira-heret a matu, nye a kraw lawang gaw, tingse zawn yawn ngoi nga ai.

LUKA 2:25

Ya, yu mu, Simun mying ai masha langai mi Yerusalem mare e nga ai: dai wa gaw dinghpring ai hte tara hkungga nna, Israela hpe shalan shabran na lam myit mada nga ai wa rai nga ai; dai Chyoi pra ai Wenyi mung shi a ntsa e nga nga ai.

YAWHAN 14:18

Nanhte hpe jahkrai zawn ngai kau da na n rai: nanhte hpang de ngai bai sa na ring ngai.

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 17:13

“Ya gaw nang hpang de ngai wa na rai nna, nye a kabu gara ai gaw shanhte hkum hta nan hpring tup wa malu ga, ngu nna mungkan ga e, ga ndai ngai tsun da nga nngai.

KASA 2:46

Shani shagu myit langai sha hte nawku Htingnu hta shanhte htep lahti machyu nga nna, tinang a nta e muk ahkyep karan nga yang,

KASA 4:32

Dai kamsham ai shawa hpung ting gaw myit mang langai sha rai nga ma ai: kadai mung tinang lu ai arai hpe nye a, n nga ai sha, yawng mayawng hpe jawm lang ma ai.

ROMA 5:5

dai myit mada ai chyawm gaw, kaya kahpa jahkrum mi ai n rai: kaning rai nme law anhte hpe jaw da sai Chyoi pra ai Wenyi e Karai Kasang a tsawra ai myit, anhte a kraw lawang hta e ru bang ya ma ni ai.

ROMA 8:26

Dai hte maren, dai Wenyi mung anhte a gawng run gawng tsang ai hpe lanu lahku ya nga ai: kaning rai nme law, akyu hpyi mai ai hte maren anhte n chye hpyi nga ga timung, dai Wenyi nan n-gup n hkawn lu ai kraw madai ai hte, anhte a matu hpyi htinglu ya mi ai;

1 KORINHTU 12:13

Kaning rai nme law anhte yawng mayawng, Yuda ni hte Heleni ni rai timung, mayam ni hte shanglawt ni rai timung, hkumhkrang langai sha tai na matu, Wenyi langai sha hta e baptisma hkam saga ai rai nna, nlang hte gaw Wenyi langai hta sha jawm dagrawng saga ai.

1 KORINHTU 15:31

Ngai gaw, hpunau ni e, shani shagu si hkam nga nngai, ngu nna anhte a Madu Hkristu Yesu hta e nanhte a lam ngai lu ai gumrawng shara hpe tau yu nna tsun wam nga nngai.

1 KORINHTU 3:16

Nanhte gaw Karai kasang a nawku htingnu rai nga nna, Karai Kasang a Wenyi gaw nanhte hta e rawng nga malit dai hpe, nanhte n chye nga myit ni?

2 KORINHTU 2:14

Rai timung, anhte hpe Hkristu hta tutnawng e padang manau hta nlaw shangun nna, shi a chye chyang ai manam pyaw bat anhte a lata hte shara shagu hkan e shapraw shadan ai Karai Kasang gaw, a nga u ga law.

GALATI 4:6

Ya nanhte gaw kashu kasha rai nga myit dai majaw, Karai Kasang gaw, Aba Wa e, nga nna shaga chye nga ai, shi a Kasha a Wenyi hpe anhte a kraw lawang de shangun dat nu ai.

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

EHPESU 4:4

Nanhte hpe shaga la ai lam hta, myit mada shara langai sha de, shaga la manit dai hte maren, hkumhkrang langai sha hte Wenyi langai sha rai nga ai:

HPILIPI 1:8

Kaning rai nme law, Hkristu Yesu a n-gaw nwai ai hta ngai nanhte nlang hte hpe gade wa nra la nga nngai gaw, Karai Kasang nye a sakse rai nga ai.

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

KOLOSE 2:2

shanhte a kraw lawang shangwi shapyaw ai hkrum lu mu ga, ngai nde wa shaja nga nngai, nanhte chye nga na, ngai ra nga nngai:

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

HEBRE 6:18

shing rai, Karai Kasang gaw galoi mung n masu kau lu ai, tut agrin nga ai lam lahkawng a majaw, anhte a man e tawn da ai myit mada shara hta manoi nga lu hkra, shingbyi shingwung shara de hprawng wa ai ni ngu ai, anhte a matu mara, ngang ngang kang kang re ai shalan shabran ai lam rai nga ai.

1 PETRU 1:2

Puntu, Galati, Kapadoki, Asi hte Behtuni mung hkan e bra mat ai ni hte rau, lata la ai shingbyi nga ai ni hpe, ga shana dat nngai: chyeju hte ngwipyaw ai gaw nanhte hta law htam wa malit ga law.

1 YAWHAN 3:24

Shi a hkang da ai ga hpe hkan shatup ai wa gaw, shi hta e anga nga ai rai nna, shi mung dai wa hta e anga nga ai: shi anhte hpe jaw da ai Wenyi a majaw, anhte hta e shi anga nga ai gaw, anhte chye nga ga ai.

1 YAWHAN 4:12

Karai Kasang hpe gadai muk, galoi e mung, n mada mu lu ai: anhte shada da tsawra nga ga yang gaw, Karai Kasang gaw anhte hta e rawng nga ai rai nna, shi a tsawra ai myit gaw, anhte hta e dik wa lu ga ai.

1 YAWHAN 4:16

Karai Kasang gaw anhte e rawng da ai tsawra ai myit hpe, anhte chye nga ga ai hte kamsham nga ga ai. Karai Kasang gaw tsawra ai myit rai nga ai; tsawra ai lam hta e anga nga ai wa gaw, Karai Kasang hta e anga nga ai rai nna, Karai Kasang mung shi hta e anga nga ai.