HPILIPI 1:8 - Jinghpaw Hanson Version Bible

⁸ Kaning rai nme law, Hkristu Yesu a n-gaw nwai ai hta ngai nanhte nlang hte hpe gade wa nra la nga nngai gaw, Karai Kasang nye a sakse rai nga ai.

Jinghpaw Common Language Bible 2009

⁸ Ngai gaw Hkristu Yesu shi nan a myit masin hta rawng ai n-gaw nwai ai myit hte nanhte hpe myit dum marit nga nngai, ngu nna ngai tsun ai ga teng nga ai gaw Karai Kasang nye a sakse rai nga li ai.

HPILIPI 1:8 Iomraidhean Croise

YOBA 16:19

Ya pyi, yu u, nye a sakse gaw sumsing lamu e rai nga ai; nye a pahkam wa gaw, matsaw lahta tang e dung nga ai.

ESAIA 16:11

Dai re ai majaw, Moba a matu nye a myi masin gaw, Kira-heret a matu, nye a kraw lawang gaw, tingse zawn yawn ngoi nga ai.

ESAIA 63:15

Sumsing lamu de nna gum yu u; na a dan hkung ai hte chyoi pra ai shanu shara nna mada yu u: na a nja nhpra myit hte, daru magam re ai amu ni, kanang rai nga a ta? na a kraw lawang na chyeju myit hte, matsan dum ai myit, nang ngai hte shatsan kau nit dai.

YEREMIA 31:20

Ehprim gaw ngai tsawra ai kasha, n rai ni? grai tsawra ai ma, n rai ni? shi hpe daru shagu grai wa naw dum nga nngai; dai re ai majaw, ngai shi a matu myit ndawt nga nngai; gaja wa ngai shi hpe matsan dum na nngai, nga nna Yehowa tsun ai.

LUKA 1:78

Shi a amyu hpe hkye hkrang la ai lam chye lu shangun na matu mung, Nsin, hte si ai shingnip kata e dung nga ai ni hpe htoi ya nna,

ROMA 1:9

Kaning rai nme law, nye a akyu hpyi ai ga hta e ngai nanhte hpe n sim n sa adum nga nna,

ROMA 9:1

Hkristu hta e tengman ai ga ngai tsun nngai, ngai n masu nngai;

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara nga ga ai: shing rai nanhte hkum tsup lu myit ga, dai lam mung anhte ahpyi nga ga ai.

2 KORINHTU 6:12

Anhte hta e nanhte chyat nga myit dai n rai; nanhte a kraw lawang gyip nga malit dai.

2 KORINHTU 7:15

Nanhte nlang a madat mara ai myit hte, hkrit nna gari let shi hpe hkap hkalum la myit dai hpe adum nga ai majaw, shi nanhte hpe tsawra ai shawang amyit gaw, nachying galu kaba nga lu ai.

GALATI 1:20

Nanhte hpe ngai ka dat ai hta, masu magaw ga n lawm nga ai ngu nna, yu mu, Karai Kasang a man e ngai tsun nga nngai.

GALATI 3:26

Kaning rai nme law, Hkristu Yesu hta e kamsham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

GALATI 4:19

Nye a ma kaji ni e, Hkristu a shing-yan nanhte hta hkum wa ai du hkra, shangai wa ai shinggyim machyi hpe ngai nanhte a matu naw hkam nga nngai.

HPILIPI 2:1

Dai re ai majaw, Hkristu hta e shadum jahprang na lam, tsawra ai myit hte shangwi shapyaw na lam, wenyi a kanawn mazum ai lam hte, n-gaw nwai nna matsan dum ai lam lama ma nga a yang gaw,

HPILIPI 2:26

Kaning rai nme law, nanhte nlang hte hpe sa hkrum lu na, shi nachying myit ndawt nga ai hte, shi machyi ai hpe nanhte na yu hkrup myit dai majaw, shi grai wa myit ru myit tsang nga ai.

HPILIPI 4:1

Dai rai nna, ngai tsawra ai hte sharawng awng nna, nye a kabu gara shara hte janmau rai nga ai, hpunau ni e, dai Madu hta shing rai lahpran tsap nga mu, ngai tsawra ai ni e.

KOLOSE 2:1

Kaning rai nme law, nanhte hte Ladoki masha ni a matu mung, nye a myi man n mu yu ai ni yawng a matu mung, Hkristu ngu ai Karai Kasang a sung htum ai lam shanhte chye chyang lu hkra, tsawra ai myit hte makyit mahkai nna zai byeng-ya ting ngu ai hkum tsup re ai sutgan hpe lu la let,

KOLOSE 3:12

Dai re ai majaw, Karai Kasang a lata la ai ni hte, chyoi pra nna tsawra hkrum ai ni zawn, matsan dum ai, sumnung ai, mai kaja ai, myit nem ai, myit gyip ai hte myit galu kaba ai dagraw nga nna,

1 HTESALONI 2:5

Kaning rai nme law, nanhte chye nga myit dai hte maren, anhte galoi mung a shapyaw ai ga hpe nsung ga ai hte, ka-up nga ai nammak lawhpa n rawng nga ai gaw, Karai Kasang nan sakse rai nga ai:

1 HTESALONI 2:8

Shing rai nanhte hpe nja nhpra nga ga ai majaw, Karai Kasang a kabu gara shiga sha n rai, anhte a asak hpe pyi nanhte hpe jaw kau na, anhte myit dik nga ga ai; kaning rai nme law, anhte a tsawra ai ni nanhte tai wa manit dai.

2 TIMOHTI 1:4

na a myi prwi ngai dum nna, nye a kabu gara ai dik wa lu li ga, nang hte hkrum na, shani shana ngai myit ndawt nga nngai:

HPILEMON 1:12

shi hkum nan hpe nang hpang de ngai bai wa shangun dat nngai; dai lam hta e nye a tsawra ai myit du nna lawm nga ai.

HPILEMON 1:20

Rai sa, hpunau wa e, na a majaw, dai Madu hta, ngai kabu gara nga lu n-ga; Hkristu hta e nye a myit masin hpe shangwi shapyaw ya rit.

1 YAWHAN 3:17

Kadai rai timung, ga ntsa a sutgan lu nga ai hte, shi a kahpu kanau matsan mayan rai nga ai hpe, mu ninglen, shi a matsan dum ai myit hpe pat kau wu yang gaw, Karai Kasang a tsawra ai myit gaw, dai zawn re ai wa hte e kaning rai nga lu na rai ta?