HPILIPI 1:1 - Jinghpaw Hanson Version Bible

¹ Hkristu a mayam rai nga ai Pawlu yan Timohti gaw, Hpilipi mare e nga nga ai, Hkristu Yesu hta e chyoi pra ai ni nlang hte hte, hpung up ni hte hpungtau ni hpe nawng, ga shana dat ga ai.

Jinghpaw Common Language Bible 2009

¹ Hkristu a mayam ni rai nga ai Pawlu hte Timohti gaw, Hpilipi mare e nga nga ai, hpung, hpung up, hpungtau ni hte hpawn Hkristu Yesu hta e langai sha rai nga ai Karai Kasang a amyu masha ni nlang hpang de laika ka dat ga ai.

HPILIPI 1:1 Iomraidhean Croise

MARKU 13:34

Dai lam, masha langai mi tsan tsan mung de sa nga mat na, shi a nta hpe kau da yang, shi a mayam ni hpe ahkang jaw mu ai hte langai hte langai hpe bungli karan ngut jang, chyinghka sin ai wa hpe mung maja nga u ga, nga nna hkang da ai lam hte bung nga ai:

YAWHAN 12:26

Nye a amu gun hpai ai wa rai yang gaw, nye a hpang hkan nang ru ga: ngai nga ai shara e, nye a shangun ma mung nga na ra ai; nye a amu gun hpai ai wa rai yang gaw, nye Wa dai wa hpe shagrau na ra ai.

KASA 1:20

Dai lam gaw Shakawn Kungdawn laika hta, ‘Shi a htingra katsi katsang rai mat u ga, Dai hta kadai mung n nga mu ga,’ ngu nna mung; bai, ‘Shi a aya hpe masha kaga lu la u ga,' nga nna mung, rawng nga ai.

KASA 20:28

Karai Kasang gaw shi a sai hte mari la ai Hpung hpe yu lahku na matu, Chyoi pra ai Wenyi nanhte hpe Hpung up ni shatai manit dai majaw, nanhte gaw, tinang hkum dai hte, sagu hpung ting hpe, sadi sahka hte yu nga mu law.

KASA 9:13

Anani chyawm gaw, “Madu e, dai wa gaw Yerusalem e, na a chyoi pra ai ni hpe n hkru ai hku gade wa galaw ai gaw, ashi law law ngai na se ai;

ROMA 1:1

Yesu Hkristu a mayam hte, kasa aya hta dang da nna, dai chyoi pra ai Chyum laika ni hta

ROMA 1:7

Anhte a Wa Karai Kasang hte, Madu Yesu Hkristu kaw na, chyeju hte ngwipyaw ai gaw, nanhte hta e anga nga malit ga law.

1 KORINHTU 16:10

Timohti nanhte kaw du dam a yang gaw, shi n hkrit ai sha nanhte hte rau nga nga lu u ga, yu yu nga mu; kaning rai nme law, shi gaw ngai hte maren dai Madu a magam bungli hpe gun hpai nga ai.

2 KORINHTU 1:1

Karai Kasang myit ra ai hte maren, Hkristu Yesu a kasa, ngai Pawlu hte, hpunau Timohti gaw, Korinhtu mare na Karai Kasang a Hpung hte Ahkaia mung ting na chyoi pra ai ni nlang hte hpe, ga shana dat ga ai.

GALATI 1:10

Kaning rai nme law, ning nga tsun ai gaw, masha myi man pa na ngai ra nga nngai kun? shing n rai, Karai Kasang a myi man pa na ngai ra nga nngai kun? Masha ra ai hku hkan nang na ngai tam nga nngai kun? Masha ra ai hku ngai naw hkan nang nga yang gaw, Hkristu a ali ama ngai rai na nngai n rai.

GALATI 3:26

Kaning rai nme law, Hkristu Yesu hta e kamsham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

GALATI 3:28

Nanhte yawng mayawng gaw Hkristu hta e langai sha rai nga myit dai majaw, Yuda wa ngu na mi n nga, Heleni wa ngu na mi n nga; mayam ngu na mung n nga, shanglawt ngu na mung n nga; lasha, numsha ngu na mi mung n nga lu ai.

EHPESU 1:1

Karai Kasang a myit ra ai a majaw, Hkristu Yesu a kasa rai nga ai, ngai Pawlu gaw, Ehpesu mare hta e nga ai chyoi pra ai ni hte, Hkristu Yesu hta kangka rai nga ai ni hpe, ga shana dat nngai.

EHPESU 1:15

Dai re ai majaw, Madu Yesu hta e mung, chyoi pra ai ni yawng hte hta e mung, nanhte lu nga ai makam masham lam hpe ngai na yu nngai majaw,

EHPESU 6:24

Anhte a Madu Yesu Hkristu hpe n sawt ai myit hte tsawra ai ni nlang hte hta, akyu ara rai nga u ga law.

HPILIPI 2:19

Nanhte a lam chye lu yang, ngai mung myit pyaw nga lu n ga, nanhte hpang de Timohti hpe alawan shangun dat na, dai Madu Yesu hta e ngai myit mada nga nngai.

HPILIPI 2:5

Hkristu Yesu hta e rawng ai myit nan, nanhte hta e mung rawng nga myit ga:

HPILIPI 3:12

Shing rai tsun yang, ngai ya e pyi lu la ni ai hte, ya e pyi hkum tsup rai nga ai hpe, ngai n tsun nngai; rai timung, dai akyu a lam a matu Hkristu Yesu ngai hpe hkap la ni ai hte maren, dai hpe ngai nan hkap la lu u ga, gat shachyut nngai.

HPILIPI 3:3

Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

HPILIPI 3:8

Gaja wa nye a Madu Hkristu Yesu a chye chyang ai lam a chyahtum chyalai re ai a jaw e, yawng mayawng sum mat ai lam arai nga ai, ngai nawn nga nngai.

1 HTESALONI 1:1

Pawlu, Silwanu hte Timohti hte gaw, Kawa Karai Kasang hte Madu Yesu Hkristu hta rai nga ai, Htesaloni masha ni a Hpung hpe, ga shana dat ga ai. Chyeju hte ngwipyaw ai gaw, nanhte hta e anga nga malit ga law.

1 HTESALONI 2:2

Nanhte chye nga myit dai hte maren, Hpilipi mare hta shawng e nni nkri hte asawng asang hkrum ngut jang, zingri zingrat law law hkrum timung, anhte a Karai Kasang shatsam ai a jaw e, Karai Kasang a kabu gara shiga hpe nanhte kaw tsun dan na, anhte gwi ga ai.

2 HTESALONI 1:1

Pawlu, Silwanu hte Timohti hte gaw, anhte a Wa Karai Kasang hte Madu Yesu Hkristu hta rai nga ai Htesaloni masha ni a Hpung hpe, ga shana dat ga ai.

2 HTESALONI 1:10

n madat ai ni gaw dai Madu a myi man hte shi a atsam a hpung shingkang hte, hka wa na htani htana hten nan ai ari ahpri hkrum na mara ai.

1 TIMOHTI 1:2

Kawa Karai Kasang hte anhte a Madu Hkristu Yesu kaw na chyeju, matsan dum ai hte ngwipyaw ai gaw, anga nga u ga law.

1 TIMOHTI 3:8

Dai hte maren hpungtau ni mung, shatep shingdi re ai ni rai lu na rai: ga mashe n rawng ai, tsabyi n lu lai ai hte, n seng ai amyat n marin ai sha,

TITU 1:1

Karai Kasang a lata la ai ni a makam masham hte, tara hkungga lam hte seng ai, tengman ai ga a chye chyang ai hku hte maren, htani htana asak lu la na myit mada shara chye lu hkra,

TITU 1:7

Kaning rai nme law, Hpung up wa gaw, Karai Kasang a kunhting wa zawn, mara n rawng ai wa, mai rai nga ai; tinang myit machyu ai wa, sindawng katawt ai wa, chyaru len ai wa, anu ajin re ai wa, n san n seng ai sut marin ai wa, n mai rai ai sha,

HPILEMON 1:1

Hkristu Yesu a bawng dung ai wa, ngai Pawlu hte hpunau Timohti gaw, anhte amu shingtau ai, tsawra ai wa Hpilemon hpe mung,

HEBRE 13:23

Anhte a hpunau Timohti gaw raw dat hkrum sai hpe, chye nga manu; shi alawan du yang gaw, ngai shi hte rau sa nna, nanhte hte hkrum na ring ngai.

YAKU 1:1

Karai Kasang hte Madu Yesu Hkristu a mayam, ngai Yaku gaw, bra mat nga ai amyu shi lahkawng ni hpe ngwipyaw ga shana dat nngai.

1 PETRU 2:25

Kaning rai nme law, nanhte nlang sagu zawn lam dam mat myit timung, ya gaw, dai Sagu rem wa hte nanhte a myit masin a Hpung up wa hpang de, nhtang wa manit dai.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte, Hkye hkrang la ai Madu Yesu Hkristu a dinghpring ai lam hta, anhte zawn hpu la ai makam masham lu la nga ai ni hpe, ga shana dat nngai.

YUDA 1:1

Yesu Hkristu a mayam hte, Yaku a kanau, ngai Yuda gaw, Kawa Karai Kasang hta tsawra nna Yesu Hkristu a matu bau sin hkrum ai, shaga da ai ni hpe, ga shana dat nngai:

SHINGRAN 1:1

Da ndai gaw, ahkying ladaw gade n na yang, byin wa na ra ai lam ni hpe, Hkristu a shangun ma ni e madun dan na matu, Karai Kasang gaw dai Madu hpe jaw dat ai, Yesu Hkristu a shingran ga rai nga ai; dai Madu gaw shagun dat nna shi a lamu Kasa a lata hte shi a shangun ma Yawhan hpe dai shingran ga shadan dan wu ai:

SHINGRAN 1:20

nye a hkra lata hta nang mu lu ai shagan sanit hte, aja pyengdin sanit ni amau htum ai lam, ka da u; dai shagan sanit gaw, Hpung sanit ni a kasa ni rai nga ma ai, dai pyengdin sanit mung, Hpung sanit rai nga ai.

SHINGRAN 19:10

Shaloi, ngai shi hpe nawku na nga, shi a lagaw nhpang e dingnyawm dagup nngai. Shi gaw, “Shing hkum rai et: ngai gaw Yesu a sakse ga gun hpai ai na a mung, na a kahpu kanau ni a mung, shangun ma manang shada she rai nngai: Karai Kasang hpe nawku u: kaning rai nme law, Yesu a lam sakse hkam ai gaw, myihtoi htoi ai wenyi a myit hku rai nga ai,” nga nna ngai hpe ginhtim tsun ai.

SHINGRAN 2:12

Bai, Pergamu mare na Hpung a kasa hpe ning ngu ka dat u: Nshan lahkawng dai ai ntawng nhtu lang ai wa gaw, ning nga nga ai:

SHINGRAN 2:8

Bai, Samurna mare na Hpung a kasa hpe ning ngu ka dat u: Si sai rai timung ahkrung nga ai ningshawng wa hte jahtum rai nga ai wa gaw, ning nga nga ai:

SHINGRAN 22:9

Shi gaw, “Shing hkum rai et; ngai gaw, na a mung, na a kahpu kanau myihtoi ni hte ndai laika a mungga hkan nang nga ai ni a mung, shangun ma manang shada she rai nngai: Karai Kasang hpe nawku u,” nga nna ngai hpe ginhtim tsun ai.