Daniela 9:2 - Jinghpaw Hanson Version Bible

² ngai Daniela gaw laika ni hpe sawn yu yang, Yerusalem mare hten byak nna, sanit shi ning lai wa u ga, nga nna myihtoi Yeremia kaw du ai Yehowa a mungga majaw, ndai shaning ni a nambat hpe, ngai chye na lu nngai.

Jinghpaw Common Language Bible 2009

² Shi hkaw dung ai laning mi hta, chyoi pra ai laika ni hpe hti let, dai Madu gaw myihtoi Yeremia hpe tsun dan nu ai hte maren, Yerusalem hten run mat na ngu ai sanit shi ning hte seng nna myit sumru yu nga nngai.

Daniela 9:2 Iomraidhean Croise

2 HKAWHKAM LABAU 36:21

Shing rai, Yeremia htawn tsun ai Yehowa aga dik wa u ga, “Israela lamu ga gaw tinang hte seng ai laban shaning ni shagu shatup na mara ai: kaning rai nme law, dai mungdan gaw katsi katsang naw nga nga yang, dai gaw ban nga nna, sanit shi ning du hkra hkam nga ai.”

EZRA 1:1

Ya Yeremia htawn tsun ai Yehowa ga dik wa na matu, Persi hkawhkam hkaw dung ai shawng shaning hta e, Yehowa gaw shi a myit masin hpe shamu shamawt ya nna, shi gaw shi a mungdan ni mahkra hproi hkra hkang dat ai laika shabra dat nna,

SHAKAWN KUNGDAWN 119:24

Na a sakse ga, ngai awng shara hte, Ngai hpe hpaji daw ya ai ga, rai nga ma ai.

ESAIA 64:10

Na a chyoi pra ai mare ni, nam mali tai mat sai; Ziun bum mung, nam mali tai mat sai; Yerusalem mare gaw katsi katsang re ai shara tai mat sai.

YEREMIA 1:1

Yuda hkawhkam, Amon a kasha, Yoshia hkaw dung ai shi masum ning hta e mung;

YEREMIA 25:18

Dai amyu ni chyawm gaw: Dai ni rai nga ai hte maren, katsi katsang shara, mauhpa shata, hkrithpa shara hte dagam dala shara tai na matu, Yerusalem mare hte Yuda mung na mare ni, de a hkawhkam ni hte agyi salang ni yawng; Egutu hkawhkam Hpara-u hte, shi a ali ama ni, agyi salang ni, mung masha ni yawng; hkang kayau amyu ni mahkra hte, Uza mung na hkawhkam ni yawng; Hpilisti mung hte, Ashkelon, Gaza, Ekron hte naw ngam nga ai Ashdod masha ni a hkawhkam ni yawng; Edom, Moba hte Ammon kashu kasha ni yawng, Turu hkawhkam ni yawng, Sidon hkawhkam ni yawng, nammukdara wora hkran de nga ai zunlawng ni a hkawhkam ni yawng; Dedan, Tema, Buza hte, na labying kara doi ai amyu ni a hkawhkam ni yawng; Arabi hkawhkam ni yawng, nam mali e nga ai, hkang kayau amyu ni a hkawhkam ni yawng; Zimri hkawhkam ni yawng Elam hkawhkam ni yawng, Medi hkawhkam ni yawng; langai hte langai, ni ai tsan ai, dingdung mung na hkawhkam ni mahkra hte, mungkan ting hta nga ai, maigan mungdan ni yawng, rai nga ma ai: mahkra a hpang jahtum e Sheshak hkawhkam mung lu na ra ai.

YEREMIA 27:7

Shi a mungdan htum ai aten du hkra, masha amyu baw ni yawng, shi hpe mung, shi a kasha hpe mung, shi a kashu hpe mung, daw jau nna, shi a mungdan htum yang, amyu baw law law hte hkawhkam kaba ni, shi hpe mayam yam na mara ai.

YEREMIA 29:10

Bai Yehowa ning nga ai: Babelon mare hta sanit shi ning ladu hkrum jang, ngai nanhte hpe kawan katsan yu na nngai; ngai tawn da ai ga sadi hpe ngai nanhte a matu shadik nna, ndai ga de nanhte hpe bai wa shangun na nngai.

YEREMIA 7:34

Dai shaloi e ngai gaw, Yuda mare ni hte Yerusalem mare lam ni hta na, kabu gara ai nsen, mani pyaw ai nsen, la ningnan a nsen, num ningnan a nsen, jasim kau na nngai; kaning rai nme law, mung ting katsi katsang tai mat na ra ai,” nga ai.

SHARUNG SHAYAWT 1:1

Masha law ai mare gaw, ya kaning rai shi hkrai lik lik dung nga a hka! Masha amyu ni hta galu kaba ai num gaw, gaida jan zawn tai wa sahka! Mungdaw ni a du jan gaw, ya hkansi bang nga a hka!

EZEKELA 29:11

Mali shi ning tup, masha mung, yamnga mung, dai hku n lai lu nna, kadai mung shanu nga lu na n rai.

Daniela 9:3

Dai rai nna ngai gaw, lusha gam nna, lachyit nba bu hpun ai hte, wan dap galu let, Madu Karai Kasang hpe akyu hpyi nna, tawngban ai hte tam nngai.

MIHKA 3:12

Dai re ai majaw, nanhte a jaw e, Ziun gaw yi hkauna zawn shawt kau ai hkrum nna, Yerusalem mare gaw marawng marang sumpum tai mat na hte, nawku Htingnu bum mung, nam mali na tsaw ai kawng ni zawn, tai mat na ra ai.

ZEHKARIA 1:12

Shaloi Yehowa a lamu kasa gaw, “Zaw nawng zaw wa up ai Yehowa e, ndai sanit shi ning tup, nang sindawng kahtet ai Yerusalem hte Yuda mung na mare ni hpe, gaten du hkra matsan n dum nga na rai ta?” ngu nna san wu ai.

ZEHKARIA 7:5

Mung masha ni mahkra hte, hkinjawng ni hpe ning ngu tsun mu: “Nanhte gaw, ndai sanit shi ning tup, shata manga hte shata sanit hta, lusha gam nna hkrap ngu hkrap ngoi nga yang, gaja wa, ngai ra ai hte maren, lusha gam nga myit ni?

MAHTE 24:15

Dai rai nna, myihtoi Daniela tsun dan ai jahten shabya ai a matsat shabat gaw, dai chyoi pra ai shara e jung nga ai hpe nanhte mu myit yang gaw, laika hti nga ai wa gaw, myit yu nga u ga;

MARKU 13:14

Dai jahten shabya ai matsat shabat gaw, n da ang ai shara e tawn da ai hpe nanhte mu myit yang gaw, laika hti nga ai wa gaw myit yu nga u ga; dai shaloi e, Yuda mung hta e nga ai ni gaw, bum lang de hprawng mu ga;

KASA 8:34

Shaloi dai Unuk wa gaw Hpilip hpe, “Rai taw, dai myihtoi wa gaw kadai hpe sha-ang nna tsun ai rai ta? shi hkum hpe tsun ai rai kun? shing n rai, kaga wa a lam tsun ai rai kun?” ngu nna san wu ai.

1 TIMOHTI 4:13

Ngai sa du ai du hkra laika hti yu nna shadum jahprang ai hte sharin shaga ai hta, a shaja nga u.

SHINGRAN 1:3

Ahkying ladaw ni wa magang ra ai majaw, ndai ga hpe hti dan ai wa hte, ndai myihtoi ga hte hpe madat mara nna dai hta ka da mada hpe hkan galaw ai ni gaw, a lu ma ai.