Daniela 8:8 - Jinghpaw Hanson Version Bible

⁸ Dai rai nna dai namla gaw shi hkum hpe grai shagrau shatsaw wu ai; shi n-gun an yang, dai nrung kaba daw mat lu ai: de a malai, sumsing lamu man mali maga de ang wa ai, nja rawng ai nrung mali tu pru wa ai.

Jinghpaw Common Language Bible 2009

⁸ Dai bainam gaw grau grau nna shakawng shakat nga ai; rai ti mung shi n-gun atsam an nga yang, shi a nrung daw mat nga ai. De a shara hta laklai dan dawng ai nrung mali tu pru wa nna dai ni gaw kaga ga de madun dan nga ma ai.

Daniela 8:8 Iomraidhean Croise

2 HKAWHKAM LABAU 26:16

Ya shi gaw hpung shingkang lu la jang, shi a akyu hten hkra myit kaba wa nna shi a Karai Kasang Yehowa hpe shut kau wu ai: kaning rai nme law, manam pyaw ai baw nat nawng ai hkungri ntsa e, manam pyaw ai baw nat nawng na matu, Yehowa a nawku htingnu kata de shi shang wa ai.

ESHTA 9:4

Kaning rai nme law Mordehkai gaw hkawhkam htingnu hta kaba wa nna, shi a kajai gumhkawng ai gaw, mungdaw ni hta pri rai wa sai; dai la wa Mordehkai gaw lani hte lani grau nna kaba wa sai.

YEREMIA 49:36

Ngai gaw lamu ga man mali maga na nbung amyu mali hpe, Elam mung de woi wa nna, dai nbung mali a man e shanhte hpe ahpawt shabra kau na nngai: shing rai shabra kau dat ai Elam masha ni, n du ai mungdan langai mi muk n nga na sai.

YEREMIA 5:27

U raw hta u ni hpring nga ai hte maren, shanhte a nta ni gaw hkalem hkalau ai hte hpring nga ai: dai re ai majaw shanhte kaba wa nna, sut su nga ma ai.

EZEKELA 16:7

Pa ga na tsingdu hpe zawn ngai nang hpe shalaw nngai: nang kaba wa nna, kunghpan wa nga ndai; tsawm htap ai gali lakai mawn sumli nga ndai; na madoi chyu hpang gawng wa nna, na a hkum hta mun tu nga ai; rai timung, nang singgu krin naw rai nga ndai.

EZEKELA 28:9

‘Ngai Karai Wa rai nga nngai,’ nga nna nang hpe sat kau ai wa a man e, nang naw tsun lu na n ni? Gaja wa, nang hpe hkala kau ai wa a lata hta, nang gaw Karai Wa n rai, masha chyu sha rai nga ndai.

Daniela 11:4

Dai wa n-gun an wa yang, shi a mungdan agrawp kau ai hkrum nna, sumsing lamu man mali ang hkra, karan la na mara ai; rai timung up ai ni gaw shi a aru arat, n rai, up ai ahkang aya mung shi zawn lu na n rai: kaning rai nme law, shi a mungdan gaw baw kau ai hkrum nna, hpyen du ni up lu ai mungdaw hta kaga, masha gale mung up lu na ra ai.

Daniela 4:31

Dai ga hkawhkam wa naw tsun nga yang pyi, sumsing lamu de na nsen gaw, “Hkawhkam Nebuhkadneza e, na a lam tsun ai ga dik wa sai:

Daniela 5:20

Rai timung, gumrawng gumtawng lam hkan galaw hkra, shi myit kaba nna masin ja nga yang, shi gaw hkawhkam tingnyang na gum-yu yu mat ai hkrum nna, shi a hpung shingkang hkoi mat wa sai;

Daniela 7:2

Daniela gaw, “Shana aten e ngai shingran mu nna, yu u, sumsing lamu na nbung mali gaw, nammukdara kaba ntsa e bung ahpawt wa ai.

Daniela 7:6

Dai hpang ngai mada yu yang, yu u, rawnggawk hte bung ai dusat kaga paw pru nga ai: dai gaw de a marung ntsa e u singkaw mali tu nga ai: dai dusat gaw, baw mali mung tu nna, up ai ahkang aya lu la nga ai.

Daniela 8:22

Dai nrung daw mat nna, de a malai nrung mali tu pru ai gaw, shawng na mungdan hta mungdan mali tai wa timung, shi a n-gun atsam rawng na n rai, nga ai, rai nga ai.

Daniela 8:5

Dai lam hpe ngai sumru yu nga yang, yu u, namla langai mi gaw sinna maga de na paw pru nna, aga n kabye ai, mungkan ting chyam hkra gat hkawm wu ai: dai namla gaw shi a myi lapran e nja rawng ai nrung langai mi tu nga ai.

Daniela 8:7

Shing rai shi gaw, dai sagu la hte ni wa nna, pawt bu ai hte shi hpe daru dang kau ai hte, de a nrung yan hpe agrawp daw kau ya ai, ngai mu nngai: dai sagu la gaw hkap daw lu ai n-gun n nga ai majaw, namla gaw shi hpe ga de kadawng kau nna, kabye kau wu ai: dai sagu la hpe, shi a lata na mawai la lu ai wa, kadai n nga ai.

MAHTE 24:31

Shi a lamu kasa ni hpe, pahtau kaba hte shi shangun dat nna, shanhte gaw nbung mali maga na, lamu htum ai de nna lamu htum ai du hkra, shi a lata la sai ni hpe jahpawng la na maru ai.

MARKU 13:27

Dai shaloi e, lamu kasa ni hpe shi shangun dat nna, nbung mali maga na, aga htum ai de nna lamu htum ai kaw du hkra, shi a lata la ai ni hpe jahpawng la na maru ai.

TARA JAHPRANG 31:20

Kaning rai nme law, shanhte a kaji kawa ni hpe ngai dagam da ai hte maren, nga chyu hte lagat jahku lwi ai mung de shanhte hpe ngai shaw tawn nna, shanhte hkru hkru kat kat sha lu ai hte hpum sau ai shani e, Hpara shaje ni hpang de shanhte dam mat wa nna daw jau na mara ai; shanhte ngai hpe jahpoi nna nye a ga shaka run kau na mara ai.

SHINGRAN 7:1

Dai hpang lamu kasa mali gaw, lamu ga a njut mali hta tsap nga nna, ga ntsa e mung, nammukdara ntsa e mung, hpun magup a ntsa e mung, nbung n bung lu u ga, ga man mali maga de na nbung ni hpe manat shadang da nga ma ai gaw, ngai mu nngai.