Daniela 8:3 - Jinghpaw Hanson Version Bible

³ Shaloi ngai dap mada yu yang, yu u, nrung lahkawng tu ai sagu la langai mi, dai hka kau e tsap nga ai; dai nrung lahkawng galu nga timung, langai mi grau galu nna, dai gaw hpang e tu ai nrung rai nga ai.

Jinghpaw Common Language Bible 2009

³ dai hka nu makau e nrung galu lahkawng tu ai sagu la langai hpe ngai mu nngai; nrung langai mi gaw kaga langai mi hta grau galu nna nrung nnan rai nga ai.

Daniela 8:3 Iomraidhean Croise

1 HKAWHKAM LABAU 21:16

Dawi mada yu yang, Yehowa a lamu kasa gaw Yerusalem ntsa e nhtu shada let, lamu hte aga lapran e tsap nga ai hpe mu wu ai. Dai rai nna Dawi hte agyi salang ni gaw lachyit nba bu hpun let, ga hta gum dagup nga ma ai.

EZRA 1:2

Persi hkawhkam Kuru ning nga ai: “Sumsing lamu na Karai Kasang Yehowa gaw, ga ntsa mungdan ni mahkra hpe nye a lata hta ap ya ni ai; Yuda mung na Yerusalem mare hta e, shi a matu nta langai mi galaw na, shi ngai hpe hkang da ni ai.

EZRA 4:5

Persi hkawhkam Kuru aprat kaw nna, hkawhkam Dari aprat du hkra, shanhte galaw maw ai lam jahten na matu, hpaji daw chye ai ni hpe shaga ma ai.

ESHTA 1:3

shi hkaw dung ai masum ning hta e, shi a du salang ni hte ali ama ni mahkra a matu poi galaw nga ai Persi, Medi hpyen du ni, mungdaw ni a agyi salang ni hte du ni gaw, shi a man e nga nga ma ai:

ESAIA 13:17

Yu u, shanhte hpe gasat na matu, Medi masha ni hpe ngai sharawt na nngai; shanhte gaw gumhpraw hpe n nawn, aja hpe mung n ra ma ai.

ESAIA 21:2

Hkrithpa shingran ngai mu nngai; myit magaw ai wa gaw, magaw ai hku galaw nga ai, jahten shabyak ai wa gaw jahten shabyak nga ai; Elam masha ni e, lung wa mu; Medi masha ni e, wang tawn mu: dai mare a majaw madai ai lam yawng, ngai jasim kau we ai.

ESAIA 44:28

Kuru hkawhkam hpe lakap nna, Shi gaw nye a sagu ni hpe rem ai wa rai nga ai; ngai ra mara shi shadik ya nna, Yerusalem mare hpe bai dè da mu ga, nawku Htingnu a npawt nhpang ni gaw da mu ga, nga nna shi hpe tsun shangun ai Yehowa nan ngai rai nga nngai,” nga ai.

YEREMIA 51:11

Pala ni hpe garang mu; n-gang ni hpe la lang mu: Yehowa gaw Medi hkawhkam ni a myit hpe jasu nu ai; shi gaw Babelon mare hpe shamyit kau na maw nga ai; dai gaw Yehowa a matai dawp ai lam, shi a nawku Htingnu a matai htang ai lam, rai nga ai.

Daniela 10:5

ngai mada yu nna, yu u, Lachyit nba bu hpun nna, Uhpaza ja jet shingkyit kyit let, masha langai mi tsap nga ai hpe, ngai mu nngai:

Daniela 2:39

Na a hpang e, nang hte lawu grit re ai mungdan langai mi pru na ra ai: dai hpang masum ngu na magri mungdan pru nna, dai gaw lamu ga ting hpe up na ra ai.

Daniela 5:31

Medi masha Dari gaw, shi a asak kru shi lahkawng ning e, dai mungdan hpe up hpang wu ai.

Daniela 6:28

Shing rai ndai Daniela gaw Dari up hkang ai prat e mung, Persi masha Kuru up hkang ai prat e mung, galu kaba wa nga ai.

Daniela 7:5

Bai, yu u, lahkawng ngu na dusat gaw, tsap hte bung nga ai: dai gaw maga mi de shi hkum hpe sharawt nna, garep nra masum, de a n-gup hta mahkang nga ai: shanhte gaw, Rawt u, ashan law law kawa sha u, ngu nna dai dusat hpe tsun mu ai.

Daniela 8:2

Ngai mu ai shingran gaw da ndai rai nga ai; ngai hkum nan Elam mungdaw na Shushan htingnu hta e rai nga nna, shingran mu yang gaw, Ulai hka kau e rai nga nngai.

Daniela 8:20

Nang mu ai, nrung lahkawng tu ai sagu la gaw, Medi hte Persi hkawhkam rai nga ai.

ZEHKARIA 1:18

Shaloi ngai mada yu yang, yu u, nrung mali rai nga ai.

ZEHKARIA 2:1

Bai ngai mada yu yang, yu u, shadawn sumri lang ai wa langai mi dan nga ai.

ZEHKARIA 5:1

Bai ngai mada yu nna, yu u, pyen yawn nga ai laika katsu hpe, ngai mu nngai.

ZEHKARIA 5:5

Shaloi ngai hte ga tsun ai lamu kasa gaw pru nna, “Ya pru wa ai arai hpe mada yu u,” nga nna ngai hpe tsun ai.

ZEHKARIA 5:9

Bai ngai mada yu yang, yu u, nbung zawn chyang ai, singkaw tu ai num lahkawng paw pru nga ai: shan gaw mali tau singkaw zawn, singkaw tu nna, dai dawm hpe aga hte sumsing lamu lapran e hpai shalun mu ai.

ZEHKARIA 6:1

Bai ngai mada yu yang, yu u, bum lahkawng a lapran na, leng mali dan pru nga ai; dai bum yan gaw, magri bum rai nga ai.

BU HKAWM 24:2

Shing rai Balam gaw Israela masha ni tinang amyu lakung hkan nna dap mi hte dap mi rai but nga ma ai hpe mu mada wu ai; shaloi Karai Kasang a Wenyi shi hta du nna,

YAWSHU 5:13

Ya Yawshu gaw Yerihko makau e nga nga ai shaloi sharawt mada yu yang, “yu u, nhtu shaw shada lang nna shi hte man ap rai tsap nga ai wa langai mi nga nga ai: Yawshu gaw shi hpang de sa wa nna, Nang gaw anhte hpang maga na rai n ni? gumlau hpyen hpang maga na rai n ni?” ngu nna san yu wu ai.

SHINGRAN 13:11

Bai, aga kata de na pru lung wa ai matse labye kaga ngai mu nngai: shi gaw sagu kasha a nrung hte bung ai nrung lahkawng tu nna, baren numraw zawn ga tsun nga ai.

SHINGRAN 5:6

Shaloi, dai tingnyang hte dusat amyu mali a ka-ang e mung, dai salang ni a ka-ang e mung sat kau hkrum sai nsan ai Sagu Kasha langai mi tsap nga ai hpe, ngai mu nngai; dai Sagu Kasha gaw nrung sanit hte myi sanit tu nga ai; dai myi sanit gaw, dinghta ga ting hproi hkra shangun dat ai, Karai Kasang a wenyi sanit rai nga ai.