Daniela 8:1 - Jinghpaw Hanson Version Bible

¹ Ya hkawhkam Belashaza hkaw dung ai masum ning hta e, ngai Daniela gaw shawng na shingran hpe mu ai hpang shingran bai mu nngai.

Jinghpaw Common Language Bible 2009

¹ Belshaza hkaw dung ai masum ning hta, ngai gaw lahkawng ngu na shingran mu nngai.

Daniela 8:1 Iomraidhean Croise

EZEKELA 1:1

Ya sumshi ning ngu na hta, shata mali a manga ya shani e, Hkebara hka kau e bawng dung ai ni hte rau ngai nga nga yang, sumsing lamu hpaw malang wa nna, Karai Kasang a shingran hpe ngai mu nngai.

Daniela 1:17

Ya Karai Kasang gaw dai shabrang mali hpe, laika chye ai hte hpaji byeng-ya amyu myu hta nyan rawng nna, chye chyang ai myit, jaw manu ai: Daniela mung, shingran hte yup mang amyu myu chye htai ai nyan hpring nga ai.

Daniela 10:2

Ngai Daniela gaw ndai aten hta, nhtoi bat masum tup, yawn hkyen nga nngai.

Daniela 10:7

Dai shingran hpe ngai Daniela hkrai mu lu nngai: ngai hte rau nga ai manang ni dai shingran hpe n mu lu timung, shanhte gaw grai hkrit gari ai hkrum nna, tinang hkum hpe makoi na, hprawng ma ai.

Daniela 11:4

Dai wa n-gun an wa yang, shi a mungdan agrawp kau ai hkrum nna, sumsing lamu man mali ang hkra, karan la na mara ai; rai timung up ai ni gaw shi a aru arat, n rai, up ai ahkang aya mung shi zawn lu na n rai: kaning rai nme law, shi a mungdan gaw baw kau ai hkrum nna, hpyen du ni up lu ai mungdaw hta kaga, masha gale mung up lu na ra ai.

Daniela 7:1

Babelon hkawhkam Belashaza hkaw dung ai shawng shaning e, Daniela gaw yup mang mu nna, shi yup ku ntsa e shingran mu nga ai: shaloi shi gaw dai yup mang lam ka da nna, de a ga kanu shapraw dan wu ai.

Daniela 7:15

“Ngai Daniela gaw, nye a wenyi nye kraw lawang e kahpra nga nna, ngai mu ai shingran ni majaw, myit ung ang nga nngai.

Daniela 7:28

Da ndai gaw de a ga kanu rai nga ai: ngai Daniela gaw myit grai ung ang nna, myi man sum nga nngai; rai timung ngai gaw ndai lam hpe nye a kraw e matsing da nga nngai.”

Daniela 8:15

Ya ngai Daniela gaw dai shingran mu nna, de a lachyum tam sawk yu nga yang, yu u, masha nsan ai wa langai mi nye a man e tsap nga ai.

Daniela 8:2

Ngai mu ai shingran gaw da ndai rai nga ai; ngai hkum nan Elam mungdaw na Shushan htingnu hta e rai nga nna, shingran mu yang gaw, Ulai hka kau e rai nga nngai.

Daniela 9:2

ngai Daniela gaw laika ni hpe sawn yu yang, Yerusalem mare hten byak nna, sanit shi ning lai wa u ga, nga nna myihtoi Yeremia kaw du ai Yehowa a mungga majaw, ndai shaning ni a nambat hpe, ngai chye na lu nngai.